फिलिप्पी 4:17 - Garhwali

¹⁷ अर मेरु मकसद इन नि छौ कि मि सेवा का काम मा तुम बटि मदद ल्यूं, मगर मि त सिरफ इथगा ही चान्दु कि येका बदला मा तुमरा जीवनों मा परमेस्वर तुमतै इनाम द्‍यो।

गढवली नयो नियम

¹⁷ मिल यु इलै नि लिखीं कि मि दान चांणु छौं, पर मि चांदु छों कि यु तैं ऊं अच्छी चीजों की सूची मा शामिल करे जौं, जु तुम ल पैली ही बट्टी कैरेले अर जै कु पिता परमेश्वर तुम तैं ईनाम दयालो

फिलिप्पी 4:17 Referans Kwoze

तीतुस 3:14

अर सब बिस्वासी लोग भलै का काम करण सीखा, ताकि ऊ एक-दुसरे की भौत सि जरुरतों तैं पूरु कैरी सैका, तब ऊंका जीवन का द्‍वारा दुसरा लोगु तैं फैदा मिललु।

इब्रानी 6:10

अर जै तरीके से तुमुन परमेस्वर का लोगु की सेवा कैरी अर अभि भि कना छाँ, वां से इन साबित होन्दु कि तुम पिता परमेस्वर से कथगा प्यार करद्‍यां, अर उ यों बातों तैं नि बिसरलु, किलैकि उ कै का दगड़ा मा अन्यो नि करदु।

यूहन्ना 15:8

अर अगर जु तुम मा बिजांम फल लगदिन, त यां से मेरा पिता को भौत आदर-सम्मान होलु। तब तुम साबित कैरी दिल्या की तुम मेरा चेला छाँ।

1 पतरस 5:2

जु दल पिता परमेस्वर न तुमरा हाथों मा सौप्युं च, वेकी देख-रेख अच्छी तरौं से कैरा। अर दल की देख-रेख कैं मजबूरी मा ना, बल्किन मा पिता परमेस्वर की मनसा का मुताबिक कैरा। अर सेवा को यू काम तुम कै लालच खुणि ना, बल्किन मा मन लगै के कैरा।

तीतुस 1:7

किलैकि कै भि देख-रेख करण वळा तैं परमेस्वर का कर्ता-धर्ता होण खुणि निरदोष होण चयेणु। अर उ अडियल नि हो, नऽ त गुस्सा करण वळु, अर ना दरोळया, अर ना ही झगड़ा करण वळु, अर वेतैं गळत कमै को लालच करण वळु नि होण चयेणु,

फिलिप्पी 4:11

अर या बात मि इलै नि बोन्‍नु छौं कि मितैं कैं चीज की जरुरत च, पर यू त मि इलै बोन्‍नु छौं किलैकि मिन हर हालत मा सन्तुष्‍ट होण सिख्यालि।

1 थिस्सलुनीकी 2:5

अर तुम जणदा छाँ, कि हमुन कभि भि तुमतै खुश करणु खुणि तुमरि चापलूसी नि कैरी, अर ना ही लालच कैरिके तुमरा समणि बहाना मरनि। अर यों सब बातों को गवा परमेस्वर च।

2 कुरिन्थि 9:5

इलै मिन यू जरुरी समझि, कि पैलि मि तीतुस अर वेका दगड़ा मा दुई और भैयों तैं तुमरा पास भेजूँ, ताकि वु ऐके तुम बटि मिला। अर तुमरा दगड़ा मा मिली के वु दान तैं इकट्‍ठा करण मा तुमरि मदद कैरा, जैको करार तुमुन पैलि हमरा दगड़ा मा कैरी छौ। अर जब सब कुछ पैलि बटि तयार रालु, त हमरा पौंछण पर मेरा दगड़ा मा अयां बिस्वासी लोग दिखला कि तुमुन सच्‍चि मा मदद खुणि दान दियूं च, अर या खुणि कैन भि तुमतै मजबूर नि कैरी।

रोमियों 15:28

इलै जब मि ये काम तैं पूरु कैरी द्‍यूलु, याने कि जब मि वे दान तैं यरूशलेम नगर का बिस्वासी लोगु का हाथों मा सौंपी द्‍यूलु, तब मि तुमरा पास औलु अर वेका बाद मिन स्पेन देस कू चलि जाण।

यूहन्ना 15:16

अर तुम न मितैं नि चुणी, बल्किन मिन तुमतै चुणी के ठैरैयालि ताकि तुम जा अर सफल ह्‍वे जा, अर तुमरो सफल होण बणयूं रौ अर जु कुछ भि तुम मेरा नौ से पिता बटि मंगिल्या, उ सब पिता तुमतै द्‍यालु।

2 कुरिन्थि 11:16

हे मेरा भै-बैंणो, मि फिर बोन्‍नु छौं कि कुई यू नि सोचो कि मि मूरख छौं, अगर तुम भि इन्‍नि सोचद्‍यां त मूरख समझि के ही मितैं बरदास कैरी ल्या, ताकि मि जरा बड़ु मोन कैरी सैकु।

यहूदा 1:11

अर हाय च यों लोगु खुणि, किलैकि यू कैन का बाटा पर चलण लगि गैनी, जैन अपणा ही भै तैं मारी दिनी। अर रुपयों का लालच मा बिलाम की तरौं धोखा देन्दिन, अर कोरह का जन बगाबत कैरिके नास ह्‍वे गैनी।

2 पतरस 2:3

अर अपणा लालच का खातिर वु झूठ्‍ठा लोग अपणी झूठ्‍ठी बातों का द्‍वारा तुम बटि पैसा कमौला। मगर परमेस्वर न ऊंतैं भौत पैलि ही दोषी ठैरैयालि, अर अब ऊंको नास होण मा देर नि होलि।

1 तीमुथियुस 3:3

अर उ सराबी ना हो, अर ना ही मार-पीट करण वळु, पर वेतैं शान्त सभौ को होण चयेणु, अर नऽ त उ झगड़ा करण वळु हो, अर ना ही धन को लालच करण वळु।

फिलिप्पी 1:11

अर यीशु मसीह का द्‍वारा परमेस्वर की नजर मा धरमी जीवन जीणु खुणि हर गुण से भरपूर ह्‍वे जा, ताकि तुमरा जीवनों का द्‍वारा परमेस्वर की बडै अर तारीफ हो।

2 पतरस 2:15

यू लोग अब सीदा बाटा तैं छोड़ि के भटकी गैनी। यू लोग बओर का नौना बिलाम का जन काम कना छिन, बिलाम जैन बुरै की कमै तैं खूब माणी छौ।

1 तीमुथियुस 6:10

किलैकि पैसौं को लालच सब बुरै की जड़ च, अर येतैं कमाण खुणि कुछ लोग बिस्वास का बाटा बटि भटकी गैनी, अर अफ पर बन्‍नि-बन्‍नि किसमो का दुखों तैं लेके ऐनी।