दिब्य दरस 20:9 - Garhwali

⁹ फिर ऊ पूरि धरती पर फैली गैनी, अर ऊंन परमेस्वर का प्यारा नगर तैं घेरि दिनी जख परमेस्वर का पवित्र लोग रौन्दिन। तब स्वर्ग बटि परमेस्वर की आग ऐ अर वींन ऊंको नास कैरी दिनी।

गढवली नयो नियम

⁹ अर उ धरती पर हर जगह गैनी। अर ऊंल वे शहर तैं घेर दींनि, जै बट्टी पिता परमेश्वर प्रेम करद, जख वेका लोग रौदींनि पर पिता परमेश्वर की तरपां बट्टी, स्वर्ग मा बट्टी आग भैर ऐ अर पूरी सेना तैं नष्ट कैरी दींनि।

दिब्य दरस 20:9 Referans Kwoze

2 थिस्सलुनीकी 1:8

अर जब यीशु वापस आलु, त वेका अपणा लोग वेको बड़ु आदर-सम्मान करला अर वे खुणि ताजुब करला, किलैकि जु वचन हमुन तुमतै बतै वे पर तुमुन बिस्वास कैरी। इलै तुम भि ऊं पवित्र लोगु का दगड़ा मा सामिल ह्‍वे जैल्या, मगर जु बिस्वास नि करदिन वु लोग वे दिन पर प्रभु का समणि अर वेकी महानता मा बटि दूर किये जाला, अर सदनि का विणास को दण्ड पाला। किलैकि ऊंन हमरा प्रभु यीशु का बारा मा वेकी ईं अच्छी खबर तैं नि माणी, अर ना ही हमरा परमेस्वर तैं पछ्याणदिन। अर जब यीशु वापस आलु, तब यू सब कुछ होलु।

दिब्य दरस 13:13

अर धरती वळु दैंत बड़ा-बड़ा चमत्कारिक काम कैरिके दिखान्दु, इख तक कि उ लोगु का दिखदी-दिखदी आसमान बटि धरती पर आग की बरखा कैरिके भि दिखान्दु छौ।

दिब्य दरस 11:5

अगर कुई ऊंतैं नुकसान पौंछाण चान्दु, त ऊंका गिच्‍चों बटि आग निकळि के ऊंका दुसमनों तैं भसम कैरी देन्दी। अगर कुई ऊंतैं नुकसान पौछाण कि कोसिस करलु, त ऊंतैं भि उन्‍नि मरे जालु।

लूका 17:29

पर जै दिन लूत सदोम नगर तैं छोड़ि के निकळि गै, वे दिन आसमान बटि आग अर गंधक कि बरखा ह्‍वे अर सब कुछ नास ह्‍वे गै।

लूका 9:54

अर लोगु को इन सभौ देखि के याकूब अर यूहन्‍ना न बोलि, “प्रभु, अगर तुमरि इच्छा हो, त हमतै आज्ञा द्‍या, कि स्वर्ग बटि आग अऽ अर यों लोगु तैं भसम कैरी द्‍यो?”

इब्रानी 13:13

इलै आ, हम पुरणि बातों तैं छोड़ि के यीशु मसीह का पास ऐ जां, अब चै हमरि बेजती ही किलै नि हो।

लूका 21:20

“जब तुम यरूशलेम नगर तैं फौजीयों बटि घेरयुं दिखल्या, त इन समझि जयां कि यरूशलेम नगर को खण्डर होण को बगत ऐ गै।

लूका 19:43

किलैकि वु दिन औण वळा छिन, जब तेरा दुसमन नगर का चौतरफि नाकाबन्दी कैरी द्‍याला, तब तुमरो नगर बटि बैर-भितर औण-जाण बन्द ह्‍वे जालु।