मरकुस 6:12 - Garhwali

¹² तब बारह चेलों न जैके परचार कैरी कि, “अपणा-अपणा पाप का कामों से पस्ताप कैरा, अर परमेस्वर का पास वापस ऐ जा।”

गढवली नयो नियम

¹² अर चेलों ल जै के लुखुं तैं प्रचार कैरी कि दुखी हवे के अर अपड़ा पाप बट्टी अर अपड़ा बुरा कामों से मन फिरावा अर परमेश्वर मा आवा।

मरकुस 6:12 Referans Kwoze

मत्ती 4:17

अर ये बगत बटि ही यीशु परचार करण लगि गै। अर वेन बोलि कि, “अपणा-अपणा पापों से पस्ताप कैरा, किलैकि परमेस्वर को राज नजदीक ही च अर उ राज करण वळु च।”

खास चेलों 20:21

अर मिन यहूदी अर यूनानी लोगु का बीच मा जैके परमेस्वर का समणि पस्ताप करण का बारा मा, अर हमरा प्रभु यीशु मसीह पर बिस्वास करण का बारा मा ऊंतैं बतै।

खास चेलों 11:18

अर जब यहूदी बिस्वासी लोगु न यू सब बात सुणिनी, त वु संट ह्‍वे गैनी। अर ऊंन परमेस्वर की तारीफ कैरिके बोलि, “परमेस्वर की बडै हो, किलैकि वेन सदनि को जीवन पौणु खुणि मन से पस्ताप करण को मौका ऊंतैं भि दियाली जु यहूदी जाति का नि छिन।”

खास चेलों 2:38

तब पतरस न ऊंकू बोलि, “अपणा-अपणा पापों बटि पस्ताप कैरा अर पापों बटि माफी पौणु खुणि तुम मा बटि हरेक मनखि यीशु मसीह का नौ से बपतिस्मा ल्यो, अर तब तुमतै पवित्र आत्मा को दान मिललु।

लूका 13:3

नऽ रे ना, पर मि तुमतै बतै देन्दु, कि अगर जु तुम पस्ताप नि करिल्या, त तुम सभ्यों को भि नास इन्‍नि के ह्‍वे जाण।

लूका 11:32

“अर नीनवे नगर का लोग भि न्याय का दिन पर ये जमना का लोगु का दगड़ा मा खड़ा होला अर तुमतै दोषी ठैराला, किलैकि ऊंन योना रैबर्या का द्‍वारा कियां परचार तैं सुणी के पस्ताप कैरी। पर सुणा, इख त उ च जु की योना रैबर्या से भि महान च, पर तुम वे पर बिस्वास नि करद्‍यां।”

मत्ती 3:8

इलै इन्द्रया काम कैरा, ज्यां से इन पता चलु कि तुमुन मन से पस्तावा कैरियाली।

मत्ती 3:2

“अपणा-अपणा पापों से पस्ताप कैरा, किलैकि परमेस्वर राज करण वळु च अर उ नजदीक ही च।”

खास चेलों 26:20

मिन पैलि दमिश्क नगर मा, अर फिर यरूशलेम नगर मा जैके परचार कैरी। अर येका बाद मि यहूदिया का पूरा मुलक मा, अर ऊं लोगु का बीच मा जैके परचार कनु रौं जु यहूदी जाति का नि छिन। ताकि वु सब अपणा-अपणा पापों से पस्ताप कैरिके परमेस्वर की तरफा ऐ जा, अर इन काम कैरा ज्यां से इन पता चलि जौ, कि ऊंन अपणा-अपणा पापों से पस्ताप कैरियाली।

खास चेलों 3:19

इलै अपणा पापों से पस्ताप कैरा, अर परमेस्वर का पास वापिस ऐ जा, ताकि तुमरा पाप पूरि तरौं से माफ ह्‍वे जा,

लूका 24:47

अर वेका नौ से पापों की माफी पौणु खुणि अर मन से पस्ताप करण को परचार यरूशलेम नगर बटि दुनियां का सब देसों मा किये जालु,

लूका 15:10

अर मि तुमतै बतै देन्दु, कि ठिक इन्‍नि आनन्द परमेस्वर का स्वर्गदूतों का समणि तब मणये जान्दु, जब एक पापि मनखि अपणा पापों बटि पस्ताप करदु।”

लूका 15:7

अर मि या बात तुमतै बतै देन्दु, कि जु आनन्द ऊं निन्याणबे लोग का खातिर मणये जान्दु, वेसे भि जादा आनन्द एक पापि मनखि का पापों बटि पस्ताप करण का बगत मा स्वर्गलोक मा मणये जान्दु, हाँ ऊं निन्याणबे लोगु से जादा जौं तैं पस्ताप करण की कुई जरुरत नि च।”

लूका 13:5

नऽ रे ना, पर मि तुमतै बतै देन्दु, कि अगर जु तुम पस्ताप नि करिल्या, त तुम सभ्यों को भि नास इन्‍नि के ह्‍वे जाण।”

मरकुस 1:15

अर वेन बोलि कि, “सुणा, बगत पूरु ह्‍वे गै अर परमेस्वर को राज नजदीक ऐ गै, इलै अपणा-अपणा पापों से पस्ताप कैरा अर ये शुभ समाचार पर बिस्वास कैरा।”

मत्ती 11:20

फिर यीशु न ऊं नगरों तैं भौत झिड़की जौं नगरों मा वेन चमत्कार का भौत काम कैरी छा। अर इन वेन इलै कैरी, किलैकि उखा लोगु न अपणा पापों को पस्ताप नि कैरी।

मत्ती 9:13

इलै तुम पैलि जैके पवित्रशास्‍त्र की ईं बात को मतलब सीखा जन कि लिख्यूं च, ‘मि बलिदान ना, बल्किन मा दया चान्दु।’ अर जु लोग खुद तैं धरमी समझदिन मि ऊं खुणि ना, बल्किन मा पापि लोगु तैं बुलाणु खुणि अयूं छौं।”

लूका 9:6

तब चेला चलि गैनी अर गौं-गौं मा शुभ समाचार सुनौण लगि गैनी, अर लोगु तैं खूब कना रैनी अर जग-जगा घूमणा रैनी।

मरकुस 1:3

निर्जन जगा मा जोर-जोर से धै लगै के बुलण वळे की आवाज औणी च कि, ‘प्रभु को बाटु तयार कैरा, वे खुणि बाटु सीदु कैरा।’”

मत्ती 11:1

अर जब यीशु न अपणा बारह चेलों तैं आज्ञा दे दिनी, त उ उख बटि चलि गै। अर ऊंका गलील मुलक का नगरों मा जैके उपदेस अर परचार करण लगि गै।