दिब्य दरस 9:15 - Garhwali

¹⁵ तब चरी स्वर्गदूतों तैं आजाद किये गै, जौं तैं वे दिन, वे बगत अर वे मैना अर वे साल खुणि तयार कर्युं च, ताकि वु मनखियों का तीन हिस्सा मा बटि एक हिस्सा तैं मारी द्‍या।

गढवली नयो नियम

¹⁵ इलै तब उ चरी दुष्टदूतों खोले गैनी, उ पैली बट्टी ही तैयार छा अर ऊं तैं बुलै गै छो कि यु बगत, यु दिन, यु मैना अर यु साल इन्तेजार कैरा अर अब यु ऐ गै छो, ऊं तैं दुनिया का एक हिस्सा का लुखुं तैं मरण छो।

दिब्य दरस 9:15 Referans Kwoze

दिब्य दरस 9:18

अर यों तीन विपदाओं की वजै से मनखि जाति का तीन हिस्सा मदि एक हिस्सा को नास ह्‍वे गै। अर यू सब कुछ ऊंका गिच्‍चों बटि निकळण वळी आग, धुंवा अर गंधक की वजै से ह्‍वे।

दिब्य दरस 8:7

अर जब पैला स्वर्गदूत न बिगुला बजै, तब ल्वे मिल्यूं ढांडो अर आग पैदा ह्‍वे, जु की धरती पर ढुळै गै। अर इन होण से जमीन का तीन हिस्सों मदि एक हिस्सा फुकै गै, अर इन्‍नि डाळों को एक हिस्सा फुकै गै, अर पूरि हरीं घास भि फुकै गै।

दिब्य दरस 8:9

अर पाणि का जीव-जन्तुओं मा बटि तीन हिस्सों मदि एक हिस्सा को नास ह्‍वे गै, अर ठिक इन्‍नि समुन्दर का जाजों का तीन हिस्सों मदि एक हिस्सा को नास ह्‍वे गै।

दिब्य दरस 9:10

अर ऊंकी पूंच बिच्छीयों की तरौं डसण वळी छै, अर ऊंकी पूंच मा लोगु तैं पांच मैना तक पीड़ा देण की ताकत छै।

दिब्य दरस 9:5

अर ऊं टिड़ियों तैं इन अधिकार दिये गै, कि ऊ पांच मैना तक लोगु तैं भौत पीड़ा द्‍या, मगर ऊंतैं जान से नि मारा। अर ऊं लोगु की पीड़ा इन छै, जन बिच्छीयों का कटण से होन्दी।

दिब्य दरस 8:8

अर जब दुसरा स्वर्गदूत न बिगुला बजै, तब समुन्दर मा कुई चीज ढुळै गै जन की एक बड़ु पाड़ जै पर आग लगीं छै। अर इन होण से समुन्दर का तीन हिस्सों मदि एक हिस्सा ल्वे बणि गै।

दिब्य दरस 8:10

अर जब तिसरा स्वर्गदूत न बिगुला बजै, तब एक बड़ु गैंणु जु मसाल की तरौं जगणु छौ, आसमान बटि पोड़ि के कई गाडा अर पाणि का छोयों का तीन हिस्सों मदि एक हिस्सा पर पोड़ि।

दिब्य दरस 20:7

अर जब एक हजार साल पूरा ह्‍वे जाला, तब परमेस्वर शैतान तैं कैद से आजाद कैरी द्‍यालु।