दिब्य दरस 19:7 - Garhwali

⁷ इलै आ, हम खुशी अर आनन्द मणौन्द्‍यां, अर परमेस्वर की बडै करद्‍यां, किलैकि मेम्‍ना का ब्यौ को बगत ऐ गै, अर वेकी ब्यौलि न खुद तैं तयार कैरियाली।

गढवली नयो नियम

⁷ आवा, हम आनन्दित अर मगन हो, अर वेकी स्तुति कैरा, किलैकि जु चिनखो च वेको ब्यो हूंण वलो च। ब्योली श्रंगार कैरी के अफ तैं सजै के वेको तैयार कैरेले।

दिब्य दरस 19:7 Referans Kwoze

दिब्य दरस 21:9

फिर जौं सात स्वर्गदूतों का पास सात आखिरी विपदा से भोर्यां सात कटोरा छा, ऊं मदि एक न मेरा पास ऐके बोलि, “यूहन्‍ना इख अऽ, मि त्वेतै वा जगा दिखान्दु जख बिस्वासी समुदाय का लोग यीशु से मिलणु खुणि तयार छिन, ठिक उन्‍नि जन एक ब्यौलि अपणा ब्यौला खुणि तयार रौन्दी।”

दिब्य दरस 21:2

फिर मिन पवित्र नगर, नया यरूशलेम तैं, परमेस्वर की तरफा बटि स्वर्ग बटि मूड़ी उतरद देखि। अर उ इन सज्युं छौ जन कि ब्यौलि अपणा ब्यौला खुणि सजीं रौन्दी।

2 कुरिन्थि 11:2

अर मितैं तुमरि बड़ी परवा च, ठिक उन्‍नि परवा जन पिता परमेस्वर तैं तुमरि च। अर अब तुम एक कुंवारी नौनि का जन छाँ, जिं की मांगण मिन पवित्र यीशु मसीह का दगड़ा मा करीं च।

मत्ती 22:2

वेन बोलि कि, “परमेस्वर को राज एक राजा का जन च, जैन अपणा नौना का ब्यौ की दावत देई।

दिब्य दरस 19:9

फिर स्वर्गदूत न मिकू बोलि, “लिख ले, धन्य छिन ऊ, जु मेम्‍ना का ब्यौ की दावत मा न्यूत्यां छिन।” अर वेन इन भि बोलि, “यू परमेस्वर का सच्‍चा वचन छिन।”

इफिसुस 5:32

अर यू राज तुम खुणि त बड़ु महान च, जैतैं पैलि छिपै के रखै गै छौ, मगर मि येको इस्तेमाल यीशु मसीह अर बिस्वासी समुदाय का बारा मा कनु छौं।

यूहन्ना 3:29

अर ब्यौला उ च जैतैं ब्यौलि मिलदी च, पर ब्यौला को खास दगड़्या जु कि वेका समणि खड़ु ह्‍वेके वेकी सुणदु। अर उ ब्यौला की आवाज सुणी के बिजांम खुश होन्दु, ठिक उन्‍नि मेरी खुशी को भि कुई ठिकाणु नि च।

इफिसुस 5:23

किलैकि जन प्रभु यीशु बिस्वासी समुदाय को मुखिया च अर वेतैं बचौण वळु भि च, ठिक उन्‍नि तुमरो पति भि तुमरो मुखिया च।

फिलिप्पी 3:3

अर सच्‍चि बात त या च कि आत्मिक रुप से जौं लोगु न खतना का रिवाज तैं पूरु कैरी, वु तुम ही छाँ। अर हम परमेस्वर की भक्‍ति तैं पवित्र आत्मा का द्‍वारा करद्‍यां, अर हम अपणा सरिलों पर कुई भरोसा नि करद्‍यां, बल्किन मा अपणा प्रभु यीशु मसीह तैं देखि के हमरु मोन त और भि जादा बड़ु होन्दु।

मत्ती 1:20

अर जब उ यों सब बातों का बारा मा सुचणु ही छौ, कि एक दिन वेतैं सुपन्या मा प्रभु को एक दूत दिखै। अर वेन वेकू बोलि कि, “हे यूसुफ, तू जु दाऊद का वंश मदि छैई तू मरियम का दगड़ा मा ब्यौ करण से नि डौऽर, किलैकि जु बच्‍चा वींका कोख मा च, उ परमेस्वर की पवित्र आत्मा की ताकत से च। अर मि त्वेतै बतै देन्दु कि,

दिब्य दरस 11:13

अर वे ही बगत एक बड़ु भ्वींचळु ऐ अर नगर का दसुं हिस्सा को नास ह्‍वे गै, अर सात हजार लोग वे भ्वींचळा मा मोरि गैनी। अर बच्यां लोगु मा डौऽर समै गै अर ऊंन स्वर्ग मा रौण वळा परमेस्वर की बडै कैरी।