दिब्य दरस 21:12 - Garhwali

¹² नगर की दिवाल भौत बड़ी अर ऊँची छै, अर वेमा बारह गेट छा। अर यों पर बारह स्वर्गदूत बैठयां छा, अर ऊं गेटों पर इस्राएल का बारह गोत्रों का नौ लिख्यां छा।

गढवली नयो नियम

¹² अर वेका शहर का चौ तरपां एक भौत ऊंची दीवार छै, अर वेका बारह फाटक अर शहर की चकबंधी मा बारह प्रवेश द्वार छा अर ऊंमा बट्टी हर एक प्रवेश द्वार पर एक स्वर्गदूत को पैहरा छो अर ऊं फाटकों पर इस्राएलियों का बारह गोत्रों कु नौं लिख्युं छो।

दिब्य दरस 21:12 Referans Kwoze

दिब्य दरस 21:25

अर वेका गेट कभि भि बन्द नि होला, किलैकि उख कभि भि रात नि होलि।

खास चेलों 26:7

अर हमरा बारह गोत्रों का लोग वे करार तैं पूरु होण की आस मा लग्यां छिन, अर आज भि वु दिन-रात परमेस्वर की भक्‍ति अपणा पूरा मनळ कना छिन। अर महाराज, आज वा ही आस मेरी भि रखी च अर वांका बानो ही यहूदी लोग मि पर इळजाम लगौणा छिन।

इब्रानी 1:14

अर, यू सब स्वर्गदूत त सेवा करण वळी आत्मा छिन, जु कि बचयै जाण वळा लोगु की सेवा खुणि भिजे जनदिन।

लूका 16:22

“अर इन ह्‍वे, कि एक दिन लाजर मोरि गै, अर स्वर्गदूतों न ऐके वेतैं अब्राहम का पास पौंछे दिनी। अर ठिक उन्‍नि कुछ दिनों बाद सेठ मनखि भि मोरि गै, अर ऊंतैं दफनये गै।

लूका 15:10

अर मि तुमतै बतै देन्दु, कि ठिक इन्‍नि आनन्द परमेस्वर का स्वर्गदूतों का समणि तब मणये जान्दु, जब एक पापि मनखि अपणा पापों बटि पस्ताप करदु।”

मत्ती 18:10

यीशु न ऊंकू इन भि बोलि, “सुणा, तुम मेरा पिछनै चलण वळा यों छुटो तैं सुद्‍दी नि समझा, अर मि तुमतै चितै देन्दु किलैकि स्वर्ग मा रौण वळा स्वर्गदूत जु की ऊंकी देख-रेख करदिन, वु सदनि मेरा पिता का समणि हाजिर रौनदिन।

दिब्य दरस 21:13

तीन गेट पूरब दिसा की तरफा, अर तीन गेट उत्तर दिसा की तरफा, तीन गेट दक्छिण दिसा की तरफा छा अर तीन गेट पच्छिम दिसा की तरफा छा।

दिब्य दरस 21:15

अर जु स्वर्गदूत मेरा दगड़ा मा बात कनु छौ, वेमा ये नगर अर वेकी दिवालों अर वेका गेटों तैं नपणु खुणि सोना को एक फीता छौ।

दिब्य दरस 22:14

धन्य छिन ऊ, जौन अपणा कपड़ा धुईन, अब ऊंका पास जीवन का डाळा को फल खाणु को अर गेट से नया यरूशलेम नगर मा दाखिल होण को अधिकार च।