फिलिप्पी 2:5 - Garhwali

⁵ हे मेरा दगड़्यों, जन मसीह यीशु को सभौ छौ, ठिक उन्‍नि तुमरो भि हो।

गढवली नयो नियम

⁵ जन मसीह यीशु कु बरतौ छो उन ही तुमारो बरतौ भि हो;

फिलिप्पी 2:5 Referans Kwoze

1 यूहन्ना 2:6

अर अगर कुई मनखि इन बुल्दु, कि मेरु पिता परमेस्वर का दगड़ा मा एक अच्छु रिश्ता च, त वेको इन फरज बणदु की वेको चाल-चलन भि ठिक उन्‍नि हो जन यीशु मसीह को छौ।

मत्ती 11:29

मेरा जुवा तैं अपणा मथि ले ल्या अर मि बटि सीखा, किलैकि मेरु सभौ नमर अर मन से मि दीन छौं अर तुमरा मन तैं चैन मिललु।

1 पतरस 2:21

अर जन यीशु मसीह न हमरा खातिर दुख झेली, अर हम खुणि एक उदारण बणि गै, ठिक उन्‍नि हमतै भि भला काम करणु खुणि बुलये गै, अर पिता परमेस्वर का मुताबिक हमतै यीशु मसीह का बाटा पर चलण चयेणु, अब चै वेमा कथगा ही दुख किलै नि हो।

1 पतरस 4:1

अर हम जणदा छाँ, कि यीशु मसीह न अपणा सरील मा दुख तैं झेली, इलै हमतै भि वेका जन ही विचार रखण चयेणा, अर हरेक दुख तैं झिलणु खुणि तयार रौण चयेणु, किलैकि जैन शरीर मा दुख झेली उ पाप करण छोड़ि देन्दु।

1 कुरिन्थि 10:33

अर ठिक जन मि सब बातों मा सब लोगु तैं खुश रखदु, अर मि अपणु ही फैदा कि ना, बल्किन मा भौत सा लोगु की चिन्ता करदु, ठिक इन्‍नि तुम भि कैरा ताकि भौत सा लोगु तैं बचयै जौ।

इफिसुस 5:2

अर प्यार का बाटा पर चलि के एक-दुसरे से प्यार कैरा, ठिक उन्‍नि जन यीशु मसीह न तुम बटि प्यार कैरी। अर वेन हम मनखियों का खातिर खुद तैं पिता परमेस्वर का समणि एक पसन्द औण वळी खुशबुदार भेंट का रुप मा चड़ै दिनी।

रोमियों 15:5

अर कै मनखि को सबर रखण अर वेतैं हौसला मिलण यू सब पिता परमेस्वर की तरफा बटि ही औन्दु। अर मि इन प्रार्थना करदु, कि तुम सभ्या का सभि यीशु मसीह का मुताबिक अपणा आपस मा एक मन ह्‍वेके रा, अर या ही वेकी इच्छा च।

खास चेलों 20:35

मिन तुमतै सब कुछ कैरिके दिखै, मिन दिखै कि कनकै मेहनत करदिन, अर कनकै जरुरतमन्दों की मदद करदिन। अर प्रभु यीशु की बात याद रखण चयेणी, वेन बोलि छौ कि, ‘लेण वळु से जादा देण वळु धन्य च।’”

रोमियों 15:3

किलैकि यीशु मसीह न जु कुछ भि कैरी, वु सब कुछ खुद तैं खुश करणु खुणि नि कैरी बल्किन मा परमेस्वर की मनसा तैं पूरु करणु खुणि सबर रखी के सब कुछ सै, जन कि भजन संहिता मा लिख्यूं च कि, “हे परमेस्वर, लोगु न तुमरो अपमान कैरी मगर ऊंन तुमरो ना, बल्किन मा मेरु अपमान कैरी।”

लूका 22:27

अब इन बता कि, बड़ु कु च, क्या उ जु खाणु कू बैठयूं च या उ जु बंटदु च? हाँ, खाणुक खाण वळु बड़ु च। पर मि त तुमरा बीच मा एक सेवक की तरौं छौं।

रोमियों 14:15

अगर तुम अपणा खाणुक खाण की वजै से कै बिस्वासी भै या बैंण खुणि उतेडु़ बणण छाँ, त ईं बात तैं जाणि ल्या कि तुम वे बाटा पर नि चलणा छाँ, जु कि दुसरो से प्यार करण को च। अरे जु खाणुक तुम खन्द्‍यां, कखि उ वे मनखि खुणि नास होण की वजा नि बणि जौ, जै मनखि की खातिर यीशु मसीह मरे गै।

खास चेलों 10:38

अर पिता परमेस्वर न नासरत गौं का यीशु तैं अपणी पवित्र आत्मा अर सामर्थ देके चुणी के ठैरै, अर उ जग-जगा जैके के भलै का काम करदु छौ, अर जु लोग शैतान का द्‍वारा सतयां छा, यीशु ऊं लोगु तैं खूब करदु छौ, अर यू सब उ इलै करदु छौ, किलैकि परमेस्वर वेका दगड़ा मा छौ। अर ईं बात का बार मा भि तुम जणदा ही छाँ।

फिलिप्पी 1:1

हे मेरा भै-बैंणो, मि पौलुस छौं अर मेरा दगड़ा मा तीमुथियुस भै च अर हम दुईया का दुई यीशु मसीह का सेवक छां। अर मि या चिठ्‍ठी यीशु मसीह पर बिस्वास करण वळा ऊं सब पवित्र लोगु खुणि लिखणु छौं, जु कि फिलिप्पी नगर मा रौनदिन अर बिस्वासी समुदाय का अध्यक्ष, अर सेवा का काम मा मदद करण वळा छिन।