मरकुस 7:4 - Garhwali

⁴ जन कि, जबरि तक वु बजार बटि वापिस ऐके रीति-रिवाज का मुताबिक नहे नि जनदिन, तबरि तक वु खाणुक नि खै सकदिन, अर इन्‍नि और भि भौत सि बात छिन, जौं को पालन वु करदा छिन जन कि, कटोरों अर मगो तैं अर तांबो का भाँडो तैं धोण अर ऊंतैं मंजौण)।

गढवली नयो नियम

⁴ अर बजार बट्टी ऐ के जब तक नि न्ह्योंदींनि तब तक नि खंदींनि अर भौत सैरी और भि बात छिनी जु ऊंमा मणनु कु पौछंये गैनी जन कटोरों तैं अर लुटियों तैं अर तांबा का भांडा तैं मांजिके धुणौं।

मरकुस 7:4 Referans Kwoze

इब्रानी 9:10

अर यू रीति-रिवाज केवल मनखि तैं बन्‍नि-बन्‍नि कार्यक्रमों खुणि खुद तैं धुण अर खाण-पीण का बारा मा ही बतौन्दिन। अर ईं दुनियां मा रीति-रिवाज तब तक ही रौन्दिन जब तक कि ऊंतैं और भि जादा सुधार करण को बगत नि ऐ जौ।

मत्ती 23:25

“हे शास्‍त्री अर फरीसी दल का लोगु, तुम पर हाय च तुम भौत बड़ा ढोंगि छाँ। तुम लोग कटोरा अर थकुला तैं भैरि-भैर मजौन्द्‍यां, मगर तुमरा भितर लालच अर बुरै ही भुरीं छिन।

याकूब 4:8

तुम परमेस्वर का नजदीक आ, तब उ भि तुमरा नजदीक आलु। हे पापि मनखियों, खुद तैं पाप करण से रोका। हे दुई मन रखण वळा लोगु, तुम अपणा मन तैं पवित्र कैरा।

यूहन्ना 2:6

उख त ढुंगो का बणयां छह बड़ा-बड़ा भाँडा धरयां छा, जैमा चार-छह गागर पाणि ऐ जान्दी छै। यू त यहूदियों की रीति का मुताबिक शुद्धिकरण खुणि धरयां छा।

1 यूहन्ना 1:7

हे मेरा दगड़्यों, जन पिता परमेस्वर उज्याळु मा च ठिक उन्‍नि हम भि उज्याळा मा रै के चला, त हम लोगु कि संगत एक-दुसरा का दगड़ा मा बणि राली। अर इथगा ही ना, बल्किन मा यीशु मसीह को ल्वे भि हमतै हमरा सब किसम का पापों बटि शुद्ध करलु।

मत्ती 27:24

जब पिलातुस न देखि कि कुई फैदा नि होणु, बल्किन मा हल्‍ला और भि जादा होणु च, त वेन पाणि ले अर भीड़ का समणि अपणा हाथ ध्वेके बोलि, “ये निरदोष मनखि का ल्वे मा मेरु कुई हाथ नि च येका बारा मा तुम ही जाणा।”

यूहन्ना 3:25

फिर एक दिन एक यहूदी मनखि को यूहन्‍ना का चेलों का दगड़ा मा शुद्धिकरण का खातिर बहसबाजी ह्‍वे।

मत्ती 23:26

इलै हे अन्धा फरीसियों, पैलि कटोरा अर थकुला तैं भितर बटि मांजा, तब उ भैर बटि भि साफ ह्‍वे जालु।

मरकुस 7:8

अरे तुम लोग मनखियों कि रीति-रिवाजों पर ही चलणा छाँ, अर तुमुन परमेस्वर की आज्ञाओं तैं छोड़याली।”