दिब्य दरस 13:10 - Garhwali

¹⁰ जैतैं कैदी होणु खुणि ठैरैये गै वेतैं जेलखाना मा डळै जालु, जैतैं तलवार से मरे जाण खुणि ठैरैये गै उ तलवार से मरे जालु, इलै ईं बात तैं जाणि ल्या कि बिस्वासी लोगु तैं सबर अर बिस्वास मा बणयूं रौण की जरुरत च।

गढवली नयो नियम

¹⁰ जु लुखुं तैं कैद किये जांण तय च, उ जरुर कैद किये जाला, अर जौं कु तय च कि उ तलवार बट्टी मरै जा उ निश्चित रूप मा तलवार से मरै जाला। इलै की जरूरी च कि पिता परमेश्वर का लोग ऊं मुसिबतों तैं सह जौको उ अनुभव करदींनि अर विश्वास कन मा मजबूत रा।

दिब्य दरस 13:10 Referans Kwoze

दिब्य दरस 14:12

अर जु लोग यीशु पर बिस्वास रखदिन अर परमेस्वर की आज्ञा को पालन करदिन, इन्द्रया बगत मा परमेस्वर का ऊं पवित्र लोगु तैं सबर रखण की जरुरत च।

दिब्य दरस 3:10

किलैकि तुमुन सबर रखी के मेरी बात तैं माणी, इलै अजमैस का वे बगत मा मि भि तुमरि हिफाजत करलु, ज्वा कि धरती का सब लोगु तैं अजमौणु खुणि औण वळी च।

लूका 21:19

अर तुमरो सबर रखण की ताकत ही तुमरा जीवन तैं बचालि।

इब्रानी 6:12

इलै अळकसि नि बणा, बल्किन मा ऊं लोगु की तरौं बणा जु कि बिस्वास अर सबर रखण मा मजबूत छिन। अर इन्द्रया लोग ऊं चीजों तैं पौनदिन, जौं को करार पिता परमेस्वर न कैरी।

दिब्य दरस 2:2

“हे इफिसुस नगर का बिस्वासी लोगु, मि तुमरा काम अर तुमरि कड़ी मेनत का बारा मा जणदु छौं, अर दुख का बगत मा तुमरा सबर रखण की ताकत का बारा मा भि मि जणदु छौं, अर मि इन भि जणदु कि तुम बुरा लोगु तैं बरदास नि कैरी सकदी, जु खुद तैं मेरा खास चेला बतौन्दिन, पर असल मा ऊ छैई नि छिन। अर तुमुन ऊं लोगु की जाँच-पड़ताल कैरी अर ऊंतैं झूठ्‍ठु पै।

मत्ती 26:52

तब यीशु न वे चेला कू बोलि, “अपणी तलवार तैं म्यान मा रखी दे, किलैकि जु तलवार चलौन्दिन वु सब तलवार से ही मरे जाला।

दिब्य दरस 16:6

किलैकि ऊंन बिस्वासी लोगु अर तुमरा रैबर्यों को ल्वे बुगै, इलै तुमुन भि ऊंतैं पाणि का बदला मा ल्वे पीणु खुणि दिनी, अर जन ऊंन कैरी उन्‍नि पै।”

दिब्य दरस 1:9

मि तुमरो भै यूहन्‍ना छौं, अर मि प्रभु यीशु मसीह खुणि दुख झिलण मा, राज्य अर सबर रखण मा तुमरो साझेदार भि छौं। अर मि यीशु मसीह की गवै देन्दु अर पिता परमेस्वर का वचन का बारा मा बतौन्दु, इलै मितैं जबरन पतमुस नौ का टापू पर भिजे गै।

दिब्य दरस 3:3

अर याद कैरा कि ज्वा शिक्षा तुमुन पै अर सुणी, वीं शिक्षा को पालन कैरा अर मन से पस्ताप कैरा। अर अगर जु तुम चौकस नि रैल्या, त मि कै बगत तुमरा पास ऐ जौलु तुमतै ईं बात कि खबर नि लगण, किलैकि मिन एक चोर का जन अचानक से तुमरा पास औण।

दिब्य दरस 2:19

“मि तुमरो प्यार, तुमरा कामों अर तुमरा बिस्वास, अर सेवा करण अर सबर रखण का बारा मा जणदु छौं, अर इन भि जणदु कि तुमुन हाल-फिलाल मा जु काम करिनी, ऊ काम तुमरा पैला का कामों से और भि जादा अच्छा छिन।

कुलुसी 1:11

अर तुम पिता परमेस्वर की महान ताकत से अपणा आत्मिक जीवन मा और भि जादा मजबूत होन्दी जा, ताकि मुसीबत का बगत पर खुशी से अर हर बात मा सबर रखी के तुम सब मुसीबतों तैं सै सैका।

मत्ती 7:2

किलैकि जन तुम इळजाम लगौन्द्‍यां, उन्‍नि तुम पर भि इळजाम लगये जालु, अर जै नापळ तुम दुसरा लोगु खुणि नपद्‍यां, उन्‍नि तुमकु भि नपै जालु।

दिब्य दरस 11:18

अर जब देस-देस का लोग तुम से गुस्सा ह्‍वेनि, त तुमरो परकोप ऊं पर भड़की गै। अर अब वु बगत ऐ गै जब तुम मुरयां लोगु को न्याय करिल्या, अर अब तुमरा सेवकों, रैबर्यों, अर सब पवित्र लोगु, अर जथगा भि लोग तुमरा नौ पर सरदा रखदिन ऊं सब सेवकों तैं इनाम दिये जालु, चै वु छुटा हो या बड़ा, मगर जौं लोगु न धरती तैं बरबाद कैरी तुम ऊंतैं खतम कैरी दिल्या।”

दिब्य दरस 17:8

अर जु दैंत तिन देखि, पैलि उ ज्यून्द छौ पर अब वु मोरि गै, मगर उ फिर से ज्यून्द ह्‍वेके अधलोक बटि निकळि के आलु, अर वेको नास फिर से ह्‍वे जालु। अर धरती पर रौण वळा जौं लोगु का नौ दुनियां की शुरुवात बटि जीवन की किताब मा नि लिख्यां छिन, वु सब लोग वे दैंत का दगड़ा मा जु कुछ भि ह्‍वे देखि के बड़ु ताजुब करला।

दिब्य दरस 17:11

अर वु दैंत जु पैलि ज्यून्द छौ पर अब ज्यून्द नि च, मगर फिर से ज्यून्द ह्‍वेके आलु उ खुद आठु राजा होलु। अर वु ऊं सात राजों का जन दुष्‍ट होलु, अर वेन भि नास ह्‍वे जाण।