दिब्य दरस 16:5 - Garhwali

⁵ अर पाणि पर अधिकार रखण वळा स्वर्गदूत तैं मिन इन बुल्द सुणी कि, “हे पवित्र परमेस्वर, तुम जु की पैलि छा, अर आज भि छाँ, तुम न्यायी छाँ अर तुमुन ही यू न्याय कैरी।

गढवली नयो नियम

⁵ अर मिल वे स्वर्गदूत तैं जै तैं सैरा पांणी पर अधिकार च, पिता परमेश्वर बट्टी यु बुल्द सूंणि, “हे पवित्र, उ व ही पिता परमेश्वर च जु बगत की शुरुआत बट्टी लेकर अब तक अर कभी नि बदलद, यु दण्ड जु तू दुनिया पर भिजदी ठिक च।

दिब्य दरस 16:5 Referans Kwoze

दिब्य दरस 11:17

अर इन बोलि कि, “सर्वसक्‍तिमान प्रभु परमेस्वर, जु छौ जु अभि भि च हम तुमरो धन्यवाद करद्‍यां, किलैकि तुमुन अपणी बड़ी ताकत को इस्तेमाल कैरिके राज कन शुरु कैरियाली।

दिब्य दरस 1:8

सर्वसक्‍तिमान प्रभु परमेस्वर इन बुल्दु कि, “मि ही पैलु अर आखिरी छौं।” सभ्यों को मालिक मि ही छौं मि पैलि बटि छौ, आज भि छौं अर मि ही जल्द औण वळु छौं।

दिब्य दरस 1:4

आसिया मुलक मा रौण वळा सात बिस्वासी समुदाय का नौ खुणि इन लिख कि: वे पिता परमेस्वर की तरफा बटि जु कि पैलि बटि छौ, आज भि च अर उई च जु कि औण वळु च, अर ऊं सात आत्माओं की तरफा बटि जु कि वेकी राजगद्‍दी का समणि छिन, तुम पर ऊंकी किरपा अर दया होणी रौ।

दिब्य दरस 4:8

अर चरी पराणों का छह-छह फाँकुड़ छा, अर ऊंका चौतरफि अर ऊंका भितर भि आंखा ही आंखा छा। अर वु बिन रुक्यां दिन-रात इन बुल्दिन कि, “पवित्र, पवित्र, पवित्र, सर्वसक्‍तिमान प्रभु परमेस्वर, जु छौ जु आज भि च अर जु औण वळु च।”

रोमियों 2:5

मगर तुम लोग त अपणा निठुर अर ढीट मन का कारण वेका खतरनाक दिन खुणि, याने कि जै दिन मा परमेस्वर को सच्‍चु न्याय परगट होलु, तुम वेका गुस्सा तैं अपणा खिलाप मा और भि जादा बढौणा छाँ।

दिब्य दरस 16:7

फिर मिन वेदी बटि इन आवाज सुणी, “हाँ, सर्वसक्‍तिमान प्रभु परमेस्वर, तुम न्याय करण मा सच्‍चा अर धरमी छाँ।”

रोमियों 3:5

पर अगर जु हमरा गळत काम करण से पिता परमेस्वर की अच्छे और भि जादा साफ ह्‍वेके हमरा समणि औन्दी, त फिर परमेस्वर हम पर किलै गुस्सा होन्दु अर किलै हमतै दण्ड देन्दु? (अरे, यू सब त मनखियों का अपणा विचार छिन जु कि गळत छिन)।

दिब्य दरस 19:2

किलैकि वेको न्याय सच्‍चु अर सही च, अर वेन वीं बड़ी वेश्या तैं दण्ड दियाली, जिं न गळत सम्बन्ध बणौण से धरती तैं भ्रष्‍ट कैरी दिनी, अर परमेस्वर का भौत सा सेवकों तैं जान से मार दिनी, इलै परमेस्वर न वीं बटि अपणा सेवकों का ल्वे को बदला लिनी।”

दिब्य दरस 16:4

तब तिसरा स्वर्गदूत न अपणु कटोरा तैं गाडो अर पाणि का छोयों पर अखणै दिनी, अर वु ल्वे बणि गैनी।

यूहन्ना 17:25

“हे मेरा धरमी पिता, दुनियां का लोगु न तुमतै नि पछ्याणी, पर मि तुमतै पछ्याणदु छौं। अर यों लोगु न भि जाण्यालि, कि तुमुन ही मितैं भेजि।

दिब्य दरस 6:10

अर यों आत्माओं न ऊँची आवाज मा इन बोलि, “हे सबसे महान पिता परमेस्वर, तुम जु कि पवित्र अर सच्‍चा छाँ, आखिर तुम कब न्याय करिल्या, अर धरती पर रौण वळो बटि कब तक हमरि हत्या को बदला नि लि ल्या?”