दिब्य दरस 12:17 - Garhwali

¹⁷ तब खुंखार रागस तैं वीं जनानि पर बड़ु गुस्सा ऐ। अर उ वेका वंश का लोगु का दगड़ा मा युद्ध करणु खुणि निकळि गै, किलैकि ऊ लोग परमेस्वर की आज्ञाओं को पालन करदिन अर यीशु की गवै सुनौण को काम करदिन।

गढवली नयो नियम

¹⁷ यांका बाद, अजगर वीं जनन पर भौत गुस्सा हवे। इलै वेल जनन का वंशजों का विरुद्ध लड़ै की घोषणा कैरी दींनि। मतलब की ऊं लुखुं का विरुद्ध जु पिता परमेश्वर की आज्ञाओं तैं मणदींनि अर यीशु का द्वारा सिखै गै सच्ची शिक्षाओं कु पीछा कन मा मजबूत बणयां रौन्दींनि

दिब्य दरस 12:17 Referans Kwoze

दिब्य दरस 14:12

अर जु लोग यीशु पर बिस्वास रखदिन अर परमेस्वर की आज्ञा को पालन करदिन, इन्द्रया बगत मा परमेस्वर का ऊं पवित्र लोगु तैं सबर रखण की जरुरत च।

दिब्य दरस 19:10

तब मि स्वर्गदूत की भक्‍ति करणु खुणि वेका खुटों मा पोड़ि ग्यों। मगर वेन मिकू बोलि, “यूहन्‍ना इन नि कैर, बल्किन मा केवल परमेस्वर की ही भक्‍ति कैर, किलैकि मि भि तेरा अर तेरी ही तरौं बिस्वासी भै-बैंणो का जन एक सेवक छौं, जौन यीशु का बारा मा गवै देण को काम कैरी। मि त केवल परमेस्वर को रैबार देण वळु छौं, अर तुम लोग यीशु की गवै पर बिस्वास करद्‍यां अर हम सब वेका सेवक छां।”

दिब्य दरस 11:7

अर जब वु दुई गवा अपणी गवै देण का काम तैं पूरु कैरी द्‍याला, तब एक दैंत अधलोक बटि भैर निकळ्‍ळु अर ऊं दुई गवाओ का दगड़ा मा युद्ध करलु, अर ऊं पर जीत हासिल कैरिके ऊंतैं जान से मारी द्‍यालु।

दिब्य दरस 6:9

अर जब मेम्‍ना न पांचु मोर खोली, त मिन वेदी का मूड़ी कत्ल होयां लोगु की आत्माओं तैं देखि, जु कि परमेस्वर का वचन पर चलण की वजै से अर गवै देण कि वजै से मरे गै छा।

दिब्य दरस 1:2

अर मिन पिता परमेस्वर का वचन अर यीशु मसीह का बारा मा जु कुछ भि देखि, ऊं सब बातों की गवै देन्दु।

दिब्य दरस 13:7

अर वेतैं इन इजाजत दिये गै कि उ बिस्वासी लोगु का दगड़ा मा युद्ध कैरो अर ऊं पर जीत हासिल कैरो, अर हरेक गोत्र, जाति, अर भाषा अर देस-देस का लोगु पर वेतैं अधिकार दिये गै।

यूहन्ना 8:44

अर तुम अपणा बुबा शैतान की तरफा बटि छाँ अर वेकी मनसा तैं पूरि करण चान्दा छाँ। उ त पैलि बटि हत्यारू च अर सच्‍चै पर नि टिक्यूं रौन्दु, किलैकि सच्‍चै वेमा छैई नि च। अर जब उ झूठ्‍ठ बुल्दु, त अपणा ही सभौ बटि बुल्दु। किलैकि उ त झूठ्‍ठु च, बल्किन मा झूठ्‍ठों को बुबा च।

दिब्य दरस 17:14

अर यू यीशु का खिलाप मा युद्ध करला, मगर यीशु जु कि मेम्‍ना च ऊं पर जीत हासिल करलु, किलैकि उ मेम्‍ना प्रभुओं को प्रभु अर राजाओं को राजा च। अर जौं लोगु तैं वेन बुलै के चुणी वु सब बिस्वासी लोग भि जु कि भरोसामन्द छिन मेम्‍ना का दगड़ा मा जीत हासिल करला।”

दिब्य दरस 1:9

मि तुमरो भै यूहन्‍ना छौं, अर मि प्रभु यीशु मसीह खुणि दुख झिलण मा, राज्य अर सबर रखण मा तुमरो साझेदार भि छौं। अर मि यीशु मसीह की गवै देन्दु अर पिता परमेस्वर का वचन का बारा मा बतौन्दु, इलै मितैं जबरन पतमुस नौ का टापू पर भिजे गै।

1 यूहन्ना 5:10

अर जु मनखि परमेस्वर का पुत्र यीशु पर बिस्वास करदु, वेन अपणा दिल मा वीं गवै तैं स्वीकार कैरियाली। अर जु मनखि परमेस्वर पर बिस्वास नि करदु वेन वेतैं झूठ्‍ठु ठैरैयालि, किलैकि वेन परमेस्वर की वीं गवै पर बिस्वास नि कैरी ज्वा वेन अपणा पुत्र का बारा मा दे छै।

1 यूहन्ना 5:2

अर जब हम परमेस्वर बटि प्यार करद्‍यां, अर वेकी आज्ञाओं को पालन करद्‍यां, तब यां से इन पता चलदु कि हम वेकी औलादों से भि प्यार करद्‍यां।

1 यूहन्ना 2:3

अर अगर जु हम वेकी आज्ञाओं को पालन करद्‍यां, त यां से इन पता चलदु कि हमुन पिता परमेस्वर तैं जाण्यालि।

दिब्य दरस 22:14

धन्य छिन ऊ, जौन अपणा कपड़ा धुईन, अब ऊंका पास जीवन का डाळा को फल खाणु को अर गेट से नया यरूशलेम नगर मा दाखिल होण को अधिकार च।

दिब्य दरस 20:4

तब मिन राजगद्‍दी देखि अर ऊं लोग की आत्माओं तैं भि देखि जु कि राजगद्‍दी पर बैठयां छा, जौं का मुण्ड़ यीशु की गवै देण अर परमेस्वर का वचन तैं बतौण की वजै से कटै गै छौ। अर यू वु आत्मा छिन जौं तैं परमेस्वर न न्याय करण को अधिकार दिनी। अर यों न नऽ त दैंत की, अर ना ही वेकी मूरत की पूजा कैरी, अर ना ही अपणा माथा या हाथ पर वेकी मोर लगवै, वु सब ज्यून्दा ह्‍वे गैनी, अर ऊंन राजा बणि के मसीह का दगड़ा मा एक हजार साल तक राज कैरी।

दिब्य दरस 19:19

फिर मिन दैंत अर धरती का राजाओं अर ऊंकी पलटणो तैं देखि, जु कि सफेद घोड़ा पर सवार अर वेकी पलटण का खिलाप मा युद्ध करणु खुणि जमा होयां छा।

दिब्य दरस 18:20

अर येका बाद मिन इन सुणी कि, हे स्वर्ग खुशी मणौ। हे परमेस्वर का रैबर्यों, बिस्वासी भै-बैंणो अर वेका खास चेलों खुशी मणा, किलैकि जै नगर का लोगु न तुमतै सतै छौ परमेस्वर न ऊंतैं दण्ड देके तुमरो बदला ऊं से लियाली।

दिब्य दरस 17:6

अर मिन देखि कि वा जनानि बिस्वासी लोगु को अर यीशु की गवै देण वळो को ल्वे पी के नसा मा धुत होईं च। अर यू देखि के मि भौत हैरान ह्‍वे ग्यों।

1 कुरिन्थि 2:1

हे मेरा भै-बैंणो, जब मि पैलि बार तुमरा पास ऐ छौ, त पिता परमेस्वर की योजना का मुताबिक मिन वेका राज्य की बात तुमतै अपणा ज्ञान अर चालाकी से नि बतै।

1 पतरस 5:8

चौकस अर बिज्यां रा, किलैकि तुमरो बैरी शैतान डुकरताळ मरण वळा शेर का जन च, जु कि इन ताक मा रौन्दु कि कब कैतैं फाड़ी के खै द्‍यो।

मत्ती 28:20

अर जु आज्ञा मिन तुमतै दिनी, ऊं सब बातों को पालन करण लोगु तैं सीखा, अर याद रखा मि ईं दुनियां का अन्त तक सदनि तुमरा दगड़ा मा छौं।”

दिब्य दरस 12:16

मगर धरती न वीं जनानि की मदद कैरी, अर अपणु गिच्‍चु खोली के वीं गाड तैं पी दिनी, ज्वा गाड खुंखार रागस न अपणा गिच्‍चा बटि निकाळि छै।