दिब्य दरस 5:13 - Garhwali

¹³ फिर मिन स्वर्ग मा, धरती पर, अर धरती का मूड़ी अर समुन्दर की हरेक जीव-जन्तु तैं अर जु कुछ भि वेमा च, ऊं सभ्यों तैं इन गाण सुणी कि, “तुम जु राजगद्‍दी पर बैठयां छाँ, तुमरि अर मेम्‍ना की तारीफ हो, अर आदर-सम्मान, बडै अर ताकत सदनि तक ऊंकी ही रौ।”

गढवली नयो नियम

¹³ फिर मिल स्वर्ग मा, अर धरती पर, अर धरती का मूड़ी, अर समुद्र की सब रचि चीजों तैं, अर सभि कुछ तैं जु वेमा छिनी, यु बुल्द सूंणि, “आवा हम वेकी महिमा अर स्तुति कैरा जु सिंहासन पर बैठयूं च। आवा हम चिनखा की महिमा कैरा। आवा हम हमेशा कु वेको आदर कैरा अर वे तैं सम्मान द्या, किलैकि उ सबसे जादा शक्तिशाली च।”

दिब्य दरस 5:13 Referans Kwoze

फिलिप्पी 2:10

ताकि जथगा भि लोग ईं धरती पर छिन या जु लोग अधलोक मा छिन, या जु स्वर्ग मा छिन वु सब लोग यीशु का नौ से घुंडा टेका।

दिब्य दरस 5:3

मगर नऽ त स्वर्ग मा ना ही ईं धरती पर, अर नऽ त ईं धरती का मूड़ी, इन्द्रयो कुई भि लैख नि निकळि जु की ये दस्तावेज तैं खोली या पैढी सैको।

दिब्य दरस 5:12

अर ऊ ऊँची आवाज मा इन गाणा छा कि, “हे बलिदान होयां मेम्‍ना तुमरि ताकत अर सामर्थ, तुमरो धन, अकल अर आदर-सम्मान, अर तुमरि बडै होणी रौ, किलैकि तुम ही तारीफ पौण का लैख छाँ।”

रोमियों 11:36

किलैकि सब कुछ पिता परमेस्वर न ही बणै, अर सब कुछ वेका द्‍वारा ही ह्‍वे, अर वे खुणि ही च। अर सदनि तक वेकी तारीफ होणी रौ। आमीन।

1 पतरस 5:11

अर वेकी ताकत ही सदनि तक रौ। आमीन।

लूका 2:14

“स्वर्ग मा परमेस्वर की बडै हो, अर धरती पर जौं बटि परमेस्वर खुश च, ऊं लोगु तैं शान्ति मिलु।”

दिब्य दरस 6:16

अर ऊ लोग उड़्यारों अर पाड़ो पर चिल्‍लै-चिल्‍लै के बुलण लगि गैनी, “हमरा मथि पोड़ि जा, अर हमतै मेम्‍ना का गुस्सा से अर जु राजगद्‍दी पर बैठयूं च वेकी नजरों से बचै द्‍या,

यहूदा 1:25

अर हमरा प्रभु यीशु मसीह का द्‍वारा हमतै छुटकारा देण वळा एकमात्र सच्‍चा परमेस्वर जु कि सानदार, ताकतबर, महान अर बड़ा-बड़ा काम करण वळु च। हाँ, वु ही जु की पैलि बटि छौ, अर अब भि च अर औण वळा बगत मा भि रालु, वेकी बडै हमेसा-हमेसा होणी रौ। आमीन।

रोमियों 9:5

अर हमरा सब पितर लोग, पितर अब्राहम का वंश मदि छा। अर अगर सरील का रिश्ता से देखा, त यीशु मसीह भि एक इस्राएली मनखि च। अर पिता परमेस्वर ही च जु कि सब लोगु पर राज करदु, वेकी तारीफ सदनि होणी रौ। आमीन।

दिब्य दरस 5:6

अर मिन वीं राजगद्‍दी अर ऊं चार ज्यून्दा पराणों अर ऊं अध्यक्षों का बीच मा एक मेम्‍ना तैं देखि, अर उ इन दिखैणु छौ जन कि वेतैं बलिदान कर्युं हो। वेका सात सींग अर सात आंखा छा अर जु की परमेस्वर की सात आत्मा छिन जौं तैं धरती पर भेजि गै।

दिब्य दरस 1:6

अर वेन हमतै परमेस्वर का राज का लोग, अर अपणा पिता परमेस्वर की सेवा करण खुणि पुरोहित भि बणै, अर वेकी बडै अर ताकत सदनि तक रौ। आमीन।

1 पतरस 4:11

जैतैं उपदेस देण को बरदान मिल्यूं च, उ इन बोलो जन कि पिता परमेस्वर का शब्द हो। अर जैतैं सेवा करण को बरदान मिल्यूं च, वेतैं पिता परमेस्वर की दिईं ताकत से सेवा करण चयेणी, ताकि हरेक बात मा यीशु मसीह का द्‍वारा पिता परमेस्वर की बडै हो। हाँ, सब बातों मा पूरु आदर-सम्मान सदनि तक वेतैं ही मिलु। आमीन।

इफिसुस 3:21

अर बिस्वासी समुदाय का लोगु का द्‍वारा अर यीशु मसीह का द्‍वारा पिता परमेस्वर की बडै पीढ़ी से पीढ़ी तक सदनि तक होणी रौ। आमीन।

दिब्य दरस 5:9

अर ऊ एक नयू गीत गाण लगि गैनी ऊंन बोलि कि, “हे हमरा मालिक हे हमरा प्रभु पिता, दस्तावेज तैं लेण का लगीं मोरों तैं खुलण का काबिल छाँ तुम यीशु बलिदान सिरफ तुम होयां। तुमुन ही हरेक गोत्र का, जाति हरेक भाषा का, देस-देस का लोगु तैं, ल्वे से अपणा खरीदी च, तुमुन ही ऊं लोगु तैं बणै एक पुरोहित च, पिता परमेस्वर खुणि राज्य एक बणयूं च राज करला वु सभि, औण वळी धरती मा।”

कुलुसी 1:23

अर यू सब तभि ह्‍वे सकदु, जब तुम बिस्वास मा बणयां रा अर वेकी बुनियाद मा मजबूत ह्‍वेके टिक्यां रा, अर जु शुभ समाचार तुमुन सुणी वां से मिलण वळी आस तैं नि छोड़ा। अर ये ही शुभ समाचार को परचार हर जगा किये जाणु च, अर मि पौलुस ये काम को सेवक छौं।

मत्ती 6:13

अर शैतान की बातों का द्‍वारा हम भकलै नि जा, बल्किन मा हमतै बुरै से बचै के रखा। [किलैकि तुमरो राज अर तुमरि ताकत, अर तुमरो आदर-सम्मान सदनि तक होन्दी रौ। आमीन।]

1 तीमुथियुस 4:16

हाँ, तू इन्‍नि कनु रै, किलैकि इन कैरिके तू खुद तैं अर सुनण वळो तैं बचै दिली।

यूहन्ना 1:29

अर दुसरा दिन यूहन्‍ना न यीशु तैं अपणी तरफा औन्द देखि अर बोलि, “अफार देखा, परमेस्वर को भेज्यूं मेम्‍ना, जु कि अपणु बलिदान देके दुनियां का लोगु का पापों तैं उठे के लि जान्दु।

दिब्य दरस 5:1

अर मिन देखि कि जु राजगद्‍दी पर बैठयूं छौ वेका दैंणा हाथ मा एक दस्तावेज च, अर वु भैर अर भितर दुई तरफा बटि लिख्यूं च, अर वे दस्तावेज तैं सात मोर लगै के बन्द करै गै छौ।

दिब्य दरस 13:8

अर धरती पर रौण वळा सब लोग वे दैंत पूजा करला, मगर जौं लोगु का नौ दुनियां की शुरुवात से पैलि जीवन की किताब मा लिख्यां छिन वु लोग वे दैंत की पूजा नि करला। अर या किताब बलिदान होयां मेम्‍ने की च जु कि यीशु मसीह च।