दिब्य दरस 1:7 - Garhwali

⁷ देखा, यीशु बादळों का दगड़ा-दगड़ि औण वळु च, अर हरेक आंख वेतैं दिखली, अर ऊ भि वेतैं दिखला जौन वेतैं मारी छौ। अर धरती मा जथगा भि गोत्र का लोग छिन, ऊ सभ्या का सभि अपणी-अपणी छति भटकाला। हाँ, यू ही सच्‍च च। आमीन।

गढवली नयो नियम

⁷ सूंणा, उ बादलों का दगड़ी आंण वलो च; अर हर एक आदिम वे तैं दिखलो, इख तक कि जैल मसीह तैं भाला ल छेदी छो उ भि मसीह तैं आंद दिखला, अर धरती का सभि लोग ऊंची आवाज मा रवाला जब उ मसीह तैं दिखला। हाँ, इन ही होलो! आमीन।

दिब्य दरस 1:7 Referans Kwoze

मत्ती 24:30

अर मनखि का पुत्र को औण को चिन्‍न आसमान मा दिख्यालु, तब धरती का सब जाति का लोग भौत दुखी ह्‍वेके रुंण लगि जाला। अर लोग मनखि का पुत्र तैं बादळों मा अपणी बड़ी ताकत अर बड़ा आदर-सम्मान का साथ मा औन्द दिखला।

मरकुस 14:62

तब यीशु न बोलि, “मि छौं, तुम लोग मनखि का पुत्र तैं बड़ा आदर का साथ ताकतबर परमेस्वर की दैंणी तरफा बैठयूं, अर आसमान मा बादळों पर औन्द दिखल्या।”

लूका 21:27

तब वु लोग मनखि का पुत्र तैं बादळु मा अपणी बड़ी ताकत अर बड़ा आदर-सम्मान का साथ मा औन्द दिखला।

1 थिस्सलुनीकी 4:17

तब वेका बाद जु हम वे बगत पर ज्यून्दा अर बच्यां रौला, त ऊंका दगड़ा मा बादळु मा मथि उठये जौला, ताकि प्रभु बटि हम आसमान मा मिली सैका अर तब सदनि खुणि हम प्रभु का दगड़ा मा रौला।

1 थिस्सलुनीकी 1:10

अर वु इन भि बतौन्दिन, कि तुम परमेस्वर का पुत्र को इंतजार बड़ी आस लगै के कना छां, जु की स्वर्ग बटि औण वळु च याने कि यीशु, जैतैं परमेस्वर न मुरदो मा बटि ज्यून्दु कैरी, अर उई न्याय का दिन पर हमतै औण वळा परकोप से बचालु।

मरकुस 13:26

तब लोग मनखि का पुत्र तैं बादळों मा बड़ी ताकत अर बड़ा आदर-सम्मान का साथ मा वापस औन्द दिखला।

यहूदा 1:14

अर पितर आदम की सातवीं पीढ़ी मा जनम्यां पितर हनोक न भि, इन भविष्यबाणी कैरिके बोलि छौ कि, “देखा, प्रभु अपणा बिजांम पवित्र स्वर्गदूतों का दगड़ा मा औणु च,

मत्ती 26:64

अर यीशु न बोलि, “तुमुन अफि बोलियालि। फिर भि मि तुम लोगु बटि बोन्‍नु छौं, अब बटि तुम मनखि का पुत्र तैं सबसे महान परमेस्वर की दैंणी तरफा बैठयूं, अर आसमान मा बादळों पर औन्द दिखल्या।”

दिब्य दरस 22:20

अर यीशु जु कि यों सब बातों की गवै देन्दु उ इन बुल्दु, “हाँ, मि जल्द औण वळु छौं।” हे मेरा प्रभु यीशु, जल्द अऽ। आमीन।

1 यूहन्ना 3:2

हे मेरा प्यारा लोगु, अब हम परमेस्वर की औलाद छां, अर औण वळा बगत मा क्या जि होला वेका बारा मा परगट नि किये गै। मगर हम त बस इथगा ही जणद्‍यां, कि जब यीशु मसीह परगट होलु त हम भि वेका जन बणि जौला, किलैकि हम वेतैं ठिक उन्‍नि दिखुला जन उ छैई च।

इब्रानी 10:29

त फिर सोचा ऊं लोगु कि सजा कथगा खतरनाक होलि जौन परमेस्वर का पुत्र को अपमान कैरी, अर करार का वे ल्वे तैं सुद्‍दी समझि जैका द्‍वारा ऊंतैं पवित्र किये गै छौ। अर ऊंन पवित्र आत्मा से मिलण वळी किरपा को आदर नि कैरी, बल्किन मा बेजती कैरी।

यूहन्ना 19:34

तब एक सिपै न वेकी पंणकोखि पर भाले की मारी, अर तुरन्त उख बटि ल्वे अर पाणि निकळण लगि गै।

दिब्य दरस 22:4

अर वु परमेस्वर तैं अपणा समणि दिखला अर वेको नौ ऊंका माथा पर लिख्यूं होलु।

मत्ती 16:27

किलैकि मनखि को पुत्र अपणा स्वर्गदूतों का दगड़ा अर अपणा पिता की सामर्थ मा वापस औण वळु च, अर वे बगत ‘उ हरेक मनखि तैं वेका कामों का मुताबिक बदला मा ऊंतैं द्‍यालु।’

मत्ती 16:28

मि तुम बटि सच्‍च बोन्‍नु छौं कि जथगा लोग इख खड़ा छिन, ऊंमा बटि कुछ इन्द्रया भि छिन, जु कि तब तक नि मुरला जब तक की वु मनखि का पुत्र तैं वेका राज का दगड़ा मा औन्द देखि नि द्‍याला।”

मत्ती 25:31

अर यीशु न ऊंकू बोलि, “जब मनखि को पुत्र अपणी पूरि सामर्थ का दगड़ा मा आलु अर सब स्वर्गदूत वेका दगड़ा होला। तब उ बड़ा आदर-सम्मान की राजगद्‍दी पर बैठलु,