दिब्य दरस 18:8 - Garhwali

⁸ इलै एक ही दिन मा वीं पर इथगा बड़ी विपदा आली, याने कि मौत, शोक अर अकाळ, अर वींतैं आग मा फुकै जालु, किलैकि प्रभु परमेस्वर जु वींको न्याय करदु सर्वसक्‍तिमान च।”

गढवली नयो नियम

⁸ वीं का बड़ी-बड़ी बातों तैं बुल्णा का कारण वीं पर अचानक से विपत्तियां आली। भस एक ही दिन मा अचानक, बिमारी अर शोक अर अकाल वीं पर एक ही दगड़ी आला। अर वीं तैं आग मा भस्म किये जालो किलैकि प्रभु परमेश्वर शक्तिशाली च, अर उ वीं तैं दण्ड दे के वींको न्याय करलो।

दिब्य दरस 18:8 Referans Kwoze

दिब्य दरस 17:16

अर जु दस सींग अर दैंत तिन देखि, ऊ वीं वेश्या से नफरत करला, अर ऊ वींतैं नंगि कैरिके अकेला छोड़ि द्‍याला, अर वींका मांस तैं खै द्‍याला, अर वींका बच्यां हिस्सा तैं फूकी द्‍याला।

दिब्य दरस 18:19

“तब ऊ अपणा मुण्ड़ मा माटु डलला, अर रुवाला अर बड़ु शोक करला अर चिल्‍लै-चिल्‍लै के बुलला, “‘हे बड़ा नगर, त्वे पर हाय च, तू जैकी धन-दौलत से सब जाज वळा सेठ ह्‍वे गै छा, तू एक घन्टा मा ही नास ह्‍वे गै।’

दिब्य दरस 19:3

फिर दुसरि बार ऊंन बोलि, “हाल्‍लेलूय्याह, हे बेबीलोन नगर तेरा फूक्योंण को धुंवा हमेसा-हमेसा तक उड़णु रालु।”

दिब्य दरस 18:17

हाय च, त्वे पर किलैकि एक घन्टा मा ही तेरी पूरि दौलत बरबाद ह्‍वे गै।’ “अर हरेक जाज को कप्‍तान अर हरेक मुसाफिर, अर जाज चलौण वळु अर वु सब लोग जु समुन्दर की कमै पर गुजर-बसर करदिन, सब का सब दूर खड़ा रैनी।

दिब्य दरस 17:18

अर जिं जनानि तैं तिन देखि, वांको मतलब वे बड़ा नगर से च जु कि दुष्‍ट च, अर वेको राजा धरती का राजाओं पर सासन करदु।”

दिब्य दरस 11:17

अर इन बोलि कि, “सर्वसक्‍तिमान प्रभु परमेस्वर, जु छौ जु अभि भि च हम तुमरो धन्यवाद करद्‍यां, किलैकि तुमुन अपणी बड़ी ताकत को इस्तेमाल कैरिके राज कन शुरु कैरियाली।