Biblia Todo Logo
Bib sou entènèt

- Piblisite -




दिब्य दरस 4:8 - Garhwali

8 अर चरी पराणों का छह-छह फाँकुड़ छा, अर ऊंका चौतरफि अर ऊंका भितर भि आंखा ही आंखा छा। अर वु बिन रुक्यां दिन-रात इन बुल्दिन कि, “पवित्र, पवित्र, पवित्र, सर्वसक्‍तिमान प्रभु परमेस्वर, जु छौ जु आज भि च अर जु औण वळु च।”

Gade chapit la Kopi

गढवली नयो नियम

8 अर चरी ज्यून्दा प्राणियों का छः-छः फांकुड छा, ऊं पर सभि जगह आँखा छा, इख तक कि ऊंका फंकुड़ों का मूड़ी भि; अर उ रात-दिन बगैर आराम करयां बुल्णा रौंदा छा, “पवित्र, पवित्र, पवित्र प्रभु परमेश्वर, सर्वशक्तिमान, उ व ही पिता परमेश्वर च जु बगत की शुरुआत बट्टी लेकर अब तक अर कभी नि बदलद जु आंण वलो च।”

Gade chapit la Kopi




दिब्य दरस 4:8
42 Referans Kwoze  

सर्वसक्‍तिमान प्रभु परमेस्वर इन बुल्दु कि, “मि ही पैलु अर आखिरी छौं।” सभ्यों को मालिक मि ही छौं मि पैलि बटि छौ, आज भि छौं अर मि ही जल्द औण वळु छौं।


अर वीं राजगद्‍दी का समणि काँच का जन एक समुन्दर छौ। अर राजगद्‍दी का चौतरफि चार ज्यून्दा पराण जौं का अगनै-पिछनै आंखा ही आंखा छा।


अर यीशु मसीह अभि भि उन्‍नि च जन वु पैलि छौ, अर वेन सदनि तक एक ही जन रौण।


अर वु परमेस्वर का सेवक मूसा को गीत अर मेम्‍ना जु की यीशु च वेको यू गीत गाणा छा, “सर्वसक्‍तिमान प्रभु पिता, हे हमरा प्यार प्रभु यीशु, छाँ महान पवित्र तुम ही, एकमात्र बाटु तुमरो सच्‍चु, भरोसा का लैख केवल तुम ही, काम अदभुत महान सब ही। सदनि को राजा केवल तुम ही, आदर-सम्मान लोग करला सब ही आला तुमरा समणि, देस-देस का सभि झुकला तुमरा समणि, करला भक्‍ति अर बडै भि जाहीर ह्‍वे गै ऊं सभ्यों पर, करदा छाँ तुम सब कुछ सच्‍चै पर।”


अर इन बोलि कि, “सर्वसक्‍तिमान प्रभु परमेस्वर, जु छौ जु अभि भि च हम तुमरो धन्यवाद करद्‍यां, किलैकि तुमुन अपणी बड़ी ताकत को इस्तेमाल कैरिके राज कन शुरु कैरियाली।


फिर मिन वेदी बटि इन आवाज सुणी, “हाँ, सर्वसक्‍तिमान प्रभु परमेस्वर, तुम न्याय करण मा सच्‍चा अर धरमी छाँ।”


इलै यू लोग परमेस्वर का मन्दिर मा रै के वेकी सेवा करदिन। अर वेकी राजगद्‍दी का समणि खड़ा छिन। अर परमेस्वर जु कि राजगद्‍दी पर बैठयूं च उ ऊंका दगड़ा मा च अर ऊंकी देख-रेख करदु।


मिन वे नगर मा कुई मन्दिर नि देखि, किलैकि सर्वसक्‍तिमान प्रभु परमेस्वर, अर यीशु ही वेको मन्दिर च।


अर वेका गिच्‍चा बटि एक पैनी तलवार निकळणी छै, ताकि उ देस-देस का बुरा लोगु को नास वीं तलवार से कैरो। अर वु लोखरो जांठु लेके बड़ी सख्‍तै से सासन करलु, अर सर्वसक्‍तिमान परमेस्वर का परकोप का द्‍वारा वे रसकुण्ड मा ऊंतैं एक रस की तरौं पितेड़ द्‍यालु।


अर येका बाद यीशु न मिकू इन भि बोलि कि, “फिलदिलफिया नगर मा रौण वळा बिस्वासी समुदाय का दूत खुणि इन लिख कि: “यीशु पवित्र अर सच्‍चु च, अर वेका पास राजा दाऊद की चाबी च जैतैं वु खुलदु वेतैं कुई बन्द नि कैरी सकदु, अर जब उ बन्द करदु त वेतैं कुई खोली नि सकदु, उ इन बुल्दु कि:


आसिया मुलक मा रौण वळा सात बिस्वासी समुदाय का नौ खुणि इन लिख कि: वे पिता परमेस्वर की तरफा बटि जु कि पैलि बटि छौ, आज भि च अर उई च जु कि औण वळु च, अर ऊं सात आत्माओं की तरफा बटि जु कि वेकी राजगद्‍दी का समणि छिन, तुम पर ऊंकी किरपा अर दया होणी रौ।


अर वीं राजगद्‍दी का चौतरफि चौबीस राजगद्‍दीयां और भि छै। अर यों राजगद्‍दियों पर मिन चौबीस अध्यक्षों तैं बैठयूं देखि, जौं का सफेद कपड़ा पैरयां छा अर ऊंका मुण्ड़ो पर सोना का मुकुट रख्यां छा।


अर परमेस्वर न इन भि बोलि कि, “तब मि तुमरो पिता होलु, अर तुम मेरी औलाद। अर यू सर्वसक्‍तिमान प्रभु परमेस्वर को वचन च।”


अर यू वु खबेस छिन जु कि चमत्कार करदिन, अर यू जैके पूरि दुनियां का राजाओं तैं सर्वसक्‍तिमान परमेस्वर का खिलाप मा युद्ध करणु खुणि जमा करदिन, ताकि परमेस्वर का महान दिन मा यू वेका दगड़ा मा युद्ध कैर सैका।


अर ऊंका तड़पये जाण को धुंवा हमेसा-हमेसा तक उठणु रालु। अर जु लोग वे दैंत या वेकी मूरत की पूजा करदिन अर वेका नौ की छाप तैं स्वीकार करदिन ऊंतैं दिन-रात चैन नि मिललु।”


हाँ, तू इन्‍नि कनु रै, किलैकि इन कैरिके तू खुद तैं अर सुनण वळो तैं बचै दिली।


हे मेरा भै-बैंणो, तुमतै हमरि कठिन मेनत अर हमरि ध्याड़ि करण जरुर याद होलि। जब हमुन तुमतै परमेस्वर को शुभ समाचार सुणै त अपणी जरुरतों तैं पूरु करणु खुणि हमुन दिन-रात काम-काज कैरी, ताकि हम तुम मा बटि कै का मथि भि भारु नि बणा।


इलै चौकस रा, अर ईं बात तैं याद रखा कि मिन तीन सालों तक दिन-रात रुवे-रुवे के हरेक तैं चितौण कभि नि छोड़ि।


अर जब-जब यू पराणी वेतैं जु की राजगद्‍दी पर बैठयूं च, वु जु कि हमेसा-हमेसा खुणि ज्यून्दु च, जब यू वेको धन्यवाद, आदर-सम्मान अर बडै करदिन,


अर मिन वीं राजगद्‍दी अर ऊं चार ज्यून्दा पराणों अर ऊं अध्यक्षों का बीच मा एक मेम्‍ना तैं देखि, अर उ इन दिखैणु छौ जन कि वेतैं बलिदान कर्युं हो। वेका सात सींग अर सात आंखा छा अर जु की परमेस्वर की सात आत्मा छिन जौं तैं धरती पर भेजि गै।


फिर मिन देखि कि वे मेम्‍ना न सात मोरो मा बटि एक मोर तैं खोली, अर मिन चार पराणों मा बटि एक तैं बादळों की गगड़ट की तरौं ऊँची आवाज मा इन बुल्द सुणी, “अऽ।”


अर मिन चार ज्यून्दा पराणों का बीच मा इन आवाज सुणी, “इन्द्रयो अकाळ भेजि द्‍या कि सब कुछ मैंगु ह्‍वे जौ, अर एक किलो अनाज की कीमत एक दिन की ध्याड़ि का बराबर, अर तीन किलो जौ कि कीमत एक दिन की ध्याड़ि का बराबर हो, मगर जैतून अर अंगूरों का बगिचो तैं नुकसान नि पौंछै।”


अर राजगद्‍दी का चौतरफि सब स्वर्गदूत, अध्यक्ष अर चरी पराण खड़ा होयां छा, अर ऊंन राजगद्‍दी का समणि भ्वीं मा पोड़ि के पिता परमेस्वर की भक्‍ति कैरिके बोलि कि,


अर वु राजगद्‍दी का समणि, अर चार ज्यून्द पराणों अर अध्यक्षों का समणि एक नयू गीत गाणा छा। अर एक लाख चवालीस हजार लोग का अलावा कुई भि वे गीत तैं नि सिखी सकदु, अर यू वु लोग छिन जौं तैं यीशु न अपणु बलिदान देके खरीदयाली।


तब चार ज्यून्दा पराणों मदि एक न यों सात स्वर्गदूतों तैं सोना का सात कटोरा दिनी, जौं मा हमेसा-हमेसा तक ज्यून्द रौण वळा परमेस्वर को परकोप भोर्यां छौ।


तब मिन देखि, कि स्वर्ग मा पिता परमेस्वर राजगद्‍दी पर बैठयूं च, अर चौबीस अध्यक्षों न अर चार ज्यून्दा पराणों न भ्वीं मा पोड़ि के वेकी भक्‍ति कैरिके बोलि, “आमीन, हाल्‍लेलूय्याह।”


Swiv nou:

Piblisite


Piblisite