मरकुस 6:2 - Garhwali

² अर जब सब्त को दिन ऐ, त यीशु प्रार्थना भवन मा सिखौण लगि गै, अर वेकी बातों तैं सुणी के भौत सा लोग हैरान ह्‍वेके इन बोन्‍न लगि गैनी कि, “येतैं यू सब बात कख बटि मिलिनी? अर कन्दरि अकल च वा ज्वा कि येतैं दिये गै? अर सामर्थ का काम येका हाथोंळ कनकै होनदिन?

गढवली नयो नियम

² यहूदियों का विश्राम का दिन जु परमेश्वर कु पवित्र दिन यीशु यहूदियों का मिलणा का भवन मा परमेश्वर का वचन की शिक्षा दींण लगि गै अर भौत लोग भैंचक मा पड़ी गैनी अर बुल्ण बैठी गैनी कि येल यु बात कख बट्टी सिखिनि? अर यु ज्ञान अर चमत्कार का काम कनै की सामर्थ यु तैं कैल दींनि?

मरकुस 6:2 Referans Kwoze

यूहन्ना 6:42

अर ऊंन बोलि, “क्या यू यूसुफ को नौनु यीशु नि च? अरे, हम त येका ब्वे-बबों तैं भि जणदा छां। फिर यू कनकै बोन्‍नु च कि मि स्वर्ग बटि अयूं छौं?”

यूहन्ना 7:15

तब यहूदी हैरान ह्‍वेके बुलण लगि गैनी, “यू त कभि शास्‍त्र की पाठसाला मा नि गै, त फिर येतैं इथगा शिक्षा कख बटि मिली?”

मत्ती 4:23

अर यीशु पूरा गलील मुलक मा घूमणु रै। अर यहूदी लोगु का प्रार्थना भवनों मा जैके उपदेस देणु रै, अर परमेस्वर का राज को शुभ समाचार परचार कनु रै। अर उखा लोगु की हरेक किसम की बिमारियों तैं अर कमजोरियों तैं दूर कनु रै।

मत्ती 7:28

अर जब यीशु न यू बात बोलि दिनी, त वेका सिखौण का तरीका तैं देखि के लोग दंग रै गैनी,

लूका 4:15

अर उ ऊंका प्रार्थना भवनों मा उपदेस देण लगि गै, अर सब लोग वेकी बडै करदा छा।

मरकुस 1:39

इलै यीशु न गलील मुलक मा यहूदी लोगु का प्रार्थना भवनों मा जै-जैके उपदेस देणु रै, अर लोगु मा बटि खबेसों तैं भि निकाळि।

मरकुस 10:1

तब यीशु कफरनहूम नगर बटि निकळि के यरदन गाड का दुसरा छाला यहूदिया मुलक मा ऐ। अर सुणा, एक भीड़ फिर से वेका पास इकट्‍ठा ह्‍वे गै, अर उ लोगु तैं हमेसा की तरौं फिर से सिखौण लगि गै।

लूका 2:47

अर जथगा भि वेकी बातों तैं सुनणा छा, ऊ सब वेकी समझ अर वेका जबाबों तैं सुणी के हकदक रै गैनी।