दिब्य दरस 7:14 - Garhwali

¹⁴ अर मिन बोलि कि, “हे मेरा प्रभु, मितैं त नि च पता पर तुमतै पता होलु।” अर वेन मिकू बोलि कि, “यू वु लोग छिन, जौन बड़ी पीड़ा सै अर वामा बटि निकळि के अयां छिन, अर ऊंन अपणा कपड़ों तैं मेम्‍ना का ल्वे मा ध्वेके के खुद तैं सफेद कर्युं च।

गढवली नयो नियम

¹⁴ मिल वे बट्टी बोलि, “हे स्वामी, मि नि जंणदु पर तू जणदी छै।” वेल मि बट्टी बोलि, “यु सफेद कपड़ा पैरयां लोग उ छिनी जौं की मौत कष्ट का बड़ा बगत मा हवे छै। यु उ लोग छिनी जौनु चिनखा का बलिदान का ल्वे बट्टी अपड़ा आप तैं पिता परमेश्वर की नजरों मा शुद्ध बणै दींनि।”

दिब्य दरस 7:14 Referans Kwoze

1 यूहन्ना 1:7

हे मेरा दगड़्यों, जन पिता परमेस्वर उज्याळु मा च ठिक उन्‍नि हम भि उज्याळा मा रै के चला, त हम लोगु कि संगत एक-दुसरा का दगड़ा मा बणि राली। अर इथगा ही ना, बल्किन मा यीशु मसीह को ल्वे भि हमतै हमरा सब किसम का पापों बटि शुद्ध करलु।

दिब्य दरस 22:14

धन्य छिन ऊ, जौन अपणा कपड़ा धुईन, अब ऊंका पास जीवन का डाळा को फल खाणु को अर गेट से नया यरूशलेम नगर मा दाखिल होण को अधिकार च।

इब्रानी 13:12

इलै ही यीशु की मौत भि वे नगर कि सीमा से भैर ह्‍वे, ताकि उ अपणा ल्वे का द्‍वारा लोगु तैं पवित्र कैरो।

दिब्य दरस 1:5

अर प्रभु यीशु मसीह की तरफा बटि जु कि भरोसेमन्द गवा च। अर उई च, जु कि मुरदो मा बटि ज्यून्द होण वळो मा पैलु, अर धरती का सब राजाओं को अधिकारी च। अर वेकी किरपा अर वेकी शान्ति तुमतै मिलदी रौ। अर यीशु मसीह ही च जु कि हम से भौत प्यार करदु, अर वेन अपणा ल्वे का द्‍वारा हमतै हमरा पापों बटि छुडैयाली।

दिब्य दरस 12:11

अर ऊंन प्रभु का रैबार अर मेम्‍ना का ल्वे का द्‍वारा शैतान पर जीत हासिल कैरी, किलैकि ऊंन अपणी जान की भि परवा नि कैरी बल्किन मा मुरणु खुणि भि तयार छा।

इब्रानी 9:14

किलैकि यीशु मसीह मा पाप ही नि छौ, अर वेन खुद तैं एक बलिदान का रुप मा पिता परमेस्वर का समणि दे दिनी, अर यू बलिदान आत्मिक अर सदनि तक रौण वळु च। इलै वेको ल्वे भौत जादा महान च, जु कि हमरा जमीर तैं शुद्ध करदु, ताकि हम ज्यून्दा परमेस्वर की पवित्र सेवा कैरी सैका। अर हम इन्द्रयो कुई भि काम नि कैरा, जु की हमतै सदनि की मौत की तरफा लेके जौ।

1 पतरस 1:19

बल्किन मा यू त तुमतै भौत कीमती ल्वे की वजै से मिली, जु कि यीशु मसीह को च अर वेमा कुई दाग अर दोष नि च, किलैकि उ बेदाग मेम्‍ना च जैन कुई भि पाप नि कैरी।

1 कुरिन्थि 6:11

अर तुम मा बटि कुछ लोग इन्द्रया ही छा, मगर पिता परमेस्वर न हमरा प्रभु यीशु मसीह का नौ से अर अपणी पवित्र आत्मा से तुमतै ध्वेके शुद्ध कैरी अर धरमी ठैरै।

दिब्य दरस 5:9

अर ऊ एक नयू गीत गाण लगि गैनी ऊंन बोलि कि, “हे हमरा मालिक हे हमरा प्रभु पिता, दस्तावेज तैं लेण का लगीं मोरों तैं खुलण का काबिल छाँ तुम यीशु बलिदान सिरफ तुम होयां। तुमुन ही हरेक गोत्र का, जाति हरेक भाषा का, देस-देस का लोगु तैं, ल्वे से अपणा खरीदी च, तुमुन ही ऊं लोगु तैं बणै एक पुरोहित च, पिता परमेस्वर खुणि राज्य एक बणयूं च राज करला वु सभि, औण वळी धरती मा।”

मत्ती 24:21

किलैकि वे बगत इथगा बड़ु संकट आलु, जु कि नऽ त दुनियां की शुरुवात बटि अभि तक ऐ, अर ना ही कभि आलु।

यूहन्ना 16:33

अर यों बातों तैं मिन तुम मा इलै बोलि, ताकि मि मा बणयूं रै के तुमतै शान्ति मिलु। ईं दुनियां मा त तुम पर मुसीबतों न औण, पर तुम हिम्मत रखा किलैकि ईं दुनियां तैं मिन जीतयाली।”

दिब्य दरस 17:6

अर मिन देखि कि वा जनानि बिस्वासी लोगु को अर यीशु की गवै देण वळो को ल्वे पी के नसा मा धुत होईं च। अर यू देखि के मि भौत हैरान ह्‍वे ग्यों।

रोमियों 5:3

अर इथगा ही ना, बल्किन मा दुख-तकलीफ का बगत मा भि हम लोग अपणा पिता परमेस्वर पर गर्व कैरा, किलैकि हम जणदा ही छां, कि दुख-तकलीफ झिलण से हमरा जीवन मा सबर रखण को गुण पैदा होन्दु।

खास चेलों 14:22

अर बिस्वासी लोगु तैं ऊंका बिस्वास मा मजबूत कैरी, अर बिस्वास मा बणयूं रौणु खुणि ऊंकी हिम्मत भि बढै अर ऊंन ऊंकू बोलि, “हमतै बड़ु दुख झेली के परमेस्वर का राज मा जाणु पोड़लु।”

दिब्य दरस 15:2

तब मितैं काँच का जन एक समुन्दर दिखै, अर वु इन लगणु छौ जन कि वेमा आग मिली हो। अर जौं लोगु न वे दैंत, वेकी मूरत, अर वेका नौ की संख्या पर जीत हासिल कैरी छै, मिन ऊं सब लोगु तैं वे काँच का समुन्दर का मथि खड़ु देखि। अर पिता परमेस्वर न हरेक तैं एक-एक बीणा दिनी।

दिब्य दरस 2:9

“मि तुमरा कष्‍ट अर कंगाली का बारा मा जणदु छौं (पर मेरी नजर मा तुम सेठ छाँ), अर जु लोग खुद तैं यहूदी मणदिन (पर ऊ छैई नि छिन, ऊ त शैतान की पूजा करदिन), ऊ तुमरि बदनामी करदिन यू भि मि जणदु छौं।

2 थिस्सलुनीकी 1:4

इख तक कि जुलम अर विरोध सौण का बाद भि, तुम लोग अपणु बिस्वास पिता परमेस्वर पर बणै के रखद्‍यां, अर तुमरि ईं बात का बारा मा ही हम लोग परमेस्वर का दुसरा बिस्वासी समुदाय मा बड़ु मोन कैरिके तुमरा बारा मा बतौन्दु।

मरकुस 13:19

किलैकि तब संकट का इन्द्रया दिन आला, याने कि इन्द्रयो संकट जु की परमेस्वर की बणईं ईं दुनियां की शुरुवात बटि नऽ त अभि तक ऐनी, अर ना ही फिर कभि आला।

दिब्य दरस 7:9

अर येका बाद मिन भौत सा लोगु तैं देखि, जौं तैं गिणै नि जै सकदु। अर वु अलग-अलग देसों, गोत्रों अर जातियों का छा जु कि अलग-अलग भाषा बुल्दिन। अर ऊंका सफेद कपड़ा पैरयां छा अर अपणा हाथों मा खजूर का फौंकों तैं लेके राजगद्‍दी अर मेम्‍ना का समणि खड़ा होयां छा,