मरकुस 9:12 - Garhwali

¹² वेन ऊंतैं जबाब दिनी, “एलिय्याह सच्‍चि मा पैलि ऐके सब कुछ फिर से ठिक करलु, मगर मनखि का पुत्र का बारा मा इन किलै लिख्यूं च कि, वेतैं भौत दुख झिलण पोड़लु, अर वेको तिरिस्कार किये जालु?

गढवली नयो नियम

¹² वेल ऊं तैं जवाब दे एलिय्याह ल सचमुच मा पैली ऐ के सब कुछ सुधारेली, पर मि मनिख कु नौंनो का बारा मा परमेश्वर का वचन मा किलै इन लिख्युं च कि वेल भौत दुख उठांण अर तुच्छ समझे जांण?

मरकुस 9:12 Referans Kwoze

लूका 23:11

तब हेरोदेस अन्तिपास न भि अपणा सिपयों का दगड़ा मा यीशु को अपमान कैरिके वेको मजाक उड़ै, अर चटकिलु कपड़ा पैरै के वेतैं पिलातुस का पास वापिस भेजि दिनी।

लूका 1:76

तब जकरयाह न अपणा नौना खुणि बोलि कि, “हे मेरा नौना, त्वे खुणि सबसे महान परमेस्वर को रैबर्या बुले जालु। किलैकि तू प्रभु का औण से पैलि वे खुणि बाटु तयार करली।

लूका 23:39

अर उख जु दुई अपराधि यीशु का दगड़ा क्रूस पर चड़ये गै छा, ऊंमा बटि एक न वेकी बेजती कैरिके बोलि, “अरे तू त मसीह छैई, त फिर अफ तैं अर हमतै बचौ।”

मत्ती 26:24

अर जन कि पवित्रशास्‍त्र मा मनखि का पुत्र का बारा मा लिख्यूं च, वेका मुताबिक वेकी मौत को होण जरुरी च। मगर हाय च वे मनखि पर जैका द्‍वारा मनखि को पुत्र पकड़वै जान्दु, वे मनखि खुणि त भलु यू ही छौ कि वेको जनम ही नि होन्दु।”

मत्ती 16:21

अर वे बगत बटि यीशु अपणा चेलों तैं बतौण लगि गै कि, “मेरु यरूशलेम नगर कू जाण जरुरी च, अर उख मि अध्यक्षों, मुख्य पुरोहितों अर शास्‍त्री लोगु का द्‍वारा भौत दुख उठौलु अर ऊ मितैं मरवै द्‍याला, अर मि तिसरा दिन मुरदो मा बटि ज्यून्दु ह्‍वे जौलु।”

मरकुस 9:13

मगर मि तुमतै बतै देन्दु, कि एलिय्याह त ऐ गै, अर जन वेका बारा मा लिख्यूं च, लोगु न वेका दगड़ा मा ठिक उन्‍नि कैरी, जन ऊ चान्दा छा।”

मरकुस 9:31

अर ऊंतैं सिखौण दौं वेन ऊंकू बोलि कि, “मनखि को पुत्र लोगु का हाथों मा पकड़वै जालु, अर ऊ वेतैं जान से मारी द्‍याला, पर मुरण का बाद तिसरा दिन वु मुरदो मा बटि ज्यून्दु ह्‍वे जालु।”

मरकुस 10:33

वेन बोलि, “सुणा, हम लोग यरूशलेम नगर कू जाणा छां, अर उख मनखि का पुत्र तैं मुख्य पुरोहितों अर शास्‍त्री लोगु का हवाला किये जालु, अर वु वे पर इळजाम लगाला कि वेतैं जान से मार दिये जौ, अर वेतैं ऊं लोगु का हवाला करला जु कि यहूदी जाति का नि छिन।

खास चेलों 1:6

अर जब यीशु का खास चेला वेका दगड़ा मा छा, त ऊंन वे बटि पूछी कि, “प्रभु, क्या तुम इस्राएल राज्य तैं अभि छुड़ै के फिर से जनौ-तन कैरी दिल्या?”

खास चेलों 4:11

अर वे ही यीशु का बारा मा इन लिख्यूं च कि, “‘यू उई ढुंगो च जैतैं तुम मिस्‍त्रियों न फुंन ढुळ्यु समझि पर उई कुणों को खास ढुंगो बणि गै।’