दिब्य दरस 21:11 - Garhwali

¹¹ जु कि परमेस्वर की दिब्य चमक से चमकणु छौ। वेकी चमक भौत मैंगा हीरा की तरौं, अर सूर्यकान्त मणि की तरौं चमकीली छै।

गढवली नयो नियम

¹¹ शहर पिता परमेश्वर कि तरपां बट्टी मिलण वली महिमा का तेज रोशनी ल चमकणु छो, अर वेको उज्यलो भौत ही कीमती ढुंगा, मतलब यशब नौं भौत कीमती ढुंगा का जन चमकणु छो, अर कांच का जन साफ छो।

दिब्य दरस 21:11 Referans Kwoze

दिब्य दरस 22:5

फिर उख कभि भि रात नि होलि अर ना ही ऊंतैं सूरज या द्‍यू का उज्याळा की जरुरत होलि, किलैकि प्रभु परमेस्वर खुद ऊंको उज्याळु होलु, अर ऊ हमेसा-हमेसा तक राज करला।

दिब्य दरस 4:6

अर वीं राजगद्‍दी का समणि काँच का जन एक समुन्दर छौ। अर राजगद्‍दी का चौतरफि चार ज्यून्दा पराण जौं का अगनै-पिछनै आंखा ही आंखा छा।

दिब्य दरस 22:1

अर वेका बाद वे स्वर्गदूत न मितैं जीवन देण वळी गाड दिखै, ज्वा की साफ काँच की तरौं छै, अर या गाड परमेस्वर अर यीशु की राजगद्‍दी बटि निकळि के बुगणी छै।

दिब्य दरस 4:3

अर जु वीं राजगद्‍दी पर बैठयूं छौ, उ सूर्यकान्त अर माणिक्य मणि की तरौं लाल चमकणु छौ, अर वेकी राजगद्‍दी का चौतरफि मेघधनुष पन्‍ना मणि की तरौं हरयूं ह्‍वेके चमकणु छौ।

दिब्य दरस 15:8

अर परमेस्वर का तेज अर ताकत की वजै से पूरु मन्दिर धुंवळ भोरी गै, अर जबरि तक सात स्वर्गदूतों की सात विपदा खतम नि ह्‍वे गैनी, तबरि तक कुई भि मन्दिर मा नि जै सैकी।