दिब्य दरस 16:17 - Garhwali

¹⁷ तब सातवां स्वर्गदूत न अपणु कटोरा हवा मा अखणै दिनी, अर मन्दिर की राजगद्‍दी बटि एक ऊँची आवाज ऐ, “पूरु ह्‍वे गै।”

गढवली नयो नियम

¹⁷ अर सातु स्वर्गदूत ल कटोरा की चीज हवा मा उण्डेल दींनि, अर मिल सूंणि, उख उ छो जु स्वर्गीय मन्दिर का भितर बट्टी पिता परमेश्वर का सिंहासन बट्टी बुल्णु छो, “पूरो हवे गै।”

दिब्य दरस 16:17 Referans Kwoze

दिब्य दरस 21:6

अर वेन मिकू इन भि बोलि, “यू सब बात पूरि ह्‍वे गैनी, मि ही पैलु अर आखिरी छौं, शुरुवात अर आखिरी मि ही छौं। जैतैं तीस लगीं हो वेतैं मि जीवन देण वळा पाणि का छोया मा बटि मुफत मा पिलौलु।

यूहन्ना 19:30

तब यीशु न वे सिरका तैं चुसी के बोलि, “पूरु ह्‍वे गै।” अर मुण्ड़ झुकै के वेन अपणा पराण छोड़ि दिनी।

इफिसुस 2:2

बल्किन मा वे बगत त तुम ईं दुनियां का मुताबिक अपणा जीवन तैं बुरै का मुताबिक चलौन्दा छा, अर आसमान पर सासन करण वळा शैतान की बातों तैं मणदा छा। अर आसमान पर सासन करणु वळु वु बुरु आत्मा आज भि ऊं लोगु का जीवनों मा काम करदु, जु आज्ञा को पालन नि करदिन।

इफिसुस 6:12

किलैकि हम बिस्वासी लोगु की या लड़ै मनखियों का दगड़ा मा नि च, जौं पर केवल मांस, ल्वे अर हड़गा ही छिन, बल्किन मा हमरि लड़ै त दुष्‍ट खबेसों, अर ऊंका परधानों अर अधिकारीयों का दगड़ा मा च, जु कि ईं अन्धेरी दुनियां पर सासन करदिन अर आसमान मा रौनदिन।

दिब्य दरस 16:1

फिर मिन स्वर्ग का मन्दिर मा बटि कैतैं ऊँची आवाज मा ऊं सात स्वर्गदूतों से इन बुल्द सुणी कि, “जा, परमेस्वर का परकोप से भोर्यां सात कटोरों तैं धरती पर अखणै द्‍या।”

दिब्य दरस 14:17

तब स्वर्ग का मन्दिर बटि एक और स्वर्गदूत निकळि, अर वेका पास भि एक पैनु दथड़ु छौ।

दिब्य दरस 14:15

तब स्वर्ग का मन्दिर बटि एक स्वर्गदूत निकळि, अर वेन ऊँची आवाज मा वेकू बोलि जु बादळ मा बैठयूं छौ, “अपणु दथड़ु उठौ अर लवै कैर, किलैकि लवै को बगत ऐ गै अर धरती की फसल पक्‍की गै।”

दिब्य दरस 11:19

तब परमेस्वर को मन्दिर जु कि स्वर्ग मा च खुलै गै, अर वे मन्दिर मा करार को बक्सा दिखै। अर फिर बिजली चमकी अर बादळों की गगड़ाट, अर भ्वींचळु ऐ अर भौत ढांडो पोड़ि।

दिब्य दरस 11:15

अर जब सातवां स्वर्गदूत न बिगुला बजै, त स्वर्ग बटि तेज आवाज ऐ अर वींन इन बोलि कि, “दुनियां पर राज करण को अधिकार अब हमरा परमेस्वर अर वेका मसीह को ह्‍वे गै। अर उ हमेसा-हमेसा तक राज करला।”