मरकुस 7:9 - Garhwali

⁹ अर यीशु न ऊंकू इन भि बोलि, “वाह, तुम अपणी रीति-रिवाजों को पालन करण खुणि परमेस्वर की आज्ञा तैं कथगा अच्छे से टाळि देन्दयां।

गढवली नयो नियम

⁹ फिर यीशु ल ऊंमा बोलि, “तुम अपड़ी रीतियों तैं मंणनु कु परमेश्वर की आज्ञा तैं कथग अच्छी चालाकि से टाळि दींदां।”

मरकुस 7:9 Referans Kwoze

गलातियों 2:21

मि परमेस्वर की किरपा तैं नकरणु नि छौं, किलैकि अगर मूसा का दियां नियम-कानूनों का द्‍वारा धरमी बणयै जान्दु, त यीशु मसीह को मुरण बेकार ह्‍वे जान्दु।

मरकुस 7:13

अर इनकै तुम अपणी बणईं रीति-रिवाजों की वजै से परमेस्वर का वचन तैं रद्‍द कैरी देन्द्‍यां। अर इन्‍नि और भि भौत सि बात छिन, जौं तैं तुम करद्‍यां।”

मरकुस 7:3

(अर ईं बात पर ऊंन इलै ध्यान देई, किलैकि फरीसी अर सब यहूदी लोग अपणा पितरों की बणईं रीति-रिवाजों का मुताबिक जबरि तक अपणा हाथ अच्छे से नि ध्वे देन्दिन, तबरि तक खाणुक नि खनदिन।

2 थिस्सलुनीकी 2:4

अर येसे पैलि की पाप का पुत्र तैं दण्ड मिलु, उ हमरा परमेस्वर को भि विरोध करलु। अर जौं तैं लोग भगवान समझि के ऊंकी भक्‍ति करदिन, ऊ सभ्यों बटि पाप को पुत्र अफ तैं बड़ु बणालु। अर इख तक की उ परमेस्वर का मन्दिर मा बैठि के परमेस्वर होण को दावा करलु।

रोमियों 3:31

अब तुम सुचणा ह्‍वेल्या, कि जु कुछ भि हम बोन्‍ना छां वांको मतलब क्या च? त हम तुमतै बतै देन्द्‍यां कि जब हम इन बुल्द्‍यां की बिस्वास करण से ही हमतै छुटकारा मिलदु, त यां को मतलब यू नि च कि हम नियम-कानूनों तैं रद्‍द कना छां, बल्किन मा हम पिता परमेस्वर की बातों तैं पूरु करणा छां।

मरकुस 7:5

इलै फरीसी दल का लोगु न अर शास्‍त्रियों न यीशु बटि पूछी, “तेरा चेला पितरों का रीति-रिवाजों तैं किलै नि मणदिन? अर बगैर हाथ धुयां खाणुक किलै खनदिन?”

2 कुरिन्थि 11:4

अर मि तुमतै चितै देन्दु कि तुमरा बीच मा कुछ इन्द्रया लोग ऐ गैनी, जु कि यीशु मसीह का बारा मा कुछ अलग ही शिक्षा देणा छिन, ज्वा कि हमरि दिईं शिक्षा से बिल्कुल अलग च। अर वे बगत मा तुमुन हमरा द्‍वारा शुभ समाचार तैं सुणी अर पवित्र आत्मा तैं पै, मगर अब तुम कै दुसरा ही रैबार तैं सुनणु खुणि अर कै दुसरा ही आत्मा तैं पौणु खुणि तयार होयां छाँ।

गलातियों 1:14

अर वे बगत त मि अपणा पितरों की रीति-रिवाजों तैं मनण मा, अर अपणी उमर का भौत सा यहूदी लोगु का बीच मा, अर अपणा देस का लोगु मा भि मि सबसे जादा तेज छौ।