मरकुस 4:6 - Garhwali

⁶ पर जब घाम ऐ त ऊ पौधा झुलसि गैनी, अर जलुड़ा मजबूत नि छा इलै वु सूखि भि गैनी।

गढवली नयो नियम

⁶ अर जब सूरज की गर्मी निकली त फुके गैनी अर जौड़ा कमजोर हूंण का कारण जल्दी सूखि-सूखि गैनी।

मरकुस 4:6 Referans Kwoze

याकूब 1:11

फिर जब सूरज निकळदु अर चटकतल्यु घाम घास पर पोड़दु, त उ वेतैं सुखै देन्दु। अर वेका फूल झेड़ी जनदिन, अर वेकी सुन्दरता नास ह्‍वे जान्दी। ठिक उन्‍नि सेठ मनखि भि धन कमौन्द-कमौन्द एक दिन माटा मा मिली जान्दु।

दिब्य दरस 7:16

फिर यों तैं ना कभि भूक लगली अर ना यू तिसाला, नऽ त यों तैं घाम लगलु अर ना ही चटकतळै हाळ,

यहूदा 1:12

अर यू झूठ्‍ठा लोग ढन्ड़ीयों मा छिप्यां चटानों का जन छिन, अर मसीह प्यार से ज्वा दावत तुम अपणा घौरों मा रखद्‍यां, यू लोग वामा तुमरा दगड़ा खान्दा-पीन्दा छिन। अर यू लोग सिरफ अपणु पुटगु ही भोरण चनदिन, अर लोग त बिना पाणि वळा बादळों का जन छिन जौं तैं हवा अफ दगड़ा मा उड़ै के लि जान्दी। अर इन्द्रया डाळों का जन छिन, जौं पर समौ औण पर फल नि लगदिन बल्किन मा यू त दुई बार सूखि गैनी अर जलुड़ो समेत उखड़्यां छिन।

2 थिस्सलुनीकी 2:10

अर जु लोग नास होण वळा बाटा पर चलणा छिन, ऊंतैं अपणा जाल मा फसौणु खुणि पाप को पुत्र हरेक किसम का बुरा काम करलु। तब वु वेका जाल मा फंसी जाला, किलैकि ऊंन परमेस्वर का सच्‍चा प्यार तैं अपणा जीवन मा स्वीकार नि कैरी। अर अगर जु वु यीशु तैं स्वीकार कैरी देन्दा, त ऊंतैं बचयै जान्दु।

कुलुसी 2:7

अर एक डाळा का जन मसीह मा जड़ पकड़दी अर बढदी जा। अर जिं शिक्षा का बारा मा तुमतै सिखये गै, वेका मुताबिक बिस्वास मा मजबूत होन्दी जा। अर हरेक बात मा परमेस्वर को धन्यवाद देणा रा।

इफिसुस 3:17

अर यीशु मसीह पर बिस्वास करण की वजै से उ तुमरा दिल मा वास कैरो, अर वेका होण से तुमरा भितर को मनखि एक-दुसरा का दगड़ा प्यार से रौण मा और भि जादा मजबूत हो।

मत्ती 13:6

पर जब घाम ऐ त ऊ पौधा झुलसि गैनी, अर जलुड़ा गैरा नि होण की वजै से वु सूखि भि गैनी।

मरकुस 4:5

“अर ऊं बीजों मा बटि कुछ बीज ढुंग्याण जमीन पर पोड़ीनी, अर उख जादा माटु नि छौ अर जादा माटु नि मिलण की वजै से बीज जल्दी उपजी गैनी,

मरकुस 4:7

“अर ऊं बीजों मा बटि कुछ बीज झिबलांणो मा पोड़ीनी, अर झिबलांण भि वेका दगड़ा मा बढिनि, अर ऊंन ऊंतैं दबै दिनी अर ऊं पर फल नि लगिनी।