फिलिप्पी 1:21 - Garhwali

²¹ अगर मि ज्यून्द रौलु त मेरु जीवन जीण केवल यीशु मसीह खुणि ही च, अर अगर जु मि मोरि भि जौलु त मि खुणि यू अच्छु ही च।

गढवली नयो नियम

²¹ किलैकि जु मि ज्यूँदो रौ, त मसीह कु च, अर जु मि मोरि जौं त यूं तैं कु फैदामन्द होलो किलैकि तब मि मसीह का दगड़ी रौलु।

फिलिप्पी 1:21 Referans Kwoze

गलातियों 2:20

अर मि यीशु मसीह का दगड़ा मा क्रूस पर चड़ये ग्यों, इलै अब मि ज्यून्दु नि छौं, पर यीशु मसीह मि मा ज्यून्दु च। अर अब ये सरील मा मि जु जीवन जीणु छौं, वु केवल परमेस्वर का पुत्र पर बिस्वास कैरिके ही जीणु छौं, जैन मि बटि प्यार कैरी अर मि खुणि अफ तैं दे दिनी।

2 कुरिन्थि 5:8

इलै ही मि इन बुल्दु कि हम लोग हिम्मत नि छुड़द्‍यां, बल्किन मा हम त ये सरील तैं छोड़ि के प्रभु यीशु का दगड़ा मा रौण चाणा छां।

2 कुरिन्थि 5:1

हम जणदा छां कि ईं दुनियां मा हमरु सरील एक तम्बू की तरौं च, जैको कुई ठौ-ठिकाणु नि च अर एक दिन येको नास ह्‍वे जाण। मगर स्वर्ग मा हमरा पास पिता परमेस्वर की तरफा बटि मिलण वळु एक इन्द्रयो सरील होलु जैन सदनि तक रौण। अर यू सरील एक इन्द्रया तम्बू की तरौं च, जु कि मनखि का द्‍वारा ना पर पिता परमेस्वर का द्‍वारा बणयूं च।

फिलिप्पी 1:23

अर मि यों दुई बातों तैं लेके बड़ा घंघतोळ मा पोड़्यूं छौं, मोन त मेरु इन बोन्‍नु च कि ईं दुनियां बटि विदै लेके मि यीशु मसीह का पास चलि जौ, किलैकि या ही बात मि खुणि सबसे जादा खूब च।

कुलुसी 3:4

अर यीशु मसीह जु कि तुमरो जीवन च जब उ पूरि दुनियां का समणि परगट होलु, तब तुम लोग भि वेका दगड़ा-दगड़ि परगट किये जैल्या, अर वेका आदर-सम्मान मा साझेदार ह्‍वेल्या।

2 कुरिन्थि 5:6

इलै हम परमेस्वर पर अपणु बिस्वास हमेसा बणै के रखद्‍यां, अर जणदा छां कि जबरि तक हम ये सरील मा छां, तबरि तक प्रभु का घौर से दूर छां।

फिलिप्पी 1:20

अर मेरी पूरि आस अर इच्छा या च, कि मि वचन तैं फैलाण मा कै भि तरीके से नि सरमौ। अर मितैं इन भि बिस्वास च, कि मेरा जीवन का द्‍वारा यीशु मसीह तैं पूरु आदर-सम्मान हमेसा मिलणु रौ, अब चै मि ज्यून्दु रौ या मोरि जौ।

दिब्य दरस 14:13

फिर मिन स्वर्ग बटि एक आवाज सुणी कि, “हे यूहन्‍ना ईं बात तैं लिख ले, ‘धन्य छिन ऊ लोग जु अब प्रभु पर बिस्वास रखी के मुरदिन।’” अर पवित्र आत्मा भि इन बोन्‍नु च कि, “हाँ धन्य छिन वु लोग, जौन धरती पर दुख-तकलीफ तैं सै अर भलै का काम करिनी, इलै अब ऊंतैं स्वर्ग मा इनाम दिये जालु।”

गलातियों 6:14

अर अब या दुनियां मेरी नजर मा मोरि गै अर मि ईं दुनियां खुणि मोरि ग्यों, किलैकि मि खुणि केवल प्रभु यीशु मसीह की क्रूस ही च जिं का खातिर मि बड़ु मोन करदु।

1 कुरिन्थि 1:30

हे मेरा भै-बैंणो, अब तुमरा पास बड़ु मोन करण को कुई मौका नि च, किलैकि पिता परमेस्वर न ही तुमतै यीशु मसीह का पास बुलै अर तुमतै बचै भि च। अर वेन ही यीशु मसीह तैं हमरु ज्ञान बणै, अर यीशु मसीह ही च जु कि हमतै पिता परमेस्वर का समणि पवित्र बणौन्दु। अर यीशु मसीह न ही अपणु ल्वे देके हमतै पाप से छुटकारु देई।

फिलिप्पी 2:21

किलैकि सब लोग अपणा ही फैदा की खोज मा लग्यां छिन, ना कि ईं बात की खोज मा की यीशु मसीह क्या चान्दु।

1 कुरिन्थि 3:22

अब चै उ मि छौं या अपुल्‍लोस या पतरस भै, हमतै पिता परमेस्वर न तुमरो सेवक बणै। अर अब या दुनियां अर जु कुछ भि होण वळु च या जु कुछ होणु च, इख तक की जीवन अर मौत भि, यू सब कुछ पिता परमेस्वर न तुमरि भलै खुणि ही दियूं च।

फिलिप्पी 1:22

अर अगर मि ज्यून्द रौन्दु त मि अपणा कामों का द्‍वारा जादा से जादा फैदा लेके ऐ सकदु, अर अगर मितैं यों दुईयों मा बटि कै एक तैं चुनण होलु, त मितैं नि पता की मि क्या जि चुणु।