दिब्य दरस 13:12 - Garhwali

¹² अर यू दैंत समुन्दर वळा दैंत की निगराणी मा रै के अपणु पूरु अधिकार चलौणु छौ। अर येन धरती मा रौण वळा सब लोगु तैं समुन्दर वळा दैंत की पूजा करणु खुणि मजबूर कैरी, हाँ वेकी ही पूजा करणु खुणि जैका मुण्ड़ पर एक इन्दरि चोट लगि छै ज्यां से वेका बचण की उम्मीद नि छै, मगर वेको उ घौ खूब ह्‍वे गै छौ।

गढवली नयो नियम

¹² वेल वीं शक्ति कु इस्तेमाल जु वे तैं वे जानवर का द्वारा द्ये गै छै जैको जान लींण वलो घाव खूब हवे गै छो वेल दुनिया का सभि लुखुं बट्टी जबरदस्ती वे पैला जानवर की आराधना कनु कु बोलि।

दिब्य दरस 13:12 Referans Kwoze

दिब्य दरस 19:20

तब दैंत पकड़ै गै, अर वेका दगड़ा-दगड़ि झूठ्‍ठु रैबर्या भि पकड़ै गै जु की दैंत का द्‍वारा चमत्कार दिखै के लोगु तैं भरमै देन्दु छौ। अर यू वु लोग छा जु कि मूरत की पूजा करदा छा अर ऊं पर दैंत की मोर लगीं छै, तब यों दुईयों तैं ज्यून्द ही वीं आग की झील मा डळै गै, ज्वा कि गंधक से जगणी रौन्दी।

दिब्य दरस 14:11

अर ऊंका तड़पये जाण को धुंवा हमेसा-हमेसा तक उठणु रालु। अर जु लोग वे दैंत या वेकी मूरत की पूजा करदिन अर वेका नौ की छाप तैं स्वीकार करदिन ऊंतैं दिन-रात चैन नि मिललु।”

दिब्य दरस 14:9

अर येका बाद एक और स्वर्गदूत उड्‍द दिखै जु कि तिसरु छौ, अर वेन ऊँची आवाज मा इन बोलि कि, “अगर कुई दैंत अर वेकी मूरत की पूजा करदु अर अपणा माथा पर या हाथ पर वेकी मोर लगौन्दु,

2 थिस्सलुनीकी 2:4

अर येसे पैलि की पाप का पुत्र तैं दण्ड मिलु, उ हमरा परमेस्वर को भि विरोध करलु। अर जौं तैं लोग भगवान समझि के ऊंकी भक्‍ति करदिन, ऊ सभ्यों बटि पाप को पुत्र अफ तैं बड़ु बणालु। अर इख तक की उ परमेस्वर का मन्दिर मा बैठि के परमेस्वर होण को दावा करलु।

दिब्य दरस 13:2

मिन देखि कि उ एक चीता की तरौं छौ, मगर वेका खुटा भालु की तरौं छा, अर वेको मुख शेर की तरौं छौ। अर खुंखार रागस न ये दैंत तैं अपणी सामर्थ, राजगद्‍दी अर अपणु पूरु अधिकार दे दिनी।

दिब्य दरस 13:8

अर धरती पर रौण वळा सब लोग वे दैंत पूजा करला, मगर जौं लोगु का नौ दुनियां की शुरुवात से पैलि जीवन की किताब मा लिख्यां छिन वु लोग वे दैंत की पूजा नि करला। अर या किताब बलिदान होयां मेम्‍ने की च जु कि यीशु मसीह च।

दिब्य दरस 16:2

तब पैला स्वर्गदूत न जैके अपणु कटोरा धरती पर अखणै दिनी, अर जौं लोगु पर वे दैंत की मोर लगि छै अर जु वेकी मूरत की पूजा कना छा, ऊं पर बड़ु दुख देण वळु बुरु फोड़ा निकळि गै।

दिब्य दरस 17:8

अर जु दैंत तिन देखि, पैलि उ ज्यून्द छौ पर अब वु मोरि गै, मगर उ फिर से ज्यून्द ह्‍वेके अधलोक बटि निकळि के आलु, अर वेको नास फिर से ह्‍वे जालु। अर धरती पर रौण वळा जौं लोगु का नौ दुनियां की शुरुवात बटि जीवन की किताब मा नि लिख्यां छिन, वु सब लोग वे दैंत का दगड़ा मा जु कुछ भि ह्‍वे देखि के बड़ु ताजुब करला।

दिब्य दरस 20:4

तब मिन राजगद्‍दी देखि अर ऊं लोग की आत्माओं तैं भि देखि जु कि राजगद्‍दी पर बैठयां छा, जौं का मुण्ड़ यीशु की गवै देण अर परमेस्वर का वचन तैं बतौण की वजै से कटै गै छौ। अर यू वु आत्मा छिन जौं तैं परमेस्वर न न्याय करण को अधिकार दिनी। अर यों न नऽ त दैंत की, अर ना ही वेकी मूरत की पूजा कैरी, अर ना ही अपणा माथा या हाथ पर वेकी मोर लगवै, वु सब ज्यून्दा ह्‍वे गैनी, अर ऊंन राजा बणि के मसीह का दगड़ा मा एक हजार साल तक राज कैरी।