मरकुस 9:22 - Garhwali

²² अर यू खबेस मेरा नौना तैं मरण खुणि कभि वेतैं आग मा डालि देन्दु, अर कभि पाणि मा ढोळि देन्दु, अर अगर तुम कुछ कैरी सकद्‍यां, त गुरुजी हम पर दया कैरा अर हमरि मदद कैरा।”

गढवली नयो नियम

²² दुष्टात्मा यु तैं खत्म कनु कु कभि आग मा कभि पांणी मा डोल दींनि पर जु तु कुछ कैरी सकदी छै त हम पर दया कैरी कै हमारो भलो कैर।

मरकुस 9:22 Referans Kwoze

लूका 7:13

अर वींतैं देखि के प्रभु तैं तरस ऐ। अर वेन वींकू बोलि, “नि रो।”

मरकुस 5:19

मगर वेन वेतैं विदा कैरिके इन आज्ञा दिनी कि, “जा, अपणा घौर चलि जा, अर परमेस्वर न त्वे पर कथगा बड़ी दया कैरी, वे काम का बारा मा सब कुछ अपणा लोगु तैं बतौ।”

मत्ती 20:34

अर यू सुणी के यीशु तैं ऊं पर तरस ऐ, अर वेन ऊंका आंख्यों तैं छ्वी, अर वु तुरन्त दिखण लगि गैनी। अर तब वु दुईया का दुई भि यीशु का पिछनै ह्‍वे गैनी।

मत्ती 14:31

अर यीशु न तुरन्त अपणु हाथ बढै के वेतैं थामि दिनी अर वेकू बोलि, “हे कम बिस्वास करण वळा, तिन सक किलै कैरी?”

मत्ती 9:28

अर जब यीशु घौर मा पौंछी, त वु दुई अन्धा भि वेका पास उखि ऐ गैनी। अर यीशु न ऊं बटि पूछी, “क्या तुमतै बिस्वास च कि मि तुमतै खूब कैरी सकदु छौं?” तब ऊंन यीशु तैं जबाब दिनी, “हाँ, प्रभु हम बिस्वास करद्‍यां।”

मत्ती 8:2

अर इन ह्‍वे कि, एक कोड़ी मनखि वेका पास ऐ अर वेन यीशु तैं परणाम कैरिके बोलि, “प्रभु, अगर तुम चा त मितैं शुद्ध कैरी सकद्‍यां।”

मत्ती 17:15

“प्रभु, मेरा नौना पर दया कैरा, किलैकि वे पर एक खबेस लग्यूं च इलै वेतैं मिर्गी का दौरा पोड़दिन। अर जब वेतैं मिर्गी औन्दी, त उ बड़ु दुख झिलदु फिर वु कई बार पाणि मा अर कई बार आग मा पोड़ि जान्दु।

मरकुस 9:21

यीशु न वे नौना का बुबा बटि पूछी, “येकी इन्दरि हालत कब बटि च?” वेन बोलि, “बचपन बटि, गुरुजी।

मरकुस 9:23

यीशु न वेकू बोलि, “तू क्या बात बोन्‍नि छैई, कि गुरुजी, तुम कुछ कैरी सकद्‍यां? अरे, बिस्वास करण वळा मनखि खुणि सब कुछ ह्‍वे सकदु।”