फिलिप्पी 2:21 - Garhwali

²¹ किलैकि सब लोग अपणा ही फैदा की खोज मा लग्यां छिन, ना कि ईं बात की खोज मा की यीशु मसीह क्या चान्दु।

गढवली नयो नियम

²¹ किलैकि सब अपड़ा स्वार्थ कि खोज मा रौदींनि, उ मसीह यीशु बट्टी जुड़ीं बातों का बारा मा परेशान नि छिनी।

फिलिप्पी 2:21 Referans Kwoze

1 कुरिन्थि 10:24

हरेक मनखि अपणा ही भलै की चिन्ता नि कैरो, बल्किन मा दुसरो की भलै की भि चिन्ता कैरो।

मत्ती 16:24

तब यीशु न अपणा चेलों कू बोलि, “अगर कुई मेरा पिछनै औण चान्दु, त उ अफ तैं नकारी द्‍यो अर दुख अर मौत तैं झिलणु खुणि हमेसा तयार ह्‍वेके मेरा पिछनै चलु।

फिलिप्पी 2:4

अर तुम मा बटि कुई भि अपणी ही भलै खुणि ना, बल्किन मा दुसरो की भलै का बारा मा भि सोचा।

2 तीमुथियुस 3:2

किलैकि लोग केवल अफ बटि ही प्यार करण वळा, अर अपणा धन-दौलत बटि प्यार करण वळा होला। अर डींग मरण वळा, अपणी सब बातों पर बड़ु मोन करण वळा, अर एक-दुसरा की बेजती करण वळा होला। इख तक की लोग अपणा ब्वे-बबा की बातों तैं भि नि मणला, अर कै का उपकार तैं नि मणला, अर ना ही वु पवित्र जीवन जीण वळा होला।

1 कुरिन्थि 10:33

अर ठिक जन मि सब बातों मा सब लोगु तैं खुश रखदु, अर मि अपणु ही फैदा कि ना, बल्किन मा भौत सा लोगु की चिन्ता करदु, ठिक इन्‍नि तुम भि कैरा ताकि भौत सा लोगु तैं बचयै जौ।

1 कुरिन्थि 13:5

नऽ त उ गळत बरतौ करदु, अर नऽ त गुस्सा करदु, अर ना ही बुरै करण वळा लोगु बटि बदला लेन्दु, इन्द्रयो मनखि अपणी ही भलै नि सुचदु, बल्किन मा एक-दुसरा तैं माफ करदु।

लूका 14:26

“अगर कुई मनखि मेरु चेला बणण चान्दु हो, मगर उ मनखि अपणा ब्वे-बाब, घरवळी अर अपणा बाल-बच्‍चों तैं अर अपणा भै-बैंणो तैं इख तक की अपणा पराण तैं मिसे भि जादा प्यार करदु हो, त इन्द्रयो मनखि मेरु चेला नि ह्‍वे सकदु।

2 तीमुथियुस 4:10

किलैकि भै देमास न ईं दुनियां की चीजों तैं जादा प्यार कैरी, इलै उ मितैं छोड़ि के थिस्सलुनीकी नगर कू चलि गै। अर क्रेसकेंस भै गलाति नगर कू अर भै तीतुस भि दलमतिया नगर कू चलि गै।

2 कुरिन्थि 1:5

किलैकि यीशु मसीह की सेवा करण की वजै से जु दुख-तकलीफ हमतै झिलण पोड़दिन, यीशु मसीह वेका बदला मा हमतै और भि जादा दिलासा देन्दु।

2 तीमुथियुस 4:16

अर जब पैलि दौं रोम देस मा मेरु न्याय करण खुणि मितैं कचैरी मा खड़ु किये गै छौ, त मितैं बचौणु खुणि कैन भि गवै नि देई, किलैकि सब लोग मितैं छोड़ के चलि गै छा। मगर फिर भि मेरु प्रभु मेरा दगड़ा मा छौ अर वेन मितैं ताकत देई, ताकि मि शुभ समाचार का परचार तैं पूरु कैर सैकु, अर जु लोग यहूदी जाति का नि छिन ऊं सभ्यों तैं शुभ समाचार सुणो। अर परमेस्वर न मितैं मौत का गिच्‍चा बटि बचै, अर मि इन प्रार्थना करदु कि जु लोग मितैं छोड़ि के चलि गै छा, परमेस्वर ऊंतैं माफ कैरो।

खास चेलों 15:38

मगर पौलुस वेतैं अपणा दगड़ा मा नि लि जाण चाणु छौ, किलैकि मरकुस पंफूलिया मुलक मा ऊंतैं छोड़ के चलि गै छौ, अर सेवा का काम मा ऊंको साथ नि दिनी।

खास चेलों 13:13

यू सब होण का बाद पौलुस अर वेका दगड़्या पाफुस नगर बटि पाणि का जाज मा बैठि के पंफूलिया मुलक का पिरगा नगर मा पौंछिनी। मगर यूहन्‍ना ऊंतैं उखि छोड़ि के यरूशलेम नगर कू ऐ गै।

2 तीमुथियुस 1:15

अर तू जणदी ही छैई, कि आसिया मुलक का भौत सरा बिस्वासी लोग मितैं छोड़ के चलि गैनी। जौं मा बटि फूगिलुस अर हिरमुगिनेस छिन।