दिब्य दरस 21:6 - Garhwali

⁶ अर वेन मिकू इन भि बोलि, “यू सब बात पूरि ह्‍वे गैनी, मि ही पैलु अर आखिरी छौं, शुरुवात अर आखिरी मि ही छौं। जैतैं तीस लगीं हो वेतैं मि जीवन देण वळा पाणि का छोया मा बटि मुफत मा पिलौलु।

गढवली नयो नियम

⁶ फिर वेल मि बट्टी बोलि, “सभि कुछ खत्म हवे गै। मि अल्फा अर ओमेगा छो, मतलब कि, आदि अर अंत छो। मि ही छो जु च, जु हमेशा बट्टी छो। जु कुई भि तिसलो च, मि वे तैं पांणी का श्रोत बट्टी मुफ्त मा पांणी पींणु कु दयुलु जु बगैर अंत को जीवन दींद।

दिब्य दरस 21:6 Referans Kwoze

यूहन्ना 4:10

अर यीशु न वींकू बोलि, “अगर तुम परमेस्वर का बरदान तैं जणदा, अर यू भि जणदा की उ कु च, जु तुम बटि बोन्‍नु च, ‘मितैं पाणि पिलै द्‍या।’ त तुम वे बटि मंगदा, अर उ तुमतै जीवन देण वळु पाणि देन्दु।”

दिब्य दरस 7:17

किलैकि मेम्‍ना जु की राजगद्‍दी का बीच मा च, उ ऊंको चरवाह होलु, अर ऊंतैं जीवन का छोया का पास लेके जालु। अर पिता परमेस्वर ऊंका आंख्यों बटि सब आंसुओं तैं फुंजी द्‍यालु।”

यूहन्ना 4:14

पर जु कुई भि मेरा दियां पाणि मा बटि प्यालु, वेतैं फिर सदनि तक तिस नि लगली, किलैकि जु पाणि मि वेतैं द्‍यूलु, उ वेमा बटि सदनि तक उछ्लण-कुदण वळु जीवन को एक छोया जन बणि जालु।”

रोमियों 8:32

अर यू सच्‍च च कि पिता परमेस्वर न हमरि खातिर अपणा पुत्र तैं भि नि छोड़ि, बल्किन मा वेन वेतैं भि हमरि खातिर दे दिनी, त वु ही परमेस्वर हमतै यीशु मसीह का दगड़ा मा सब कुछ द्‍यालु।

दिब्य दरस 22:17

पवित्र आत्मा अर ब्यौलि इन बिन्ती करदी, “अऽ” अर सुनण वळा भि बोला, “अऽ” जु तिसळु च, उ “अऽ” अर जु मेरा पास औण चान्दु वु भि “अऽ” अर मुफत मा जीवन को पाणि लेके जौ।

दिब्य दरस 1:8

सर्वसक्‍तिमान प्रभु परमेस्वर इन बुल्दु कि, “मि ही पैलु अर आखिरी छौं।” सभ्यों को मालिक मि ही छौं मि पैलि बटि छौ, आज भि छौं अर मि ही जल्द औण वळु छौं।

रोमियों 3:24

मगर तभि भि पिता परमेस्वर की महान किरपा न इन साबित कैरी, कि हम वेकी नजर मा धरमी छां। अर यू वेन अपणा पुत्र प्रभु यीशु मसीह का द्‍वारा कैरी, जब वेन हमतै हमरा पापों से माफी दिनी, अर वे दण्ड से छुटकारु दे जु कि हमतै मिलण वळु छौ।

दिब्य दरस 22:13

‘अल्फा’ अर ‘ओमेगा’ मि ही छौं, पैलु अर आखिरी मि ही छौं। अर मि ही शुरुवात अर आखिरी छौं।”

दिब्य दरस 16:17

तब सातवां स्वर्गदूत न अपणु कटोरा हवा मा अखणै दिनी, अर मन्दिर की राजगद्‍दी बटि एक ऊँची आवाज ऐ, “पूरु ह्‍वे गै।”

दिब्य दरस 1:17

अर जब मिन यीशु तैं देखि, त मि वेका खुटों मा मुरदो की तरौं पोड़ि ग्यों। तब वेन अपणु दैंणु हाथ मि पर रखी अर बोलि कि, “डौऽर ना, पैलु अर आखिरी मि ही छौं,

1 कुरिन्थि 2:12

अर पिता परमेस्वर न हमतै वेकी सब बात जनणु खुणि अपणु पवित्र आत्मा दियूं च, अर हम मा दुनियां को आत्मा नि च।

1 कुरिन्थि 3:12

हाँ, इन भि ह्‍वे सकदु च कि कुछ लोग बुनियाद पर सोना, चांदी या मैंगा ढुंगो की चिणैं करला, पर कुछ इन भि छिन जु कि लखड़ा, या घास-घूस रखी के चिणैं करला।

दिब्य दरस 1:11

“जु कुछ त्वेतै दिख्यौणु च, वेतैं किताब मा लिखी के सात नगरों का बिस्वासी समुदाय का लोगु का पास भेज दे, याने कि इफिसुस, स्मुरना, पिरगमुन, थुआतीरा, सरदीस, फिलदिलफिया, अर लौदीकिया नगरों का बिस्वासी समुदाय का लोगु का पास।”

1 कुरिन्थि 3:21

इलै कुई भि मनखि इन दावा नि कैरो, कि उ कै खास मनखि को चेला च, किलैकि तुमरि भलै खुणि ही पिता परमेस्वर न तुमतै सब कुछ दियूं च।

1 कुरिन्थि 3:5

अर तुमरो यू पौलुस अर अपुल्‍लोस क्या च लगायूं? अरे, हम त सिरफ यीशु मसीह का सेवक छां। अर हमरि बातों तैं सुणी के तुमुन यीशु मसीह पर बिस्वास कैरी, अर हम दुईयों न त सिरफ उई काम कैरी जु कि परमेस्वर न हमतै देई।

यूहन्ना 4:11

तब जनानि न वेकू बोलि कि, “श्रीमान, तुमरा पास त पाणि निकळणु खुणि कुई भाँडु भि नि च, अर कुआँ गैरु च, त फिर जीवन देण वळु वु पाणि तुमरा पास कख बटि ऐ?

दिब्य दरस 3:14

यीशु न मिकू इन भि बोलि कि, “लौदीकिया नगर मा रौण वळा बिस्वासी समुदाय का दूत खुणि इन लिख कि: “यीशु जु कि आमीन अर वफादार अर सच्‍चु गवा च, अर जैका द्‍वारा पिता परमेस्वर न सब कुछ बणै उ इन बुल्दु कि: