दिब्य दरस 19:10 - Garhwali

¹⁰ तब मि स्वर्गदूत की भक्‍ति करणु खुणि वेका खुटों मा पोड़ि ग्यों। मगर वेन मिकू बोलि, “यूहन्‍ना इन नि कैर, बल्किन मा केवल परमेस्वर की ही भक्‍ति कैर, किलैकि मि भि तेरा अर तेरी ही तरौं बिस्वासी भै-बैंणो का जन एक सेवक छौं, जौन यीशु का बारा मा गवै देण को काम कैरी। मि त केवल परमेस्वर को रैबार देण वळु छौं, अर तुम लोग यीशु की गवै पर बिस्वास करद्‍यां अर हम सब वेका सेवक छां।”

गढवली नयो नियम

¹⁰ जब मिल सूंणि जु मि बट्टी बात कनु छो, त मि वेकी आराधना कनु कु, वे आदिम का संमणी झुकि ग्यों। वेल मि कु बोलि, “मि तैं प्रणाम नि कैर।” मि भस पिता परमेश्वर को एक सेवक छो जन तू छै अर तेरा विश्वासी भयों का जन जु यीशु का द्वारा प्रकट किये गै सच्ची शिक्षाओं पर विश्वास करदींनि अर मणदींनि। भस पिता परमेश्वर ही च जै की त्वे तैं महिमा कन चयणी च। किलैकि परमेश्वर आत्मा च जु पिता परमेश्वर का लुखुं तैं यीशु का द्वारा बतये गै अर सत्य कु प्रचार कना का योग्य बणद।

दिब्य दरस 19:10 Referans Kwoze

यूहन्ना 5:39

“तुम पवित्रशास्‍त्र को मनन करद्‍यां, किलैकि तुम लोग समझद्‍यां, कि ये मा तुमतै सदनि को जीवन मिलदु, पर यू ही शास्‍त्र मेरी गवै देन्दिन।

इब्रानी 1:14

अर, यू सब स्वर्गदूत त सेवा करण वळी आत्मा छिन, जु कि बचयै जाण वळा लोगु की सेवा खुणि भिजे जनदिन।

दिब्य दरस 4:10

तब ऊ चौबीस अध्यक्ष राजगद्‍दी पर बैठण वळा का समणि भ्वीं मा पोड़ि के वेकी भक्‍ति करदिन, जु कि हमेसा-हमेसा तक ज्यून्द च। अर अपणा-अपणा मुकुट तैं निकळि के वेकी राजगद्‍दी का समणि रखदिन अर इन बुल्दिन कि,

दिब्य दरस 12:17

तब खुंखार रागस तैं वीं जनानि पर बड़ु गुस्सा ऐ। अर उ वेका वंश का लोगु का दगड़ा मा युद्ध करणु खुणि निकळि गै, किलैकि ऊ लोग परमेस्वर की आज्ञाओं को पालन करदिन अर यीशु की गवै सुनौण को काम करदिन।

दिब्य दरस 12:11

अर ऊंन प्रभु का रैबार अर मेम्‍ना का ल्वे का द्‍वारा शैतान पर जीत हासिल कैरी, किलैकि ऊंन अपणी जान की भि परवा नि कैरी बल्किन मा मुरणु खुणि भि तयार छा।

1 यूहन्ना 5:10

अर जु मनखि परमेस्वर का पुत्र यीशु पर बिस्वास करदु, वेन अपणा दिल मा वीं गवै तैं स्वीकार कैरियाली। अर जु मनखि परमेस्वर पर बिस्वास नि करदु वेन वेतैं झूठ्‍ठु ठैरैयालि, किलैकि वेन परमेस्वर की वीं गवै पर बिस्वास नि कैरी ज्वा वेन अपणा पुत्र का बारा मा दे छै।

इब्रानी 12:25

इलै ईं बात तैं याद रखा कि, जब पितर मूसा न इस्राएली लोगु तैं परमेस्वर को रैबार सुणै त ऊं लोगु न आज्ञा को पालन नि कैरी अर वु लोग नि बचि सकिनी, इलै चौकस ह्‍वे जा किलैकि अब जब परमेस्वर सीदा स्वर्ग बटि हम से बात करदु, अर अगर अब हम भि आज्ञा नि मणद्‍यां त हम कनकै बचि सकुला।

मत्ती 4:10

तब यीशु न वेकी बात तैं नकारी के बोलि, “शैतान मेरा पास बटि दूर ह्‍वे जा, किलैकि पवित्रशास्‍त्र मा लिख्यूं च कि, ‘तू केवल अपणा प्रभु परमेस्वर की ही पूजा कैर, अर बस वेकी ही सेवा कैर।’”

दिब्य दरस 14:7

अर वेन ऊँची आवाज मा इन बोलि कि, “परमेस्वर पर अपणी पूरि सरदा रखा अर वेकी बडै कैरा, किलैकि न्याय को बगत ऐ गै, इलै वेकी भक्‍ति कैरा जैन आसमान, धरती अर समुन्दर बणै, अर पाणि का छोया भि वेन ही बणैनी।”

खास चेलों 10:43

अर परमेस्वर का सब रैबर्या वेकी गवै देन्दिन, कि जु कुई वे पर बिस्वास करदु ऊंका पाप वेका नौ का द्‍वारा माफ किये जाला।”

दिब्य दरस 1:9

मि तुमरो भै यूहन्‍ना छौं, अर मि प्रभु यीशु मसीह खुणि दुख झिलण मा, राज्य अर सबर रखण मा तुमरो साझेदार भि छौं। अर मि यीशु मसीह की गवै देन्दु अर पिता परमेस्वर का वचन का बारा मा बतौन्दु, इलै मितैं जबरन पतमुस नौ का टापू पर भिजे गै।

फिलिप्पी 3:3

अर सच्‍चि बात त या च कि आत्मिक रुप से जौं लोगु न खतना का रिवाज तैं पूरु कैरी, वु तुम ही छाँ। अर हम परमेस्वर की भक्‍ति तैं पवित्र आत्मा का द्‍वारा करद्‍यां, अर हम अपणा सरिलों पर कुई भरोसा नि करद्‍यां, बल्किन मा अपणा प्रभु यीशु मसीह तैं देखि के हमरु मोन त और भि जादा बड़ु होन्दु।

लूका 24:44

तब यीशु न ऊंकू बोलि, “यू मेरी वु बात छिन जब मि तुमरा दगड़ा छौ, तब मिन तुमकु बोलि छौ कि यू जरुरी च कि जथगा भि बात मूसा का द्‍वारा लिख्यां नियम-कानूनों मा, अर रैबर्यों की किताबों मा लिखीं छिन, इख तक की जु बात भजनों की किताबों मा भि मेरा बारा मा लिख्यूं छिन, ऊ सभ्यों को पूरु होण जरुरी च।”

लूका 1:19

तब स्वर्गदूत न वेतैं जबाब देई कि, “मि जिब्राईल छौं, अर मि परमेस्वर का समणि खड़ु रौन्दु, अर मितैं त्वे बटि बात करणु कू अर त्वेतै यू शुभ समाचार सुनाणु कू भेज्यूं च।

मरकुस 5:22

अर इथगा मा याईर नौ को एक मनखि वेका पास ऐ अर यू यहूदियों का प्रार्थना भवन का मुखियों मा मदि एक छौ। अर उ यीशु का खुटों मा पोड़ि के वे बटि बिन्ती करण लगि गै।

खास चेलों 13:27

किलैकि नऽ त यरूशलेम नगर का लोग अर ना ही अधिकारी लोग यू पछ्याण सकिनी, कि यीशु ही छुटकारु देण वळु च। अर रैबर्यों का वु वचन जु की हरेक सब्त का दिन पर पढै जान्दा छा ऊंतैं भि वु समझि नि सकिनी, फिर भि यीशु तैं दोषी ठैरै के ऊंन सब भविष्यबाणियों तैं पूरु कैर दिनी।

1 यूहन्ना 5:21

हे मेरा प्यारा बच्‍चों, खुद तैं दुसरा द्‍यबताओं से बचै के रखा।

1 थिस्सलुनीकी 5:15

अर ईं बात तैं ध्यान मा रखा, कि अगर कुई तुमरा खिलाप मा बुरै करदु, त तुम वेका बदला मा बुरै नि कर्यां। पर हमेसा भलै करण की कोसिस कैरा, ज्यां से की सब लोगु की भलै हो।

इफिसुस 5:15

इलै हे मेरा दगड़्यों, अपणा-अपणा चाल-चलन पर ध्यान द्‍या, मूरख मनखि की तरौं ना, बल्किन मा अकलमन्द मनखियों की तरौं अपणु जीवन ज्या।

2 कुरिन्थि 8:7

अर हम जणदा छां कि तुम हरेक बात मा बढदी जाणा छाँ, जन कि यीशु मसीह पर तुमरो बिस्वास और भि जादा मजबूत होन्दी जाणु च, अर शुभ समाचार तैं बतौण मा, हरेक बात तैं जनण मा, अर हम जणदा छां कि तुम लोग दुसरा की मदद करण चाणा छाँ, अर सबसे प्यार करद्‍यां। इलै मि चान्दु, जु दान तुमुन तयार कैरिके रख्युं च वेतैं दिल खोली के द्‍या।

मरकुस 7:25

अर यीशु की चर्चा सुणी के तुरन्त एक जनानि वेका पास ऐ, अर वीं की छुटी नौनि पर खबेस लग्यूं छौ। अर या जनानि वेका खुटों मा पोड़ि गै,

इफिसुस 5:33

पर फिर भि तुम मा बटि हरेक मनखि अपणी घरवळी से उन्‍नि प्यार कैरो, जन उ खुद से करदु। अर ठिक उन्‍नि घरवळी भि अपणा पति तैं पूरु आदर-सम्मान द्‍यो।

दिब्य दरस 1:1

ईं किताब मा वु बात लिखी छिन जौं तैं यीशु मसीह न अपणा दिब्य दरसन का द्‍वारा मि पर परगट कैरी। अर यू सब बात वेन पिता परमेस्वर बटि पैनी, ताकि उ अपणा सेवकों पर ऊं घटनाओं का राज तैं परगट कैरो जु कि भौत जल्द पूरि होण वळी छिन। अर यों सब बातों तैं यीशु न अपणा स्वर्गदूत का द्‍वारा मि यूहन्‍ना पर परगट कैरी, मि जु कि यीशु को सेवक छौं।

दिब्य दरस 19:9

फिर स्वर्गदूत न मिकू बोलि, “लिख ले, धन्य छिन ऊ, जु मेम्‍ना का ब्यौ की दावत मा न्यूत्यां छिन।” अर वेन इन भि बोलि, “यू परमेस्वर का सच्‍चा वचन छिन।”