दिब्य दरस 16:18 - Garhwali

¹⁸ तब चम बिजली चमकी अर ऊँची आवाज ऐ गगड़ाट ह्‍वे, अर एक भैंकर भ्वींचळु ऐ अर इन्द्रयो भ्वींचळु धरती पर मनखियों का बणण से अभि तक कभि नि ऐ छौ।

गढवली नयो नियम

¹⁸ अर वे बगत बिजलियां, अर गिड़गिड़ाहट अर बादल की गर्जन हूंण लगि गै छै अर एक इन खतरनाक भूकम्प ऐ, कि जब बट्टी मनिख दुनिया मा रौंणा हो, तब बट्टी इन विनाशकारी ढंग से भूकम्प कभी नि ऐ छो।

दिब्य दरस 16:18 Referans Kwoze

दिब्य दरस 4:5

अर वीं राजगद्‍दी बटि बिजलियाँ निकळणी छै, अर बड़ी गगड़ाट की आवाज औणी छै। अर वीं राजगद्‍दी का समणि आग की सात मसाल जगणी छै, जु कि परमेस्वर की सात आत्मा छिन।

दिब्य दरस 11:19

तब परमेस्वर को मन्दिर जु कि स्वर्ग मा च खुलै गै, अर वे मन्दिर मा करार को बक्सा दिखै। अर फिर बिजली चमकी अर बादळों की गगड़ाट, अर भ्वींचळु ऐ अर भौत ढांडो पोड़ि।

दिब्य दरस 11:13

अर वे ही बगत एक बड़ु भ्वींचळु ऐ अर नगर का दसुं हिस्सा को नास ह्‍वे गै, अर सात हजार लोग वे भ्वींचळा मा मोरि गैनी। अर बच्यां लोगु मा डौऽर समै गै अर ऊंन स्वर्ग मा रौण वळा परमेस्वर की बडै कैरी।

दिब्य दरस 8:5

तब स्वर्गदूत न धूपदेणु वळु कटोरा ले अर वेमा वेदी की आग भोरी, अर धरती की तरफा ढोळि दिनी। तब बादळों मा गगड़ट की तेज आवाज औण लगि गै, अर बिजली चमकी, अर भ्वींचळु ऐ।

दिब्य दरस 6:12

अर जब मिन मेम्‍ना तैं छटुं मोर खुलद देखि, त एक बड़ु भ्वींचळु ऐ अर सूरज इन काळु पोड़ि गै जन की काळु टाट हो, अर चाँद इन ह्‍वे गै जन की, ल्वे।

मत्ती 24:21

किलैकि वे बगत इथगा बड़ु संकट आलु, जु कि नऽ त दुनियां की शुरुवात बटि अभि तक ऐ, अर ना ही कभि आलु।