दिब्य दरस 20:8 - Garhwali

⁸ अर उ धरती का सब देसों तैं भरमौण खुणि निकळळु, तब गोग अर मागोग दुनियां का लोगु तैं परमेस्वर का लोगु का खिलाप मा युद्ध करणु खुणि इकट्‍ठा करला। अर ऊंकी गिनती समुन्दर का बळा का जन होलि, जौं तैं कुई गिणी नि सकदु।

दिब्य दरस 20:8 Referans Kwoze

दिब्य दरस 16:14

अर यू वु खबेस छिन जु कि चमत्कार करदिन, अर यू जैके पूरि दुनियां का राजाओं तैं सर्वसक्‍तिमान परमेस्वर का खिलाप मा युद्ध करणु खुणि जमा करदिन, ताकि परमेस्वर का महान दिन मा यू वेका दगड़ा मा युद्ध कैर सैका।

दिब्य दरस 20:10

तब शैतान तैं जैन ऊं लोगु तैं भरमै छौ परमेस्वर का द्‍वारा वीं आग अर गंधक का कुण्ड मा डळै गै, जख दैंत अर झूठ्‍ठा रैबर्या तैं डळै गै छौ। अर उख ऊ दिन-रात हमेसा-हमेसा खुणि पीड़ा मा तड़पणा राला।

दिब्य दरस 20:3

अर स्वर्गदूत न वेतैं अधलोक मा ढोळि दिनी, अर अधलोक तैं बन्द कैरिके वे पर मोर लगै दिनी, ताकि जब तक एक हजार साल पूरा नि ह्‍वे जा, तब तक उ देस-देस का लोगु तैं भरमै नि सैको। अर येका बाद जरुरी च कि वेतैं कुछ देर खुणि छुड़ै जौ।

इब्रानी 11:12

अर बुढ्या अब्राहम अपणी मरियल अवस्था मा छौ, मगर तभि भि वेकू एक नौनु ह्‍वे, अर वेका बाद वेका वंश मा इथगा लोग ह्‍वेनि जथगा आसमान का गैंणा अर समुन्दर मा बळो होन्दु याने कि जैतैं कुई गिणी नि सकदु।

दिब्य दरस 7:1

येका बाद मिन धरती का चरी कुणों पर चार स्वर्गदूत खड़ा होयां दिखिनी। अर ऊंन धरती मा चौतरफि दिसा की हवा तैं रोकी के रख्युं छौ, ताकि नऽ त कै डाळा पर, नऽ त धरती पर अर ना ही समुन्दर मा हवा चलु।

दिब्य दरस 12:9

अर खुंखार रागस अर वेका दूतों तैं धक्‍का मारी के धरती पर ढुळै गै। अर यू वु च जु दुनियां का लोगु का दगड़ा मा छल-कपट करदु, भौत पुरणु गुरौ, दुसरो पर दोष लगौण वळु, जैकू शैतान बुले जान्दु।