दिब्य दरस 17:12 - Garhwali

¹² अर जु दस सींग तिन दिखिनी, वेको मतलब दस राजाओं से च, जौं तैं अभि तक राज करण को अधिकार नि मिली, पर ऊ वे दैंत का दगड़ा मा कुछ देर तक राज करण को अधिकार पाला।

गढवली नयो नियम

¹² उ दस सींग जु तिल पैली देखि छा, ऊं दस राजाओं तैं बतौंदींनि जौनु अभि तक राज्य कन शुरू नि कैरी। ऊं दस राजाओं तैं वे जानवर का दगड़ी मिल के राज्य कने को अधिकार पाला, पर ऊंको राज्य भस एक घंटा का बगत कु ही होलो।

दिब्य दरस 17:12 Referans Kwoze

दिब्य दरस 12:3

फिर आसमान मा एक और चिन्‍न दिखै, जु कि लाल रंग को एक बड़ु खुंखार रागस छौ, वेका सात मुण्ड़ अर दस सींग छा, अर वेका हरेक मुण्ड़ पर एक-एक मुकुट छौ।

दिब्य दरस 13:1

तब मिन समुन्दर मा बटि एक दैंत तैं निकळद देखि, वेका दस सींग अर सात मुण्ड़ छा। अर वेका दसी सींगों पर दस मुकुट छा, अर वेका मुण्ड़ो पर परमेस्वर की बुरै करण वळा शब्द लिख्यां छा।

दिब्य दरस 17:16

अर जु दस सींग अर दैंत तिन देखि, ऊ वीं वेश्या से नफरत करला, अर ऊ वींतैं नंगि कैरिके अकेला छोड़ि द्‍याला, अर वींका मांस तैं खै द्‍याला, अर वींका बच्यां हिस्सा तैं फूकी द्‍याला।

दिब्य दरस 18:19

“तब ऊ अपणा मुण्ड़ मा माटु डलला, अर रुवाला अर बड़ु शोक करला अर चिल्‍लै-चिल्‍लै के बुलला, “‘हे बड़ा नगर, त्वे पर हाय च, तू जैकी धन-दौलत से सब जाज वळा सेठ ह्‍वे गै छा, तू एक घन्टा मा ही नास ह्‍वे गै।’

दिब्य दरस 18:17

हाय च, त्वे पर किलैकि एक घन्टा मा ही तेरी पूरि दौलत बरबाद ह्‍वे गै।’ “अर हरेक जाज को कप्‍तान अर हरेक मुसाफिर, अर जाज चलौण वळु अर वु सब लोग जु समुन्दर की कमै पर गुजर-बसर करदिन, सब का सब दूर खड़ा रैनी।

दिब्य दरस 18:10

अर वीं की पीड़ा तैं देखि के डऽरला अर दूर खड़ा ह्‍वेके बुलला, “‘हे बड़ा नगर बेबीलोन, त्वे पर हाय च, तू जु ताकतबर नगर छैई एक घन्टा मा ही त्वेतै दण्ड मिली गै।’

दिब्य दरस 10:11

अर येका बाद मिकू इन बुले गै कि, “त्वेतै भौत सि जातियों, देसों अर अलग-अलग भाषा का लोगु खुणि, अर भौत सा राजाओं का बारा मा और भविष्यबाणी करण होलि।”