मरकुस 8:22 - Garhwali

²² अर जब यीशु अर वेका चेला बैतसैदा नगर मा ऐनी, त कुछ लोग एक अन्धा मनखि तैं वेका पास लेके ऐनी अर वेसे बिन्ती कैरी कि वेतैं छ्वी द्‍या।

गढवली नयो नियम

²² तब यीशु अर वेका चेला बैतसैदा नगर मा ऐ अर लोग एक अंधा आदिम तैं वेमा लैंनि अर वे बट्टी बिनती कैरी कि वे आदिम तैं छवे के ठिक कैरी दे।

मरकुस 8:22 Referans Kwoze

मत्ती 11:21

यीशु न बोलि, “हे खुराजीन अर बैतसैदा नगर का लोगु तुम पर हाय च, किलैकि जु चमत्कारिक काम तुमरा इख किये गैनी, अगर ऊ काम सूर अर सैदा नगर मा किये जान्दा, त उखा लोगु न कभि टाट ओड़ि के अर छारा मा बैठि के पस्ताप कैरी देण छौ।

मरकुस 6:45

तब यीशु न तुरन्त अपणा चेलों तैं नाव पर चड़ण की आज्ञा दिनी वेन बोलि कि, “जबरि तक मि लोगु तैं विदा करदु, तबरि तक तुम लोग मिसे पैलि पल्या छाला बैतसैदा नगर कू चलि जा।”

लूका 10:13

तब यीशु न इन बोलि, “हे खुराजीन अर बैतसैदा नगर का लोगु तुम पर हाय च, किलैकि जु चमत्कारिक काम तुमरा इख किये गैनी, अगर ऊ काम सूर अर सैदा नगर मा किये जान्दा, त उखा लोग न कभि टाट ओड़ि के अर छारा मा बैठि के पस्ताप कैरी देण छौ।

यूहन्ना 12:21

अर यू लोग गलील मुलक का बैतसैदा नगर का रौण वळा फिलिप्पुस का पास गैनी, अर वे बटि बिन्ती कैरी कि, “श्रीमान, हम तुमरा गुरु यीशु बटि मिलण चन्द्‍यां।”

यूहन्ना 1:44

फिलिप्पुस त बैतसैदा नगर को रौण वळु छौ, जख अन्द्रियास अर पतरस भि रौन्दा छा।

मरकुस 2:3

अर जब यीशु ऊंतैं वचन सुनौणु छौ कि सुणा, कुछ लोग एक मनखि तैं वेका पास लेके ऐनी। अर यू मनखि लकवा को रोगी छौ, जैतैं चार लोग उठे के लाणा छा।

मत्ती 8:15

तब वेन वींको हाथ छ्वी अर वींको जौर उतरि गै, अर वा बिस्तर बटि उठी के ऊंकी सेवा-भगत करण लगि गै।

मत्ती 9:29

तब वेन ऊंका आंख्यों तैं छ्वी के बोलि, “तुमरा बिस्वास का मुताबिक तुम खुणि हो।”

मत्ती 8:3

तब वेन अपणु हाथ लगै के वेकू बोलि, “हाँ, मि चान्दु छौं कि तू शुद्ध ह्‍वे जा।” तब वेको कोड़ चलि गै अर उ शुद्ध ह्‍वे गै।

लूका 9:10

अर जब यीशु का खास चेला शुभ समाचार को परचार कैरिके वापिस लौटिनी, अर जु कुछ ऊंन कैरी छौ, वेका बारा मा ऊंन यीशु तैं बतै। तब वेन चुपचाप से ऊंतैं अलग कैरी अर अफ दगड़ा बैतसैदा नगर मा लि गै।

मत्ती 14:36

अर ऊ लोग यीशु से बिन्ती करण लगि गैनी कि, “गुरुजी, कम से कम हमतै अपणा कपड़ा का झालरों तैं ही छूण द्‍या।” अर जथगा भि लोग वेतैं छून्दा छा, ऊ सभ्या का सभि खूब ह्‍वे जान्दा छा।

मरकुस 3:10

किलैकि वेन भौत सा लोगु तैं खूब कैरी छौ, इलै रोगी लोग वेतैं छूण चाणा छा, अर रोगियों की संख्या भौत छै, अर बड़ी धक्‍का-मुक्‍की चलणी छै।