दिब्य दरस 7:15 - Garhwali

¹⁵ इलै यू लोग परमेस्वर का मन्दिर मा रै के वेकी सेवा करदिन। अर वेकी राजगद्‍दी का समणि खड़ा छिन। अर परमेस्वर जु कि राजगद्‍दी पर बैठयूं च उ ऊंका दगड़ा मा च अर ऊंकी देख-रेख करदु।

गढवली नयो नियम

¹⁵ इलै ही उ पिता परमेश्वर का सिंहासन का संमणी खड़ा छा, अर उ हर बगत दिन अर रात पिता परमेश्वर का स्वर्गीय मन्दिर मा वेकी सेवा करदींनि; अर उ जु सिंहासन पर बैठद, ऊंका बीच रालो अर ऊंकी देखभाल करलो।

दिब्य दरस 7:15 Referans Kwoze

दिब्य दरस 22:3

फिर उख कै पर भि असगार नि लग्यूं होलु, अर ये नगर मा परमेस्वर अर यीशु की राजगद्‍दी होलि, अर परमेस्वर का सेवक वेकी भक्‍ति करला।

2 कुरिन्थि 6:16

अर मनखि खुद परमेस्वर को मन्दिर च, किलैकि ज्यून्द परमेस्वर अपणी पवित्र आत्मा का द्‍वारा हम मा रौन्दु, इलै मूरतों का दगड़ा मा परमेस्वर का मन्दिर को कुई रिश्ता नि च। अर जन कि पवित्रशास्‍त्र मा भि लिख्यूं च की परमेस्वर इन बुल्दु कि, “मि ऊंमा रौलु, अर ऊंका दगड़ा मा चललु, अर मि ऊंको परमेस्वर होलु, अर ऊ मेरा लोग होला।”

इब्रानी 12:2

अर जन एक खिलाड़ी दौड़ मा अपणी नजर जीत की आखिरी रेखा पर टिकै के रखदु, ठिक उन्‍नि हम भि यीशु मसीह पर अपणी नजर रखा, अर वेका पिछनै चला, अर वे बटि सीखा कि हमतै परमेस्वर पर कनकै पूरु बिस्वास बणै के रखण चयेणु। हाँ, किलैकि यीशु न वीं खुशी तैं ज्वा कि वेतैं मिलण वळी छै, वींका समणि क्रूस को दुख अर होण वळी बेजती तैं कुछ भि नि समझि, अर अब वु परमेस्वर की राजगद्‍दी की दैंणी तरफा बड़ा आदर-सम्मान का साथ बैठयूं च।

यूहन्ना 1:14

अर उ वचन सरील का रुप मा मनखियों का बीच मा ऐ। अर हम पर भरपूर किरपा कैरिके अर परमेस्वर की पूरि सच्‍चै हमतै बतै के हमरा बीच मा रै। अर वेकी महानता तैं हमुन देखि। अर पिता परमेस्वर न वेतैं बिजांम महान बणै, किलैकि उ वेको इकलौतु पुत्र च।

दिब्य दरस 22:5

फिर उख कभि भि रात नि होलि अर ना ही ऊंतैं सूरज या द्‍यू का उज्याळा की जरुरत होलि, किलैकि प्रभु परमेस्वर खुद ऊंको उज्याळु होलु, अर ऊ हमेसा-हमेसा तक राज करला।

दिब्य दरस 11:19

तब परमेस्वर को मन्दिर जु कि स्वर्ग मा च खुलै गै, अर वे मन्दिर मा करार को बक्सा दिखै। अर फिर बिजली चमकी अर बादळों की गगड़ाट, अर भ्वींचळु ऐ अर भौत ढांडो पोड़ि।

दिब्य दरस 7:9

अर येका बाद मिन भौत सा लोगु तैं देखि, जौं तैं गिणै नि जै सकदु। अर वु अलग-अलग देसों, गोत्रों अर जातियों का छा जु कि अलग-अलग भाषा बुल्दिन। अर ऊंका सफेद कपड़ा पैरयां छा अर अपणा हाथों मा खजूर का फौंकों तैं लेके राजगद्‍दी अर मेम्‍ना का समणि खड़ा होयां छा,

दिब्य दरस 4:4

अर वीं राजगद्‍दी का चौतरफि चौबीस राजगद्‍दीयां और भि छै। अर यों राजगद्‍दियों पर मिन चौबीस अध्यक्षों तैं बैठयूं देखि, जौं का सफेद कपड़ा पैरयां छा अर ऊंका मुण्ड़ो पर सोना का मुकुट रख्यां छा।

इब्रानी 8:1

हे मेरा दगड़्यों, हमरि यों सब बातों को मतलब यू च कि हमरु यीशु मसीह एक इन्द्रयो महा पुरोहित च, जु कि स्वर्ग मा सबसे महान परमेस्वर की राजगद्‍दी की दैंणी तरफा बैठयूं च।

1 कुरिन्थि 3:16

क्या तुम नि जणद्‍यां कि तुम लोग परमेस्वर का मन्दिर छाँ? अर परमेस्वर की पवित्र आत्मा तुम मा वास करदी,

दिब्य दरस 20:10

तब शैतान तैं जैन ऊं लोगु तैं भरमै छौ परमेस्वर का द्‍वारा वीं आग अर गंधक का कुण्ड मा डळै गै, जख दैंत अर झूठ्‍ठा रैबर्या तैं डळै गै छौ। अर उख ऊ दिन-रात हमेसा-हमेसा खुणि पीड़ा मा तड़पणा राला।

दिब्य दरस 4:8

अर चरी पराणों का छह-छह फाँकुड़ छा, अर ऊंका चौतरफि अर ऊंका भितर भि आंखा ही आंखा छा। अर वु बिन रुक्यां दिन-रात इन बुल्दिन कि, “पवित्र, पवित्र, पवित्र, सर्वसक्‍तिमान प्रभु परमेस्वर, जु छौ जु आज भि च अर जु औण वळु च।”

दिब्य दरस 4:9

अर जब-जब यू पराणी वेतैं जु की राजगद्‍दी पर बैठयूं च, वु जु कि हमेसा-हमेसा खुणि ज्यून्दु च, जब यू वेको धन्यवाद, आदर-सम्मान अर बडै करदिन,

दिब्य दरस 13:6

इलै वु दैंत परमेस्वर का खिलाप मा बुलण लगि गै, अर इन्द्रया काम करण लगि गै, ज्यां से कि पिता परमेस्वर की, स्वर्ग अर स्वर्ग मा रौण वळा सब लोगु की बेजती ह्‍वे।

दिब्य दरस 21:22

मिन वे नगर मा कुई मन्दिर नि देखि, किलैकि सर्वसक्‍तिमान प्रभु परमेस्वर, अर यीशु ही वेको मन्दिर च।