फिलिप्पी 3:8 - Garhwali

⁸ अर इथगा ही ना बल्किन मा मि त प्रभु यीशु तैं पछ्याणदु छौं, अर या बात ही मि खुणि सबसे जादा फैदा की च, अर वेतैं पछ्यणन को जु ज्ञान मितैं मिली वेकी वजै से मि यों सब बातों तैं कूड़ा समझदु, अर इन मि इलै समझदु ताकि मि यीशु मसीह तैं पै सैकु अर वेका दगड़ा मा एक ह्‍वे जौ।

गढवली नयो नियम

⁸ पर यां बट्टी बड़ी के मि अपड़ा प्रभु यीशु मसीह कि पैछांणै कि महानता का बानौ सब बातों तैं बेकार समझदु। जैका बानौ मिल सभि चीजों तैं छोड़ी दींनि, अर ऊं तैं खौड़ कटग्यार समझुदु, जन कै मि यीशु मसीह की आज्ञा कु पालन कैर साको।

फिलिप्पी 3:8 Referans Kwoze

रोमियों 8:18

हे मेरा दगड़्यों, मि इन समझदु की आज का ये बगत मा जु दुख-तकलीफ हम झिलणा छां, यू सब कुछ वे आदर-सम्मान का समणि कुछ भि नि च, जु कि हम पर परगट किये जालु।

खास चेलों 20:24

मगर मितैं अपणी जान की भि कुई परवा नि च, ताकि जै काम की शुरुवात मिन कैरी अर जु काम प्रभु यीशु न मि मा सौंपी वेतैं मि पूरु कैरुं, याने कि मि परमेस्वर की किरपा को शुभ समाचार लोगु तैं बतै सैकु।

फिलिप्पी 3:7

पर फिर भि यू सब बात जु कि मेरा फैदे की छै, यों सब बातों तैं अब मि यीशु मसीह की वजै से खुद खुणि नुकसान की समझदु।

यूहन्ना 17:3

अर वु सदनि को जीवन यू च, कि तुम ही एकमात्र सच्‍चा परमेस्वर छाँ, अर तुमतै ऊ सभि पछ्याणी जा अर इन भि जाणि जा, कि मि यीशु मसीह तैं तुमुन ही भेजि।

फिलिप्पी 3:10

अर मि बस इथगा ही चान्दु छौं, कि मि यीशु मसीह तैं अर वेका मुरदो मा बटि ज्यून्द होण की ताकत तैं जाणि सैकु। अर जु दुख अर मौत वेन सै वेमा मि भि भागी ह्‍वे सैकु,

2 पतरस 1:3

हे मेरा दगड़्यों, पिता परमेस्वर न अपणी ताकत से हमतै उ सब कुछ दिनी, जु कि हमतै पवित्र जीवन जीणु खुणि जरुरी च। अर यू सब कुछ हमतै तब मिली जब हमुन यीशु मसीह तैं स्वीकार कैरी, जैन हमतै अपणा अदभुत आदर-सम्मान, अर अपणी महान अच्छे मा अपणा पास बुलै।

1 कुरिन्थि 2:2

किलैकि जब मि तुमरा दगड़ा मा छौ, त मिन इन ठाणियालि छौ कि यीशु मसीह अर वेको क्रूस पर चड़ये जाण तैं छोड़ि के, और कैं दुसरि बात मा तुमरो ध्यान तैं नि जाण द्‍यूं।

1 यूहन्ना 5:20

अर हमतै पता च कि परमेस्वर को पुत्र ईं दुनियां मा ऐ, अर वेन हमतै सच्‍चा परमेस्वर तैं पछ्यणनै की समझ दिनी। अर अब हम सच्‍चा परमेस्वर का दगड़ा मा रौन्द्‍यां, किलैकि हम वेका पुत्र यीशु मसीह मा बणयां रौन्द्‍यां। अर उई सच्‍चु परमेस्वर अर सदनि को जीवन च।

यूहन्ना 17:8

किलैकि जु वचन तुमुन मितैं देई वु मिन ऊंतैं बतैयालि, अर ऊंन वेतैं स्वीकार कैरी। अर ऊ सच्‍चि मा ईं बात तैं जाणि गैनी, कि मि तुमरि तरफा बटि अयूं छौं, अर ऊ बिस्वास भि करदिन कि मितैं तुमुन ही भेजि।

यूहन्ना 14:20

फिर वे दिन तुम जणिल्या, कि मि अपणा पिता मा छौं, अर तुम मि मा, अर मि तुम मा छौं।

इब्रानी 3:14

हे मेरा दगड़्यों, हम सभ्या का सभि यीशु मसीह का दगड़ा मा हिस्सेदार छां, इलै हमतै आखिरी तक अपणा बिस्वास तैं मजबूत बणै के रखण चयेणु, ठिक उन्‍नि जन हमुन शुरुवात मा रखी छौ।

2 कुरिन्थि 4:6

इलै पिता परमेस्वर ही च जैन इन बोलि कि, “ये अन्धेरा मा उज्याळु हो।” अर उई च जैन हमरा अन्धेरा मनों मा जीवन को उज्याळा तैं चमकै, ताकि जु लोग अन्धेरा मा छिन हम ऊंतैं वे जीवन का उज्याळा का बारा मा बतै सैका। अर परमेस्वर का ज्ञान को यू उज्याळु यीशु मसीह का द्‍वारा चमकदु।

यूहन्ना 14:7

अगर तुम मितैं पछ्याण जान्दा, त मेरा पिता तैं भि पछ्याण्दा, पर अब तुम वेतैं पछ्याण्दा छाँ अर तुमुन भि वेतैं देखियाली।”

इफिसुस 4:13

अर जबरि तक हम सभ्या का सभि बिस्वास अर परमेस्वर का पुत्र यीशु की पछ्याण मा एक नि ह्‍वे जा, अर पूरि तरौं से एक सिद्ध मनखि नि बणि जां, तबरि तक अगनै बढदी जा ताकि हम यीशु की पूरि कद-काठी का जन ह्‍वे सैका।

2 पतरस 3:18

इलै तुम हमरा प्रभु अर बचौण वळा यीशु मसीह की दया अर वेका ज्ञान मा बढदी जा, अर वेको आदर-सम्मान अब बटि लेके हमेसा-हमेसा तक होन्दी रौ। आमीन।

1 यूहन्ना 1:3

अर जैका बारा मा हम तुमतै बतौणा छां उ यीशु मसीह च जैतैं हमुन देखि अर सुणी च, ताकि तुम लोग भि हमरा दगड़ा मा साझेदार बणि जा। अर हमरि या साझेदारी पिता परमेस्वर का दगड़ा मा अर वेका पुत्र प्रभु यीशु मसीह का दगड़ा मा च।

2 तीमुथियुस 4:6

अर जख तक मेरी बात च, त या बात मि इलै बोन्‍नु छौं, किलैकि अब मेरा जीवन तैं अरपण करण को बगत याने की अब ईं दुनियां बटि विदै लेण को बगत ऐ गै।

यूहन्ना 20:28

तब थोमा न वेकू बोलि, “मेरा प्रभु, मेरा परमेस्वर।”

यूहन्ना 16:3

अर इन ऊ लोग इलै करला, किलैकि ऊंन नऽ त पिता तैं पछ्याणी अर ना ही मितैं।

1 यूहन्ना 2:19

असल मा यू लोग हमरा बीच मा बटि ही निकळि के ही ऐनी, मगर वु हमरा अपणा लोग नि छिन किलैकि अगर जु वु हमरा अपणा लोग होन्दा त वु हम दगड़ा मा रौन्दा। मगर ऊंन त हमतै छोड़याली, अर ऊंको इन करण से यू साबित ह्‍वे गै, कि ऊ हमरा अपणा लोग नि छिन।

1 पतरस 2:7

इलै तुम लोग जु कि यीशु मसीह पर बिस्वास करद्‍यां, तुम खुणि वु एक भौत कीमती ढुंगा का जन च, पर जु लोग बिस्वास नि करदिन ऊं खुणि वु एक साधारण ढुंगा का जन च, जैका बारा मा इन लिख्यूं च कि, “जै ढुंगा तैं मिस्‍त्रियों न फुंन ढोळि छौ, उई कुणों को खास ढुंगो बणि गै,”

गलातियों 1:16

वु अपणा पुत्र तैं मि पर परगट कैरो, ताकि मि वेका पुत्र यीशु मसीह को परचार ऊं लोगु का बीच मा जैके कैरुं जु यहूदी जाति का नि छिन। अर जब मेरा दगड़ा मा इन ह्‍वे, त मि तुरन्त सला लेणु खुणि कै मनखि का पास नि ग्यों।

2 कुरिन्थि 4:4

अर इन वु इलै बुल्दिन किलैकि ईं दुनियां मा शैतान न बिस्वास नि करण वळा लोगु का दिमाग तैं बन्द कैरियाली। अर वु ऊंतैं शुभ समाचार की महानता तैं स्वीकार करण से रुकदु, किलैकि उ नि चान्दु कि लोग इन जाणा कि यीशु मसीह कथगा महान च अर पिता परमेस्वर को ही रुप च।

1 कुरिन्थि 9:10

अरे इख मा त उ खास कैरिके हम खुणि ही बोन्‍नु च। अर यू हमरा ही खातिर लिखे गै, किलैकि जु मनखि हौळ लगौन्दु अर जु दैं करदु, वु इन उम्मीद करदिन कि हमतै अनाज मिलण।

यूहन्ना 20:13

तब ऊंन वींकू बोलि, “बेटी, तू रुंणी किलै छैई?” तब वींन ऊंकू बोलि, “ऊ लोग मेरा प्रभु तैं उठे के लि गैनी, अर मि नि जणदु कि ऊंन वेतैं कख रख्युं च।”

लूका 11:20

पर अगर जु मि परमेस्वर की सामर्थळ खबेसों तैं निकळदु, त ईं बात तैं सुणिल्या कि परमेस्वर को राज तुमरा नजदीक ऐ गै।

लूका 1:43

मेरा प्रभु की माँ मितैं मिलणु ऐ, यू मि खुणि कथगा सम्मान की बात च।

रोमियों 8:39

अर ना ही कुई गैरी जगा, अब चै ईं दुनियां मा कुई भि हो उ हमतै हमरा पिता परमेस्वर का प्यार से, जु की हमरा प्रभु यीशु मसीह का द्‍वारा हम पर परगट ह्‍वे वेसे अलग नि कैरी सकदु।

फिलिप्पी 1:1

हे मेरा भै-बैंणो, मि पौलुस छौं अर मेरा दगड़ा मा तीमुथियुस भै च अर हम दुईया का दुई यीशु मसीह का सेवक छां। अर मि या चिठ्‍ठी यीशु मसीह पर बिस्वास करण वळा ऊं सब पवित्र लोगु खुणि लिखणु छौं, जु कि फिलिप्पी नगर मा रौनदिन अर बिस्वासी समुदाय का अध्यक्ष, अर सेवा का काम मा मदद करण वळा छिन।

फिलिप्पी 3:12

हे मेरा भै-बैंणो, मि ईं बात को दावा नि करदु, कि मि यों बातों मा सफल ह्‍वे ग्यों, या फिर पैलि बटि ही सिद्ध छौं मगर मि त बस वे इनाम तैं पाणु खुणि मेनत कनु छौं, ज्यां खुणि यीशु मसीह न मितैं पैलि बटि ही चुण्यूं च।

2 पतरस 1:2

अर मि इन प्रार्थना करदु, कि तुम सभ्या का सभि पिता परमेस्वर अर यीशु मसीह का ज्ञान मा बढदी जा, अर वेकी किरपा अर वेकी शान्ति तुम सभ्यों पर जादा से जादा होणी रौ। आमीन।

2 पतरस 1:8

अर यू वु गुण छिन जौं की तुमतै भौत जरुरत च अर अगर जु यू तुमरा पास भरपूरी से होला, त यू गुण तुमतै हमरा प्रभु यीशु मसीह का ज्ञान मा काम करण वळु अर और भि जादा असरदार बणौन्दिन।