मरकुस 8:26 - Garhwali

²⁶ अर यीशु न वेतैं इन बोलि के भेजि कि, “अपणा घौर चलि जा, पर ये गौं मा नि जै।”

गढवली नयो नियम

²⁶ यांका बाद यीशु ल वे तैं यु बोलि, कि अपड़ा घौर चलि जा अर “गौं का लुखुं तैं कुछ भि नि बतै।”

मरकुस 8:26 Referans Kwoze

मत्ती 8:4

अर यीशु न वेकू बोलि, “पर सुण, येका बारा मा कै मा कुछ भि नि बोलि, मगर जा, अर अफ तैं पुरोहित मा दिखौ। अर अपणा शुद्ध होण का खातिर लोगु का समणि मूसा का दिया नियम-कानूनों का मुताबिक भेंट चड़ौ, ताकि वु लोग खुद ईं बात का गवा ह्‍वे जा, कि तू शुद्ध ह्‍वे गै।”

मरकुस 8:23

अर यीशु वे अन्धा मनखि को हाथ पकड़ी के नगर बटि भैर लि गै, अर वेकी आंख्यों मा थूकि के वे पर हाथ रखी, अर वे बटि पूछी, “क्या त्वेतै कुछ दिखणु च?”

मरकुस 7:36

तब यीशु न ऊं लोगु तैं चितै के बोलि कि ईं बात का बारा मा कै मा नि बुलयां, मगर यीशु जथगा ऊंतैं रुकदु छौ, लोग उथगा ही वेका बारा मा बखान करण लगि गैनी।

मरकुस 5:43

फिर वेन ऊंतैं चितै के आज्ञा दिनी, कि या बात कैतैं भि पता नि चलु। अर वींका ब्वे-बाब कू वेन बोलि, “वींतैं खाणु कू कुछ द्‍या।”

मत्ती 12:16

अर ऊं लोगु तैं वेन इन भि आदेस देके बोलि कि, “मेरा बारा मा कैतैं नि बतयां।”

मत्ती 9:30

अर ऊंका आंखा खुलि गैनी। तब यीशु न ऊंतैं चितै के बोलि, “ईं बात का बारा मा कैतैं पता नि चलण चयेणु।”

मरकुस 8:25

तब यीशु न फिर से वेकी आंख्यों पर हाथ रखी, अर वे मनखि का आंखा खूब ह्‍वे गैनी, अर वु फिर से सब कुछ साफ-साफ दिखण लगि गै।