दिब्य दरस 9:20 - Garhwali

²⁰ मगर जु लोग यों पीड़ाओं मा बटि भि बचि गैनी ऊंन फिर भि अपणा-अपणा कामों से पस्ताप नि कैरी बल्किन मा खबेसों अर सोना-चांदी, पीतळ, ढुंगो अर लखड़े की बणि मूरतों तैं पूजणा रैनी, जु कि नऽ त देखि सकदिन, ना सुणी सकदिन, अर ना ही चलि-फिरी सकदिन।

गढवली नयो नियम

^20-21 पर और लोग जु ऊं विपत्तियों बट्टी पैली नि मरै गै छा, ऊंल अभि भि अपड़ा बुरा कामों बट्टी पछतौ नि कैरी छो। ऊंल हत्या कन, टूणा-टुटगा, यौन अनैतिकता या चोरी कन बट्टी पछतौ नि कैरी। ऊंल दुष्टात्माओं अर अपड़ी हथों बट्टी बंणि चीजों की आराधना कन भि नि छोड़ी, जन कि सोना या चाँदी या पितले या ढुंगा अर लखड़ो ल बणईं मूर्तियां, उ मूर्तियां, न त दिखदी छिनी, न सुणदींनि, अर न ही चलदी छिनी।

दिब्य दरस 9:20 Referans Kwoze

दिब्य दरस 9:21

अर इन्‍नि और भि छा जौन हत्या, जादु-टोंणा, अर गळत सम्बन्ध रखिनी, चोरी कैरी मगर अपणा कामों से पस्ताप नि कैरी।

1 तीमुथियुस 4:1

अर पवित्र आत्मा साफ-साफ बुल्दु, कि औण वळा दिनों मा कुछ लोग बिस्वास बटि भटकी जाला, अर भरमौण वळी आत्मा का उपदेसों अर खबेसों की शिक्षा पर मन लगाला।

खास चेलों 19:26

अर तुमुन अफि देखि अर सुणी भि च कि ये पौलुस न इफिसुस नगर मा ही ना, मगर आसिया मुलक का लगभग सब नगरों का लोगु तैं भकलैयेलि। अर उ इन बुल्दु, कि हाथों द्‍वारा बणईं मूरत द्‍यबता नि छिन।

खास चेलों 7:41

तब ऊं दिनों मा ऊंन एक बछड़ा की मूरत बणवै, अर वीं मूरत का अगनै एक बलि चड़ै, अर जु कुछ भि ऊंन बणै वेका खातिर ऊ बड़ु आनन्द मनौण लगि गैनी।

2 कुरिन्थि 12:21

अर मितैं ईं बात कि चिन्ता च कि जब मि तुमरा पास फिर से औलु, अर अगर जु तुमरा बीच मा भौत सा लोग अभि भि अपणा पुरणा पापों मा ही फंस्यां छिन, अर अपणा मनों मा गळत विचार रखदिन, या सरील का गळत सम्बन्ध रखणा छिन, जौन अपणा यों पापों से पस्ताप नि कैरी त मितैं तुमरि खातिर दीन होण पोड़लु, अर पिता परमेस्वर का समणि रुंण पोड़लु।

खास चेलों 17:29

“इलै अब जब हम वेकी औलाद छां, त हम लोगु तैं इन नि सुचण चयेणु, कि परमेस्वर सोना, चांदी या ढुंगो की बड़ी मूरत का जन च। अरे, यों मूरतों तैं मनखि अपणा सोच-विचार अर कारिगरी का द्‍वारा बणौन्दु।

मत्ती 21:32

अर यू मि इलै बोन्‍नु छौं किलैकि यूहन्‍ना बपतिस्मा देण वळु यू बतौणु खुणि ऐ कि मनखि तैं कनकै धरमी जीवन जीण चयेणु, अर तुम लोगु न वेकी बातों पर बिस्वास नि कैरी, पर चुंगी लेण वळो न अर वेश्याओं का जन दुसरा पापि लोगु न वेकी बातों पर बिस्वास कैरी। अर यू दिखण का बाद भि तुम लोगु न मन से पस्ताप नि कैरी, अर ना ही वेकी बातों पर बिस्वास कैरी।”

दिब्य दरस 16:8

फिर चौथा स्वर्गदूत न अपणु कटोरा सूरज पर अखणै दिनी, अर सूरज तैं अपणी झौऽळ से मनखियों तैं फूकी देण को अधिकार मिली गै,

दिब्य दरस 9:19

किलैकि घोड़ो की ताकत ऊंका गिच्‍चों अर पूंच मा छै, अर ऊंका पूंच गुरौ की तरौं छा जौं पर की मुण्ड़ छा, अर वां से वु नुकसान पौंछन्दिन।

दिब्य दरस 15:1

फिर मिन स्वर्ग मा एक और बड़ु अदभुत चिन्‍न देखि की सात स्वर्गदूत छा, जौं का पास सात विपदा छै। अर यू आखिरी विपदा छै, अर येका दगड़ा-दगड़ि परमेस्वर को परकोप पूरु ह्‍वे जान्दु।