दिब्य दरस 17:5 - Garhwali

⁵ अर वीं वेश्या का माथा पर इन लिख्यूं छौ कि, “राज बड़ु नगर बेबीलोन, वेश्याओं अर धरती की गन्दी चीजों तैं जनम देण वळो की माँ।”

गढवली नयो नियम

⁵ अर ऊंका कपालो पर, एक नौं लिख्युं छो जै की एक छिपी बात छै। य इन छै, “मि महान शहर बाबेल छो। मि सभि वेश्याओं की ब्वे छो अर उ छो जु दुनिया की सभि तुच्छ कामों को स्रोत छो।”

दिब्य दरस 17:5 Referans Kwoze

दिब्य दरस 14:8

अर पैला स्वर्गदूत का बाद एक-दुसरो स्वर्गदूत उड्‍द दिखै अर वेन इन बोलि कि, “पतन ह्‍वे गै, पतन ह्‍वे गै, बड़ा नगर बेबीलोन को पतन ह्‍वे गै, सब देसों का लोगु न वींका गळत सम्बन्ध बणौण वळी दारु पीयाली, ताकि सब लोगु तैं वीं की लत लगि जौ, अर वींका दगड़ा मा सरील का गळत सम्बन्ध बणौण का कामों तैं पूरु कैरा।”

दिब्य दरस 18:2

अर वेन ऊँची आवाज मा चिल्‍लै के बोलि, “पतन ह्‍वे गै, पतन ह्‍वे गै, वीं वेश्या को पतन ह्‍वे गै जु कि बड़ु नगर बेबीलोन च, वु त खबेसों को घौर, अर हरेक किसम की अशुद्ध अर गन्दा पंछियों को घोल च, अर हरेक अशुद्ध अर घिण औणा वळा जानबर को उड़्यार बणि गै।

दिब्य दरस 17:7

पर वे स्वर्गदूत न मिकू बोलि, “तू हैरान किलै होणी छैई? मि त्वेतै वीं जनानि का राज का बारा मा बतौलु, अर वे दैंत का राज का बारा मा भि बतौलु जैका सात मुण्ड़ अर दस सींग छिन।

दिब्य दरस 19:2

किलैकि वेको न्याय सच्‍चु अर सही च, अर वेन वीं बड़ी वेश्या तैं दण्ड दियाली, जिं न गळत सम्बन्ध बणौण से धरती तैं भ्रष्‍ट कैरी दिनी, अर परमेस्वर का भौत सा सेवकों तैं जान से मार दिनी, इलै परमेस्वर न वीं बटि अपणा सेवकों का ल्वे को बदला लिनी।”

दिब्य दरस 16:19

ये भ्वींचळा का औण से बड़ा नगर बेबीलोन का तीन हिस्सा ह्‍वे गैनी, अर देसों का नगर माटा मा मिली गैनी। तब परमेस्वर न बेबीलोन नगर तैं याद कैरी, अर अपणा परकोप की दारु वेतैं पिलै।

2 थिस्सलुनीकी 2:7

अर वेन पाप का पुत्र तैं तब तक रोकी के रख्युं च, जब तक की उ वेका बाटा बटि हटये नि जौ। अर या बात सच्‍चि भि च, कि शैतान लुकि-छिपी के लोगु का बीच मा काम कनु च, ताकि लोग परमेस्वर का नियम-कानूनों तैं अपणा जीवनों मा स्वीकार नि कैरी सैका।

दिब्य दरस 18:21

“तब एक ताकतबर स्वर्गदूत न जन्दरा का पाट की तरौं एक बड़ु डांग उठे के समुन्दर मा ढोळि, अर बोलि, “‘हे बड़ा नगर बेबीलोन, त्वेतै भि इन्‍नि ढुळै जालु, अर तेरु फिर कभि भि पता नि चलण।

दिब्य दरस 11:8

अर ऊंन दुईयों की लांश यरूशलेम नगर का बीचों-बीच पोड़ि राली, जख ऊंका प्रभु तैं भि क्रूस पर चड़ये गै छौ। अर उखा लोगु को चाल-चलन सदोम नगर की तरौं बुरु, अर वु लोग मिस्र मुलक का लोगु की तरौं बेरहम छिन।

फिलिप्पी 3:19

अर ऊंका हिसाब-किताब मा अब विणास ही लिख्यूं च, अर ऊं खुणि सरील की इच्छा ही ऊंको ईश्‍वर ह्‍वे गै, अर जौं बातों पर सरम औण चयेणी ऊं बातों पर वु बड़ु गर्व करदिन, अर दुनियां की बातों पर अपणु मन लगौन्दिन।

दिब्य दरस 7:3

“जबरि तक हम अपणा परमेस्वर का सेवकों का माथा पर मोर नि लगै द्‍या, तब तक डाळों अर धरती पर या समुन्दर मा कुई भि नुकसान नि पौंछ्यां।”

दिब्य दरस 1:20

याने कि जु सात गैंणा तिन मेरा दैंणा हाथ मा दिखिनी, अर सोना का जु सात दीपदान तिन दिखिनी ऊंको मतलब इन च कि, ऊं सात गैंणो को मतलब बिस्वासी समुदाय का सात दूतों से च, अर सात दीपदानों को मतलब सात समुदाय से च।”

दिब्य दरस 17:1

अर येका बाद इन ह्‍वे कि जौं सात स्वर्गदूतों का पास सात कटोरा छा ऊं मदि एक न मेरा पास ऐके बोलि कि, “इख अऽ, मि त्वेतै दिखान्दु कि दुनियां की सबसे बड़ी वेश्या तैं मिलण वळु दण्ड क्या च, ज्वा कि भौत सि गाडो का छाला पर बैठि च।

दिब्य दरस 17:2

अर वींका दगड़ा मा धरती का राजाओं न गळत सम्बन्ध रखिनी, अर दारु की तरौं वींका ये काम से धरती का रौण वळा वींका नसा मा धुत ह्‍वे गैनी।”