मरकुस 9:18 - Garhwali

¹⁸ अर जब उ खबेस वेतैं अपणा वश मा करदु, त वेतैं उखि पटकी देन्दु, अर मेरा नौना का गिच्‍चा बटि गाज निकळण लगि जान्दु, अर उ अपणा दांत कड़गिटाण लगि जान्दु, अर अकडै़ भि जान्दु। अर गुरुजी, मिन तुमरा चेलों कू बोलि, कि ऊ वे खबेस तैं वेमा बटि निकाळि द्‍या, मगर ऊ वेतैं निकाळि नि सकिनी।”

गढवली नयो नियम

¹⁸ जख कखि भि उ दुष्टात्मा वे पर हमला करद त उ उखि वे तैं भुयां पटगि दींदु अर वेका गिच्चा बट्टी झाग निकलण लगि जांदु अर उ दांत रमकौंदु अर सुखदि जांणु च, मिल तेरु चेलों कु बोलि छो कि उ वे दुष्टात्मा तैं निकाली दयूंनु पर ऊं नि निकाली सकिनि।

मरकुस 9:18 Referans Kwoze

मरकुस 11:23

मि तुम बटि सच्‍च बोन्‍नु छौं, अगर कुई ये पाड़ कू बोललु कि, ‘इख बटि उखड़ी के समुन्दर मा पोड़ि जा,’ अर अपणा मन मा सक नि कैरो, बल्किन मा बिस्वास कैरो जु कुछ बुलणु च उ सब कुछ वे खुणि उन्‍नि ह्‍वे जालु।

मरकुस 9:26

तब उ चिल्‍लै के अर वे नौना तैं भौत जादा मरोड़ि के वेमा बटि निकळि गै, अर वु नौनु इन ह्‍वे गै जन कि वेका पराण वेमा बटि निकळि गै हो। अर यू देखि के भौत सा लोग इन बोन्‍न लगि गैनी कि, “अरे, यू त मोरि गै।”

मरकुस 9:20

तब ऊ वे नौना तैं वेका पास लेके ऐनी, अर जब वे खबेस न यीशु तैं देखि, त खबेस न तुरन्त वे नौना तैं मरोड़ि, अर उ नौनु भ्वीं मा पोड़ि गै, अर वेका गिच्‍चा बटि गाज निकळण लगि गै, अर वु भैंकर लफड़ाण लगि गै।

मत्ती 17:16

मि वेतैं तुमरा चेलों का पास लेके ऐ छौ, मगर ऊ वेतैं खूब नि कैरी सकिनी।”

खास चेलों 7:54

अर स्तिफनुस की यों बातों तैं सुणी के न्याय समिति का लोग भौत गुस्सा ह्‍वेनि। अर ऊंतैं इथगा गुस्सा ऐ, कि ऊ गुस्सा से तमतमै गैनी।

यहूदा 1:13

अर यू लोग त समुन्दर की तेज लैरों का जन छिन, जु कि अपणा सरम का कामों की वजै से केवल गाज ही गाज बणौन्दिन। अर यू त भटक्यां तारों का जन छिन, अर यों लोगु का रौण खुणि एक अन्धेरी जगा च।

मत्ती 15:22

अर देखा, वे ही बगत वे मुलक बटि एक जनानि ऐ, ज्वा की कनानी जाति की छै। अर वा चिल्‍लै-चिल्‍लै के बोन्‍न लगि गै, “मेरा प्रभु, राजा दाऊद का वंशज, मि पर दया कैरा, किलैकि मेरी नौनि तैं खबेस न बुरी तरौं से अपणा बस मा कर्युं च, अर उ वींतैं भौत सतौन्दु।”

मत्ती 8:12

मगर जु लोग राज का असली हकदार छा ऊंतैं भैर अन्धेरा मा डळै जालु। अर उख त सिरफ रुंण अर दांतों तैं कड़गिटाण होलु।

मरकुस 9:17

तब भीड़ मा बटि कै एक न वेतैं जबाब देई, “गुरुजी, मि अपणा नौना तैं तुमरा पास लेके ऐ छौ, किलैकि वे पर गूंगु करण वळु खबेस लग्यूं च।

मरकुस 9:19

अर ईं बात तैं सुणी के यीशु न ऊंकू बोलि, “हे बिस्वास नि करण वळा पीढ़ी का लोगु, आखिर मि कब तक तुमरा दगड़ा मा रौलु? अर कब तक तुमरि सौलु? तुम वे नौना तैं इनै लेके आ।”