मरकुस 9:23 - Garhwali

²³ यीशु न वेकू बोलि, “तू क्या बात बोन्‍नि छैई, कि गुरुजी, तुम कुछ कैरी सकद्‍यां? अरे, बिस्वास करण वळा मनखि खुणि सब कुछ ह्‍वे सकदु।”

गढवली नयो नियम

²³ यीशु ल वेकु बोलि, क्य तू बुल्णी छै कि, जु तुम कैरी सकदां; क्य त्वे तैं विश्वास नि च? विश्वास कनवळा कु सभि कुछ हवे सकदु।

मरकुस 9:23 Referans Kwoze

यूहन्ना 11:40

तब यीशु न वींकू बोलि, “क्या मिन त्वेकू इन नि बोलि छौ, कि अगर तू बिस्वास करली, त तू दिखली कि परमेस्वर कथगा महान च?”

इब्रानी 11:6

अर बिस्वास का बगैर परमेस्वर तैं खुश करण नामुमकिन च, किलैकि जु परमेस्वर का पास औन्दु, वेतैं इन बिस्वास करण जरुरी च कि परमेस्वर सच्‍चि मा च अर वु ऊं लोगु तैं इनाम देन्दु जु पूरि तरौं से वेतैं खुज्यौदिन।

मरकुस 11:23

मि तुम बटि सच्‍च बोन्‍नु छौं, अगर कुई ये पाड़ कू बोललु कि, ‘इख बटि उखड़ी के समुन्दर मा पोड़ि जा,’ अर अपणा मन मा सक नि कैरो, बल्किन मा बिस्वास कैरो जु कुछ बुलणु च उ सब कुछ वे खुणि उन्‍नि ह्‍वे जालु।

मत्ती 17:20

वेन ऊंतैं जबाब दिनी, “किलैकि तुम मा बिस्वास की कमी च, अर मि तुम लोगु से सच्‍च बोन्‍नु छौं कि अगर जु तुमरो बिस्वास लय्या का बीज बराबर भि होलु, अर तुम ये पाड़ कू भि बोलिल्या कि ‘इख बटि हटि के उख चलि जा,’ त उ भि हटि जालु। अर अगर तुम बिस्वास करिल्या, त हरेक बात तुम खुणि पूरि ह्‍वेलि।”

लूका 17:6

अर प्रभु न बोलि, “अगर जु तुमरो बिस्वास लय्या का बीज बराबर भि च, त तुम ये सैतूत का डाळा कू बुल्दा कि, ‘जलुड़ो समेत उखड़ी के समुन्दर मा लगि जा, त उ तुमरि बात तैं मणलु।’”

खास चेलों 14:9

अर ये मनखि न पौलुस का उपदेस की बातों तैं सुणी। अर पौलुस न वे मनखि जनै टक लगै के देखि, अर वेतैं पता चलि गै, कि ये मनखि तैं बिस्वास च, कि मि ठिक ह्‍वे सकदु छौं।

मरकुस 9:22

अर यू खबेस मेरा नौना तैं मरण खुणि कभि वेतैं आग मा डालि देन्दु, अर कभि पाणि मा ढोळि देन्दु, अर अगर तुम कुछ कैरी सकद्‍यां, त गुरुजी हम पर दया कैरा अर हमरि मदद कैरा।”

मरकुस 9:24

अर नौना का बुबा न तुरन्त ऊँची आवाज मा बोलि, “गुरुजी, मि बिस्वास करदु, अर मेरु बिस्वास और जादा मजबूत हो या खुणि मेरी मदद कैरा।”

मत्ती 14:29

अर यीशु न बोलि, “पतरस ऐ जा।” तब पतरस नाव बटि उतरि के वेका पास जाण लगि गै।