मरकुस 8:23 - Garhwali

²³ अर यीशु वे अन्धा मनखि को हाथ पकड़ी के नगर बटि भैर लि गै, अर वेकी आंख्यों मा थूकि के वे पर हाथ रखी, अर वे बटि पूछी, “क्या त्वेतै कुछ दिखणु च?”

गढवली नयो नियम

²³ यीशु वे अंधा आदिम का हथ पकड़ी के गौं का भैर लीगि अर वेका आँखों पर थूकी अर हथ रखिनि अर वेमा पूछि क्य तु कुछ दिखणी छै?

मरकुस 8:23 Referans Kwoze

मरकुस 7:33

तब यीशु वे मनखि तैं भीड़ मा बटि अलग लि गै, अर अपणा अंगुळा वेका कन्दूड़ मा डलिनी, अर वेन थूकि अर वेकी जीब तैं छ्वी।

मरकुस 5:23

वेन इन बोलि कि, “गुरुजी, मेरी छुटी नौनि मुरण वळी च, तुम चलि के अपणु हाथ वीं पर रख द्‍या, ताकि वा ठिक ह्‍वे जौ अर ज्यून्द रौ।”

खास चेलों 9:8

तब शाऊल भ्वीं मा बटि उठी, पर जब वेन अपणा आंखा तैं खुलि त वेतैं कुछ नि दिखैणु छौ, तब वेका दगड़्या वेको हाथ पकड़ी के दमिश्क नगर कू लि गैनी।

दिब्य दरस 3:18

इलै मि तुमतै इन सला देन्दु कि तुम मि बटि वु सोना खरीदी ल्या जैतैं आग मा तपै के शुद्ध कर्युं च, ताकि तुम सेठ बणि जा अर सफेद कपड़ा भि ले ल्या, ताकि वेतैं पैरि के तुम नंगि नि दिख्या अर तुमतै सरम नि अऽ। अर अपणी आंख्यों मा लगौणु खुणि सुरमा ले ल्या, ताकि तुम दिखण लगि जा।

इब्रानी 8:9

अर यू वे करार की तरौं नि होलु जु मिन ऊं लोगु का पितरों का दगड़ा मा वे बगत कैरी छौ। जब मि ऊंको हाथ पकड़ी के ऊंतैं मिस्र देस बटि भैर निकाळि के लै छौ। अर प्रभु इन बुल्दु कि वु लोग मेरा करार पर अटल बणयां नि रैनी, इलै मिन ऊंकी परवा करण छोड़याली।

मरकुस 8:24

वेन मथि देखि के बोलि, “मितैं लोग दिख्यौणा छिन जु कि चलणा-फिरणा छिन, मगर वु डाळों का जन छिन।”

मरकुस 8:26

अर यीशु न वेतैं इन बोलि के भेजि कि, “अपणा घौर चलि जा, पर ये गौं मा नि जै।”

खास चेलों 23:19

तब सेनापति न वे ज्वान नौना को हाथ पकड़ी अर अलग मा लि जैके वेतैं पूछी, “तू मितैं क्या बतौण चाणि छैई?”