मरकुस 7:6 - Garhwali

⁶ अर वेन ऊंकू बोलि, “यशायाह रैबर्या न तुम ढोंगि लोगु का बारा मा बिल्कुल ठिक ही भविष्यबाणी कैरी छै वेन बोलि छौ कि, “‘केवल गिच्‍चळ ही यू लोग मेरु आदर-समान करदिन, मगर यों का मन मिसे भौत दूर छिन।

गढवली नयो नियम

⁶ यीशु ल, ऊंमा बोलि, “यशायाह जु परमेश्वर का तरपां बट्टी बुल्दो छो वेल तुम कपटियों का बारा मा ठिक ही भविष्यवाणी कैरी जन कि लिख्युं च” तुम लोग मेरा बारा मा भौत कुछ बुल्दा छा पर तुम सच मा मि बट्टी प्रेम नि करदयां।

मरकुस 7:6 Referans Kwoze

तीतुस 1:16

अर यू लोग इन बुल्दिन कि, हम परमेस्वर तैं जणदा छां, पर ऊंका कामों का द्‍वारा इन पता चलि जान्दु कि ऊ परमेस्वर तैं नि जणदिन, किलैकि वु दुष्‍ट सभौ का, अर आज्ञा नि मनण वळा, अर कुई भि अच्छा काम करण का लैख नि छिन।

2 तीमुथियुस 3:5

अर लोगु तैं दिखाणु खुणि केवल परमेस्वर की भक्‍ति करला, पर परमेस्वर की ताकत तैं नकारी द्‍याला। अर इन्द्रया लोगु बटि तुम अलग रयां।

यूहन्ना 5:42

पर मि तुमरा बारा मा जणदु छौं, कि तुमरा मनों मा पिता परमेस्वर खुणि प्यार नि च।

यूहन्ना 15:24

“अगर जु मि ऊंका बीच मा ऊं कामों तैं नि करदु, जु मिसे पैलि कैन भि नि करिनी त वु दोषी नि ठैरदा, पर अब त ऊंन मितैं अर मेरा पिता तैं देखियाली अर हम दुईयों से नफरत कैरी।

खास चेलों 28:25

अर जब वु लोग आपस मा एकमत नि ह्‍वेनि, अर जाण लगि गैनी, तब पौलुस न ऊंकू बोलि, “जान्द-जान्द मेरी बात तैं सुणिल्या, यशायाह रैबर्या का द्‍वारा पवित्र आत्मा न तुमरा पितरों बटि ठिक ही बोलि छौ कि,