दिब्य दरस 17:10 - Garhwali

¹⁰ यां को मतलब सात राजा से च, जौं मदि पांच को त पतन ह्‍वे गै, अर एक अभि भि च, अर एक अभि तक नि ऐ, मगर जब उ आलु, त उ भि कुछ बगत तक ही रालु।

गढवली नयो नियम

¹⁰ ऊंमा बट्टी पाँच त पैली ही मोर गैनी, अर छठो शासक अब राज्य कनु च; अर आखरी वलो अभि तक नि ऐ, पर जब तक उ आलो, त उ भस थोड़ा ही बगत कु ही राज्य करलो।

दिब्य दरस 17:10 Referans Kwoze

दिब्य दरस 10:11

अर येका बाद मिकू इन बुले गै कि, “त्वेतै भौत सि जातियों, देसों अर अलग-अलग भाषा का लोगु खुणि, अर भौत सा राजाओं का बारा मा और भविष्यबाणी करण होलि।”

दिब्य दरस 17:11

अर वु दैंत जु पैलि ज्यून्द छौ पर अब ज्यून्द नि च, मगर फिर से ज्यून्द ह्‍वेके आलु उ खुद आठु राजा होलु। अर वु ऊं सात राजों का जन दुष्‍ट होलु, अर वेन भि नास ह्‍वे जाण।

दिब्य दरस 13:3

अर वे दैंत का मुण्ड़ पर एक इन्दरि चोट लगि छै कि वेका बचण की उम्मीद नि छै, मगर वेको उ घौ खूब ह्‍वे गै। अर वेका खूब होण की वजै से पूरि धरती का लोग बड़ु ताजुब कैरिके वेका पिछनै-पिछनै चलण लगि गैनी।

दिब्य दरस 13:12

अर यू दैंत समुन्दर वळा दैंत की निगराणी मा रै के अपणु पूरु अधिकार चलौणु छौ। अर येन धरती मा रौण वळा सब लोगु तैं समुन्दर वळा दैंत की पूजा करणु खुणि मजबूर कैरी, हाँ वेकी ही पूजा करणु खुणि जैका मुण्ड़ पर एक इन्दरि चोट लगि छै ज्यां से वेका बचण की उम्मीद नि छै, मगर वेको उ घौ खूब ह्‍वे गै छौ।

दिब्य दरस 17:16

अर जु दस सींग अर दैंत तिन देखि, ऊ वीं वेश्या से नफरत करला, अर ऊ वींतैं नंगि कैरिके अकेला छोड़ि द्‍याला, अर वींका मांस तैं खै द्‍याला, अर वींका बच्यां हिस्सा तैं फूकी द्‍याला।