दिब्य दरस 14:2 - Garhwali

² अर फिर मिन स्वर्ग बटि एक आवाज सुणी। अर ईं आवाज मा भौत जादा पाणि को छमछयाट अर बादळों को गगड़ट छौ अर मिन कुछ इन आवाज सुणी ज्वा कि इन छै, जन कि बीणा बजौण वळा अपणी-अपणी बीणा बजौणा हो।

गढवली नयो नियम

² अर मिल स्वर्ग मा कैकी आवाज सूंणि कि झरना की गर्जन का जन तेज, या गिडगिडांण की आवाज का जन ऊंची छै। य संगीतकारों का द्वारा ऊंकी वीणा बजांण की संगीत का जन लगणी छै।

दिब्य दरस 14:2 Referans Kwoze

दिब्य दरस 5:8

अर जब वेन वु ले, त चार ज्यून्द पराण अर चौबीस अध्यक्ष मेम्‍ना का समणि भ्वीं मा पोड़ि गैनी। अर हर अध्यक्ष का हाथ मा बीणा अर सोना का कटोरा छा, जु कि धूबत्ती से भोर्यां छा जैको मतलब बिस्वासी लोगु की प्रार्थना से च।

दिब्य दरस 1:15

अर वेका खुटा इन चमकणा छा जन की भट्‍टी मा पक्यूं पीतळ। अर वेकी आवाज भौत पाणि की छमछयाटों की तरौं छै।

दिब्य दरस 15:2

तब मितैं काँच का जन एक समुन्दर दिखै, अर वु इन लगणु छौ जन कि वेमा आग मिली हो। अर जौं लोगु न वे दैंत, वेकी मूरत, अर वेका नौ की संख्या पर जीत हासिल कैरी छै, मिन ऊं सब लोगु तैं वे काँच का समुन्दर का मथि खड़ु देखि। अर पिता परमेस्वर न हरेक तैं एक-एक बीणा दिनी।

दिब्य दरस 11:15

अर जब सातवां स्वर्गदूत न बिगुला बजै, त स्वर्ग बटि तेज आवाज ऐ अर वींन इन बोलि कि, “दुनियां पर राज करण को अधिकार अब हमरा परमेस्वर अर वेका मसीह को ह्‍वे गै। अर उ हमेसा-हमेसा तक राज करला।”

दिब्य दरस 18:22

अर अब बटि त्वेमा फिर से गीत गाण वळो, बीणा अर बांसुळि बजौण वळो, अर ना ही बिगुले की आवाज फिर से कभि सुण्यालि। अर ना ही कै कारीगर को कुई काम त्वेमा होलु, अर ना ही अब से त्वेमा चक्‍की की आवाज सुण्यालि।

दिब्य दरस 11:12

अर ऊंन स्वर्ग बटि एक तेज आवाज सुणी, जिं न ऊं दुईयों कू इन बोलि, “इख मथि ऐ जा।” अर ऊ दुईया का दुई बादळों मा उठये गैनी, अर ऊंका दुसमन ऊंतैं दिखदी रै गैनी।

दिब्य दरस 6:1

फिर मिन देखि कि वे मेम्‍ना न सात मोरो मा बटि एक मोर तैं खोली, अर मिन चार पराणों मा बटि एक तैं बादळों की गगड़ट की तरौं ऊँची आवाज मा इन बुल्द सुणी, “अऽ।”

दिब्य दरस 1:10

अर प्रभु की भक्‍ति का दिन मा एक बार मि पवित्र आत्मा की ताकतळ भरपूर ह्‍वे ग्यों। अर मिन अपणा पिछनै एक बिगुले की तेज आवाज सुणी,

दिब्य दरस 8:7

अर जब पैला स्वर्गदूत न बिगुला बजै, तब ल्वे मिल्यूं ढांडो अर आग पैदा ह्‍वे, जु की धरती पर ढुळै गै। अर इन होण से जमीन का तीन हिस्सों मदि एक हिस्सा फुकै गै, अर इन्‍नि डाळों को एक हिस्सा फुकै गै, अर पूरि हरीं घास भि फुकै गै।

1 कुरिन्थि 13:1

अगर मितैं मनखियों अर स्वर्गदूतों की भाषा बुलण औन्दी हो, पर मि दुसरो से प्यार नि कैरुं, त क्या फैदा च फिर? तब मि वे पितळा भाँडा जन छौं जु ठन-ठन बजदु, अर वीं डफ का जन छौं ज्वा की डम-डम बजदी।