दिब्य दरस 17:17 - Garhwali

¹⁷ अर परमेस्वर ऊंका मनों मा या बात डललु कि वु राजा वेकी मनसा तैं पूरु कैरा, ताकि वु वे दैंत तैं अपणु-अपणु राज्य दे द्‍या, जबरि तक कि परमेस्वर को बुलयूं वचन पूरु नि ह्‍वे जौ।

गढवली नयो नियम

^17-18 उ वीं जनन तैं जीं तैं तिल देखि छो, उ यु बड़ो शहर च जु धरती पर सभि राजाओं पर राज्य करद। यु चीज वे दगड़ी हवीनि, किलैकि पिता परमेश्वर ल अपड़ा उद्देश्यों तैं पूरो कनु कु ऊंका मनों को निर्देशन कैरी। यु ही कारण च कि ऊंल अपड़ो अधिकार जानवर तैं दे दींनि कि उ राज्य कैरो, जब तक कि उ सब पूरो नि हो जु पिता परमेश्वर ल बोलि छो।”

दिब्य दरस 17:17 Referans Kwoze

दिब्य दरस 10:7

पर जब सातु स्वर्गदूत को बिगुलो बजौण को बगत आलु, त वे बगत परमेस्वर अपणी छिपी योजना तैं पूरि करलु, जैकी घोसणा वेन अपणा सेवकों याने कि अपणा रैबर्यों का द्‍वारा कैरी छै।”

2 कुरिन्थि 8:16

हे मेरा भै-बैंणो, इलै मि तीतुस तैं तुमरा पास फिर से भेजणु छौं। अर मि पिता परमेस्वर को धन्यवाद देन्दु किलैकि वेका बदौलत ही तीतुस भि दिल से तुमरि उथगा ही चिन्ता-फिकर करदु जथगा मि करदु।

यूहन्ना 13:2

अर जब ऊ राति खाणु खाणा छा, तब शैतान न शमौन का नौना यहूदा इस्करियोती का मन मा पैलि ही यू विचार डालियेली छौ, कि उ यीशु तैं पकड़वै द्‍यो।

दिब्य दरस 17:13

अर यों सभ्यों की सोच एक ही जन च, अर ऊ अपणी-अपणी ताकत अर अपणु अधिकार वे दैंत तैं दे द्‍याला।

यूहन्ना 13:18

तब यीशु न फिर से बोलि, “मि तुम सभ्यों का बारा मा नि बोन्‍नु छौं, किलैकि जौं तैं मिन चुण्यालि, ऊ कन्द्रया छिन मि जणदु छौं। फिर भि यू इलै होणु च ताकि पवित्रशास्‍त्र को वु वचन पूरु हो जु कि इन च कि, “‘जैन मेरी रुट्‍टी खै, वेन ही मि पर लथि उठे।’

लूका 22:22

किलैकि मनखि का पुत्र खुणि जन ठैर्युं च, उन्‍नि वेका दगड़ा मा होलु, मगर हाय च वे मनखि पर जैन वेतैं पकड़वाण।”

दिब्य दरस 15:1

फिर मिन स्वर्ग मा एक और बड़ु अदभुत चिन्‍न देखि की सात स्वर्गदूत छा, जौं का पास सात विपदा छै। अर यू आखिरी विपदा छै, अर येका दगड़ा-दगड़ि परमेस्वर को परकोप पूरु ह्‍वे जान्दु।

यूहन्ना 19:28

येका बाद यीशु यू जाणि गै, कि वेको काम पूरु ह्‍वे गै। अर जन पवित्रशास्‍त्र मा लिख्यूं च, उ भि पूरु ह्‍वे जौ इलै वेन बोलि, “मितैं तिस लगि।”

यूहन्ना 19:24

इलै ऊंन आपस मा बोलि, “हम येतैं नि चिरद्‍या पर पांसा डालि के दिखद्‍यां, कि यू कै को जि होन्दु।” अर सिपयों न उन्‍नि कैरी। अर यू त इलै ह्‍वे, ताकि पवित्रशास्‍त्र की लिखीं बात पूरि ह्‍वे जौ। अर वा इन च, कि “ऊंन मेरा कपड़ा आपस मा बांटि दिनी, अर मेरा कुरता खुणि पांसा डालि।”

यूहन्ना 10:35

“अर जौं मा परमेस्वर को वचन पौंछी, ऊं खुणि वेन ईश्‍वर बोलि। (अर पवित्रशास्‍त्र की बात झूठ्‍ठी नि ह्‍वे सकदी)।

लूका 22:37

अर यू मि तुम मा इलै बोन्‍नु छौं, किलैकि यू जरुरी च कि पवित्रशास्‍त्र की वा बात पूरि हो, ज्वा की मेरा बारा मा लिखीं च, “‘उ अपराधियों का दगड़ा मा गिणै जालु।’ “हाँ, मेरा बारा मा लिखीं या बात पूरि होण वळी च।”

लूका 22:3

अर यीशु का बारह चेलों मा बटि यहूदा एक छौ, जैकू इस्करियोती भि बुल्दिन। अर तब शैतान यहूदा इस्करियोती मा समै गै।

दिब्य दरस 6:11

अर ऊंमा बटि हरेक तैं एक सफेद चोळा दिये गै। अर ऊंतैं कुछ देर तक रुकणु कू बुलै गै, जब तक कि ऊंका ही जन दुसरा बिस्वासी भैयों अर सेवकों की गिनती पूरि नि ह्‍वे जौ, जौं की हत्या ऊंकी ही तरौं किये गै।

दिब्य दरस 19:9

फिर स्वर्गदूत न मिकू बोलि, “लिख ले, धन्य छिन ऊ, जु मेम्‍ना का ब्यौ की दावत मा न्यूत्यां छिन।” अर वेन इन भि बोलि, “यू परमेस्वर का सच्‍चा वचन छिन।”