फिलिप्पी 3:20 - Garhwali

²⁰ मगर हम त स्वर्ग का नागरिक छां, जख बटि हम लोगु तैं छुटकारा देण वळा प्रभु यीशु मसीह को वापिस औण को इंतजार बड़ी खुशी से कना छां।

गढवली नयो नियम

²⁰ पर हमारो अपड़ो देश स्वर्ग मा च; अर हम अपड़ा उद्धारकर्ता प्रभु यीशु मसीह कु स्वर्ग बट्टी वापिस औंण की जुगाल कना छा।

फिलिप्पी 3:20 Referans Kwoze

इफिसुस 2:19

इलै अब तुम परदेसी अर मुसाफिर लोग नि छाँ, पर पिता परमेस्वर का चुण्यां पवित्र लोगु का दगड़ा मा हिस्सेदार अर परमेस्वर का घौर का सदस्य छाँ।

2 कुरिन्थि 4:18

इलै हमरि नजर दिखैण वळी चीजों पर नि लगि छिन, बल्किन मा हमरि नजर त ऊं चीजों पर लगीं छिन जु कि दिखैणी नि छिन, किलैकि जु चीज दिखेन्दी छिन वु कुछ देर खुणि ही छिन, मगर जु चीज दिखेन्दी नि छिन ऊ सदनि खुणि बणि रौनदिन।

इब्रानी 12:22

हे मेरा भै-बैंणो, तुम कै इन्दरि जगा पर नि अयां छाँ, बल्किन मा सिय्योन नौ का ढौंडा का पास, ज्यून्द परमेस्वर का नगर याने की स्वर्गीय यरूशलेम का पास अयां छाँ, अर उख इथगा स्वर्गदूत छिन जौं की कुई गिनती नि च, अर वु सब उख आनन्द मणौन्दिन।

कुलुसी 1:5

अर यू सब हम इलै करद्‍यां, किलैकि तुमुन वीं आस का बारा मा सुणी ज्वा की तुमतै एक नई उम्मीद देन्दी, अर वा ही आस तुम खुणि स्वर्ग मा रखी च। अर ईं आस का बारा मा तुमुन बिस्वास करण का बगत मा वे सच्‍चा शुभ समाचार का द्‍वारा सुण्यालि।

इफिसुस 2:6

अर पिता परमेस्वर न ही हमतै यीशु मसीह का दगड़ा मा ज्यून्दु कैरी, अर वेका दगड़ा-दगड़ि हमतै स्वर्ग का राज्य मा बैठे,

2 कुरिन्थि 5:8

इलै ही मि इन बुल्दु कि हम लोग हिम्मत नि छुड़द्‍यां, बल्किन मा हम त ये सरील तैं छोड़ि के प्रभु यीशु का दगड़ा मा रौण चाणा छां।

2 तीमुथियुस 4:8

अर अब जीत को इनाम मि खुणि रख्युं च, अर वु इनाम परमेस्वर की नजर मा धरमी जीवन जीण वळो तैं मिलदु, जु कि स्वर्ग मा च। अर जब हमरु धरमी प्रभु न्याय करणु खुणि आलु, त उ मितैं इनाम का तौर पर जीत को मुकुट द्‍यालु अर सिरफ मितैं ही ना, बल्किन मा ऊं लोगु तैं भि द्‍यालु जु वेका इंतजार बड़ी आस लगै के कना छिन।

1 थिस्सलुनीकी 1:10

अर वु इन भि बतौन्दिन, कि तुम परमेस्वर का पुत्र को इंतजार बड़ी आस लगै के कना छां, जु की स्वर्ग बटि औण वळु च याने कि यीशु, जैतैं परमेस्वर न मुरदो मा बटि ज्यून्दु कैरी, अर उई न्याय का दिन पर हमतै औण वळा परकोप से बचालु।

इब्रानी 9:28

ठिक उन्‍नि यीशु मसीह भि भौत सा लोगु का पापों तैं उठौणु खुणि एक ही बार बलिदान ह्‍वे। पर जब उ फिर से वापस आलु त उ मनखि का पापों तैं माफ करणु खुणि ना, बल्किन मा ऊंतैं छुटकारा देणु खुणि आलु जु कि वेको इंतजार कना छिन।

गलातियों 4:26

मगर दुसरो चिन्‍न अब्राहम की घरवळी सारा च, ज्वा की आजाद छै अर वा हमरि माँ का जन च, किलैकि वा दुसरा करार को उदारण च ज्वा कि आजाद च अर वींका बच्‍चा भि आजाद छिन। अर वा वे यरूशलेम नगर का जन च, जु स्वर्ग बटि औण वळु च।

तीतुस 2:13

अर जब हम वीं धन्य आस का दगड़ा मा, परमेस्वर अर हमतै बचौण वळा यीशु मसीह को बड़ा सम्मान से ईं धरती पर दुबरा वापस औण को इंतजार करद्‍यां, तब ये इंतजार करण का बगत मा भि हमतै यू ही धरमी जीवन जीण चयेणु।

1 कुरिन्थि 1:7

अर अब तुम मा कैं भि आत्मिक दान-बरदान की कमी नि च, किलैकि वेन तुम पर किरपा कैरिके तुमतै सब कुछ दान का रुप मा दियाली। इलै तुम भि हमरा प्रभु यीशु मसीह का वापस औण को इंतजार कना छाँ।

खास चेलों 1:11

अर यों न चेलों कू बोलि, “हे गलीली लोगु, तुम किलै खड़ु ह्‍वेके आसमान जनै टक लगै के दिखणा छाँ? यू ही यीशु जु तुमरा पास बटि स्वर्ग मा उठये गै, ठिक इन्‍नि वेन औण भि च जन तुम वेतैं स्वर्ग मा जान्द दिखणा छाँ।”

मत्ती 19:21

यीशु न वेकू बोलि, “अगर जु तू हरेक बात मा सिद्ध होण चान्दी त जा, अपणी जैजाद बेचि दे अर वे बटि जु कुछ भि मिललु वु सब गरीबों मा बांटि दे, अर मेरु चेला बणि जा। अर सुण, त्वेतै स्वर्ग मा खजाना मिललु।”

1 थिस्सलुनीकी 4:16

किलैकि जब एक बड़ी आवाज का साथ एक आज्ञा दिये जालि, अर परमेस्वर का परधान स्वर्गदूत को शब्द सुण्यालु, अर परमेस्वर का बिगुले की आवाज सुण्यालि, तब यीशु मसीह स्वर्ग बटि आलु अर जु लोग वे पर बिस्वास कैरिके मोरि गैनी, ऊ पैलि ज्यून्दा ह्‍वे जाला।

लूका 14:14

तब त्वेतै परमेस्वर की तरफा बटि आसीस मिलेली, किलैकि ऊंका पास त्वेतै वापिस लौटाणु कू कुछ भि नि च। मगर मुरदो मा बटि ज्यून्द होण का दिन पर जब धरमी लोग ज्यून्दा होला, तब त्वेतै वेको फल मिली जालु।”

दिब्य दरस 1:7

देखा, यीशु बादळों का दगड़ा-दगड़ि औण वळु च, अर हरेक आंख वेतैं दिखली, अर ऊ भि वेतैं दिखला जौन वेतैं मारी छौ। अर धरती मा जथगा भि गोत्र का लोग छिन, ऊ सभ्या का सभि अपणी-अपणी छति भटकाला। हाँ, यू ही सच्‍च च। आमीन।

फिलिप्पी 1:10

ताकि तुम भलै अर बुरै की बातों मा बटि भलै की बातों तैं जादा से जादा स्वीकार कैरी सैका, अर यीशु मसीह का वापस औण का दिन तक एक खरु अर निरदोष मनखि बणि के रै सैका।

लूका 12:21

तब यीशु न ऊंतैं बतै कि, “इन्‍नि वु मनखि भि च जु अफु खुणि इकट्‍ठा करदु, पर वु मनखि परमेस्वर की नजर मा सेठ नि च।”

1 कुरिन्थि 15:48

अर जन पैलु मनखि आदम माटा को च, ठिक उन्‍नि और मनखि भि वेकी ही तरौं छिन। पर दुसरो मनखि यीशु मसीह जु कि स्वर्ग को च, इलै जु स्वर्ग मा रौण वळा छिन वु सब भि वेकी तरौं आत्मिक होला।

फिलिप्पी 1:27

बस ईं बात को ध्यान रखा कि तुमरो चाल-चलन यीशु मसीह का शुभ समाचार का मुताबिक हो। अर अब चै मि तुम बटि ऐके मिलु या तुम से दूर रौ, मि तुमरा बारा मा बस इन्‍नि सुनण चान्दु कि तुम सभ्या का सभि एक ही दिल-दिमाग का ह्‍वे ग्यां। अर एक मन ह्‍वेके शुभ समाचार पर रख्यां बिस्वास तैं और जादा मजबूत करणु खुणि कड़ी मेनत कना छाँ।