मरकुस 5:22 - Garhwali

²² अर इथगा मा याईर नौ को एक मनखि वेका पास ऐ अर यू यहूदियों का प्रार्थना भवन का मुखियों मा मदि एक छौ। अर उ यीशु का खुटों मा पोड़ि के वे बटि बिन्ती करण लगि गै।

गढवली नयो नियम

²² अर याईर नौं को एक आदिम जु यहूदियों का मिलणा का भवन का सरदार मा बट्टी एक छो यीशु मा ऐ के वेका खुट्टों मा पौड़ि गै।

मरकुस 5:22 Referans Kwoze

लूका 13:14

अर प्रार्थना भवन का मुखिया न यू देखि कि यीशु न सब्त का दिन पर वींतैं खूब कैरियाली। इलै उ गुस्सा ह्‍वेके लोगु मा बुलण लगि गै कि, “हप्‍ता का छह दिनों मा ही काम करण चयेणु इलै ऊं दिनों मा ही ऐके खूब ह्‍वा, मगर सब्त का दिन पर इन्द्रयो काम नि कैरा।”

खास चेलों 18:17

अर सब लोगु न प्रार्थना भवन का मुखिया सोस्थिनेस तैं पकड़ी, अर येतैं न्याय आसन का समणि ही पीटि दिनी। मगर गवर्नर गल्‍लियो न ईं बात पर कुछ भि ध्यान नि देई।

खास चेलों 18:8

तब प्रार्थना भवन का मुखिया क्रिस्पुस अर वेका घौर का सब लोग न प्रभु पर बिस्वास कैरी। अर कुरिन्थि नगर का भौत सा लोगु न पौलुस का द्‍वारा वचन तैं सुणी के बिस्वास कैरी, अर बपतिस्मा भि लिनी।

खास चेलों 13:15

अर प्रार्थना भवन मा मूसा का दियां नियम-कानून अर रैबर्या की किताबों तैं पढै जाण का बाद उखा मुखियों न ऊंका पास पूछणु कू कैतैं भेजि, “भैयों, अगर तुमरा पास लोगु को हौसला बढौणु खुणि कुई इन्द्रयो उपदेस च, त तुम लोग दे सकद्‍यां।”

लूका 5:8

अर यू देखि के शमौन पतरस यीशु का खुटों मा पोड़ि गै, अर बोलि, “हे प्रभु, मि एक पापि मनखि छौं, इलै तुम मेरा समणि बटि चलि जा।”

मरकुस 5:33

अर वा जनानि जाणि गै कि मेरा दगड़ा मा क्या अदभुत काम ह्‍वे, तब वा डौऽरा बानो कौंपदी-कौंपदी यीशु का पास ऐ अर वेका खुटों मा पोड़ि के वेतैं सब कुछ सच्‍च बतै दिनी।

दिब्य दरस 22:8

मि यूहन्‍ना न यों सब बातों तैं देखि अर सुणी च। अर जब मिन यू देखि अर सुणी, त जु स्वर्गदूत मितैं यू सब बात दिखाणु छौ, मि वेकी भक्‍ति करणु खुणि वेका खुटों मा पोड़ि ग्यों,

मरकुस 5:38

अर जब यीशु वे मुखिया का घौर मा पौंछी, त वेन देखि कि लोग भौत रुंणा अर बड़ु मातम मनौणा छिन।

मत्ती 2:11

अर जब ऊ वे घौर मा गैनी, त ऊंन बच्‍चा तैं वेकी माँ मरियम का दगड़ा मा देखि। अर अपणा-अपणा थैलों तैं खोली के सोना, लोबान, अर गंधरस उपहार का रुप मा देके बच्‍चा को आदर-सम्मान कैरी।