Biblia Todo Logo
Bib sou entènèt

- Piblisite -




फिलिप्पी 4:7 - Garhwali

7 तब परमेस्वर की तरफा बटि मिलण वळी शान्ति ज्वा कि मनखियों की समझ से भैर च, यीशु मसीह का द्‍वारा तुमरा मन अर विचारों की हिफाजत करली।

Gade chapit la Kopi

गढवली नयो नियम

7 तब पिता परमेश्वर कि शान्ति, ज्वा मनिख का सैरी समझ बट्टी भैर च, तुमारा ह्रदय अर तुमारा विचारों तैं मसीह यीशु मा सम्भालि के रखली।

Gade chapit la Kopi




फिलिप्पी 4:7
43 Referans Kwoze  

“अर मि तुमतै शान्ति दिये जान्दु, अपणी शान्ति मि तुमतै देणु छौं। अर जन दुनियां तुमतै देन्दी, उन्दरि शान्ति मि तुमतै नि देन्दु। इलै तुम नि डौऽरा अर ना ही घबरा।


अब हम इन प्रार्थना करद्‍यां, कि शान्ति देण वळु प्रभु हरेक बात मा तुमतै शान्ति द्‍यो अर तुमरा दगड़ा मा रौ।


अर यीशु मसीह की शान्ति तैं अपणा दिलों मा काम करण द्‍या, किलैकि ईं शान्ति खुणि ही वेन तुमतै बुलै, ताकि सभ्या का सभि एक बदन ह्‍वे जा। अर हरेक बात मा वेको धन्यवाद द्‍या।


पर पवित्र आत्मा को हमरा जीवन मा होण से इन गुण परगट होला जन कि, एक-दुसरा से प्यार करण, खुशी से रौण, शान्ति को जीवन, अर सबर रखण, दुसरो पर दया करण, भलै का काम करण, इमानदार रौण,


अर मेरी प्रार्थना च कि परमेस्वर जु की आसा देण वळु च, तुमरा बिस्वास करण की वजै से तुमतै पूरि खुशी अर शान्ति से भरपूर कैरी द्‍यो, ताकि पवित्र आत्मा की ताकत से तुमरि आस वे पर बणि रौ।


अर यों बातों तैं मिन तुम मा इलै बोलि, ताकि मि मा बणयूं रै के तुमतै शान्ति मिलु। ईं दुनियां मा त तुम पर मुसीबतों न औण, पर तुम हिम्मत रखा किलैकि ईं दुनियां तैं मिन जीतयाली।”


अब जु लोग केवल अपणा सरील की मनसा तैं पूरि करण मा लग्यां रौनदिन, ऊंन मुरण च मगर जु लोग पवित्र आत्मा की मनसा का मुताबिक चलदिन, ऊ ज्यून्दा राला अर एक नयू जीवन पाला अर ऊंतैं अपणा जीवन मा शान्ति मिलली।


इलै, जब हम बिस्वास करण की वजै से धरमी ठैरैये ग्यां, त चला, अब हम अपणा प्रभु यीशु मसीह का द्‍वारा पिता परमेस्वर का दगड़ा मा मेल-जोल को रिश्ता बणा।


अर मि इन चान्दु, कि तुम लोग मसीह का वे प्यार तैं जाणि सैका, जु कि मनखि की सोच-समझ से भैर च, अर पूरि हद तक तुम मा पिता परमेस्वर का गुण ऐ जा।


किलैकि पिता परमेस्वर का राज को मतलब खाण-पीण नि च, बल्किन मा वेकी नजर मा धरमी जीवन जीण से च। अर वेकी पवित्र आत्मा का द्‍वारा भलै करण, शान्ति से रौण, अर बड़ी खुशी से अपणु जीवन जीण से च।


आसिया मुलक मा रौण वळा सात बिस्वासी समुदाय का नौ खुणि इन लिख कि: वे पिता परमेस्वर की तरफा बटि जु कि पैलि बटि छौ, आज भि च अर उई च जु कि औण वळु च, अर ऊं सात आत्माओं की तरफा बटि जु कि वेकी राजगद्‍दी का समणि छिन, तुम पर ऊंकी किरपा अर दया होणी रौ।


ताकि जु कुई अन्धेरा अर मौत का छैल मा जीणा छिन, ऊंतैं उ उज्याळु द्‍यो, अर हमतै शान्ति का बाटा पर चललु।”


हे मेरा भै-बैंणो, अब मि आखिरी मा तुमकु इन बोन्‍न चान्दु कि तुम खुश रा, अर अपणा-अपणा चाल-चलन मा हरेक दिन सुधार ला, अर जु-जु काम करणु कू मिन तुमकु बोलि ऊंतैं पूरु कैरा। अर एक-दुसरे की बात तैं स्वीकार कैरा अर एकजुट ह्‍वेके रा, अर एक-दुसरा का दगड़ा मा शान्ति से रा। अर पिता परमेस्वर तुमतै एक-दुसरा का दगड़ा प्यार करण मा, अर शान्ति से जीवन जीण मा पूरि मदद करलु।


“स्वर्ग मा परमेस्वर की बडै हो, अर धरती पर जौं बटि परमेस्वर खुश च, ऊं लोगु तैं शान्ति मिलु।”


अर जु बात तुमुन मि बटि सिखी के स्वीकार करिनी, अर जु बात तुमुन मि बटि सुणिनी या मि मा दिखिनी, ऊं ही बातों को पालन कना रा, तब शान्ति देण वळु परमेस्वर तुमरा दगड़ा मा रालु।


हे मेरा भै-बैंणो, या चिठ्‍ठी रोम नगर मा रौण वळा सब बिस्वासी लोगु खुणि च, जु कि हमरा पिता परमेस्वर तैं भौत प्यारा छिन अर वेका द्‍वारा पवित्र होण खुणि चुण्यां छिन। अर हम इन प्रार्थना करद्‍यां कि हमरा पिता परमेस्वर अर प्रभु यीशु मसीह की तरफा बटि तुमतै वेकी किरपा अर शान्ति मिलदी रौ।


हे मेरा भै-बैंणो, प्रभु यीशु हम खुणि एक चरवाह का जन च, अर उ हम खुणि बलिदान ह्‍वे गै, मगर परमेस्वर न वेतैं मुरदो मा बटि ज्यून्द कैरी अर इन कैरिके वेका ल्वे का द्‍वारा वु करार पूरु कैरी जु कि सदनि तक रौण वळु च। अर मि इन प्रार्थना करदु कि पिता परमेस्वर अपणी शान्ति तुमतै द्‍यो, अर तुमरि हरेक जरुरत तैं पूरु कैरो। अर मि इन भि प्रार्थना करदु कि तुम पिता परमेस्वर की इच्छा तैं जाणि जा, अर यीशु मसीह तुमरा जीवनों मा वु काम कैरो ज्यां से कि परमेस्वर खुश होन्दु, हमरा प्रभु परमेस्वर की बडै सदनि तक होणी रौ। आमीन।


“कन्दूड़ खोली के सुणी ल्या अर ईं बात तैं समझा कि पवित्र आत्मा बिस्वासी समुदाय का लोगु खुणि क्या च बोन्‍नु, जु जीत हासिल करलु, वेतैं मि वु खाणुक द्‍यूलु जु कि सदनि को जीवन देन्दु, अर एक सफेद ढुंगो भि द्‍यूलु जै पर एक नयू नौ लिख्यूं होलु, अर वेका अलावा वे नौ का बारा मा कैतैं भि पता नि होलु।”


हे मेरा भै-बैंणो मि यहूदा छौं, अर मि यीशु मसीह को सेवक अर याकूब को भै छौं। मि या चिठ्‍ठी तुम लोगु खुणि लिखणु छौं जौं तैं पिता परमेस्वर न बुलै, किलैकि पिता परमेस्वर तुम लोगु से भौत प्यार करदु। अर वेन तुम सभ्यों तैं यीशु मसीह की हिफाजत मा रख्युं च।


अर हम इन प्रार्थना करद्‍यां कि, हमरा पिता परमेस्वर अर प्रभु यीशु मसीह की तरफा बटि वेकी किरपा अर शान्ति तुमतै मिलदी रौ।


अर मि तुमतै बतै देन्दु कि बिस्वासी लोगु तैं धोखा देण खुणि जौं बातों को इस्तेमाल वु लोग करदिन, वु पूरि तरौं से गळत छिन। अर जब वु अपणी बातों का द्‍वारा परमेस्वर का ज्ञान को विरोध करदिन, तब हम ऊंका विचारों को नास परमेस्वर का वचन का द्‍वारा करद्‍यां। अर ऊंकी सोच तैं बदलि के उन्‍नि बणौन्द्‍यां जन यीशु मसीह चान्दु।


हे मेरा भै-बैंणो, मि पौलुस छौं अर मेरा दगड़ा मा तीमुथियुस भै च अर हम दुईया का दुई यीशु मसीह का सेवक छां। अर मि या चिठ्‍ठी यीशु मसीह पर बिस्वास करण वळा ऊं सब पवित्र लोगु खुणि लिखणु छौं, जु कि फिलिप्पी नगर मा रौनदिन अर बिस्वासी समुदाय का अध्यक्ष, अर सेवा का काम मा मदद करण वळा छिन।


मि इन प्रार्थना करदु, कि पिता परमेस्वर तुमरि हरेक जरुरत तैं यीशु मसीह की बेशुमार दौलत मा बटि पूरु कैरो।


हरेक पवित्र बिस्वासी भै-बैंण तैं जु की यीशु मसीह का छिन, ऊं सभ्यों कू मेरु सलाम बोला। अर मेरा दगड़्यों की तरफा बटि भि तुमतै सलाम।


Swiv nou:

Piblisite


Piblisite