दिब्य दरस 18:15 - Garhwali

¹⁵ “अर यों चीजों का व्यापारी जु कि तेरी बदौलत से सेठ ह्‍वे गै छा, ऊ तेरी पीड़ा तैं देखि के डौऽरा बानो दूर खड़ा राला। अर रुवाला अर शोक मणाला अर बुलला कि,

गढवली नयो नियम

¹⁵ यूं चीजों का व्यापारी जु वेका द्वारा धनवान हवे गै छा, वीं का पिड़ा का डौर का खातिर दूर खड़ा हवेला, अर रौवे के अर विलाप कैरी के बुलला,

दिब्य दरस 18:15 Referans Kwoze

दिब्य दरस 18:3

अर सब देसों का लोगु न वींका गळत सम्बन्ध बणौण वळी दारु पीयाली, ताकि सब लोग तैं वीं की लत लगि जौ, अर धरती का राजाओं न वींका दगड़ा मा सरील का गळत सम्बन्ध बणैनी, अर अपणी बुरी इच्छाओं तैं पूरु कैरिके धरती का व्यापारी लोग मालोमाल ह्‍वे गैनी।”

खास चेलों 16:19

अर जब वींका मालिक लोगु न इन देखि कि अब हमरि कमै करण को जरया खतम ह्‍वे गै, त ऊंन पौलुस अर सीलास तैं पकड़ी अर बजार का बीच बटि ऊंतैं खिखोड़ी के मुख्य लोगु का समणि लि गैनी।

मरकुस 11:17

अर वेन उपदेस देके ऊंकू बोलि, “क्या पवित्रशास्‍त्र मा इन नि लिख्यूं कि परमेस्वर बुल्दु कि, “‘सब जाति का लोगु खुणि मेरु घौर प्रार्थना को घौर बुले जालु?’ पर तुमुन येतैं डकैतों को उड़्यार बणैयालि।”

दिब्य दरस 18:12

वु माल जैमा सोना, चान्दी, हीरा अर मोति अर अच्छु मखमल, बैंगनि कपड़ा, रेशमी अर लाल रंग का कपड़ा छिन। अर हरेक किसम का खुशबुदार लखड़ा, हाथीयों का दांत, इख तक की सबसे मैंगा लखड़ा, अर पीतळ, लोखर अर संगमरमर बटि बणि हरेक चीज छिन,

दिब्य दरस 18:13

दालचीनी का बक्‍कल, मसला, धूबत्ती, खुशबुदार तेल, लोबान, दारु, जैतून को तेल, मैदा, ग्यूँ अर गौर, बल्द, भेड़, घोड़ा, रथ, गुलाम, अर और भि लोग छिन।

दिब्य दरस 18:14

“हाँ, जौं अच्छी चीजों तैं पौण की तेरी भौत मनसा छै, ऊ अब त्वेसे दूर ह्‍वे गैनी, अर सुख-बिलास अर वैभव की चीज त्वेसे दूर छिन, अर अब ऊ फिर त्वेतै कभि नि मिलेली।

दिब्य दरस 18:19

“तब ऊ अपणा मुण्ड़ मा माटु डलला, अर रुवाला अर बड़ु शोक करला अर चिल्‍लै-चिल्‍लै के बुलला, “‘हे बड़ा नगर, त्वे पर हाय च, तू जैकी धन-दौलत से सब जाज वळा सेठ ह्‍वे गै छा, तू एक घन्टा मा ही नास ह्‍वे गै।’