मरकुस 2:5 - Garhwali

⁵ ऊं लोगु को बिस्वास देखि के यीशु न वे मनखि कू बोलि, “बेटा, तेरा पाप माफ ह्‍वे गैनी।”

गढवली नयो नियम

⁵ जब यीशु ल यु जांणि की ऊंको भरोसो मि पर च त लकवा का रोगी कु बोलि, हे नौंना मि तेरु पाप तैं माफ करदु।

मरकुस 2:5 Referans Kwoze

मत्ती 9:2

अर सुणा, कुछ लोग एक लकवा का रोगी तैं बिस्तर का फंचा पर रखी के यीशु का पास लैनि। अर ऊं लोगु को बिस्वास देखि के यीशु न वेकू बोलि, “हिम्मत रख बेटा, तेरा पाप माफ ह्‍वे गैनी।”

याकूब 5:15

अर बिस्वास से करीं प्रार्थना का द्‍वारा उ बिमार मनखि खूब ह्‍वे जालु, अर प्रभु वेतैं खड़ु उठालु। अर अगर वेन पाप भि कैरी होला, त ऊ भि माफ किये जाला।

मत्ती 9:22

अर यीशु न पिछनै मुड़ि के वींतैं देखि अर बोलि, “हे बेटी, हिम्मत रख, किलैकि तिन बिस्वास कैरी, इलै तू खूब ह्‍वे गै।” अर सुणा, वा जनानि वे ही बगत खूब ह्‍वे गै।

इफिसुस 2:8

किलैकि बिस्वास का द्‍वारा ही तुमतै बचयै गै, अर यू तुमरि तरफा बटि नि होयुं, बल्किन मा यू त परमेस्वर को दान च।

खास चेलों 5:31

अर वेतैं ही परमेस्वर न प्रभु अर छुटकारु देण वळु ठैरै, अर अपणा दैंणा हाथ की तरफा बैठे के सबसे ऊँची जगा दिनी, ताकि वेका द्‍वारा इस्राएली अर सब लोगु तैं अपणा-अपणा जीवनों तैं बदळणों को, अर पापों से माफी पौण को अवसर मिली सैको।

यूहन्ना 5:14

फिर येका बाद यीशु वे मनखि तैं मन्दिर मा मिली अर वेकू बोलि, “देख, तू खूब ह्‍वे गै। अब येका बाद पाप नि कैरी, कखि इन ना हो कि त्वे पर येसे भि जादा विपदा ऐ जौ।”

लूका 5:20

तब यीशु न ऊं लोगु को बिस्वास देखि के वे मनखि कू बोलि, “बेटा, तेरा पाप माफ ह्‍वे गैनी।”

कुलुसी 3:13

हाँ, तुम एक-दुसरे की सै ल्या, अर अगर तुमरा मन मा कै दुसरा मनखि का खिलाप मा कुई सिकैत हो, त एक-दुसरा तैं माफ कैरा। अर जन प्रभु न तुमतै माफ कैरी, ठिक उन्‍नि तुम भि एक-दुसरा तैं माफ कैरा।

2 कुरिन्थि 2:10

अर अभि तक जु कुछ भि मिन बोलि तुमुन वेका मुताबिक ही कैरी, इलै अब तुम वे आदिम तैं माफ कैर द्‍या, किलैकि मिन भि वेतैं माफ कैरियाली। अर अगर कैन भि कुछ बुरु काम कैरी, त हमरु फरज बणदु च कि हम ऊंतैं माफ कैरा अर इन हमतै यीशु मसीह की वजै से करण चयेणु, किलैकि वेन हमतै माफ कैरी। अर यू सब कुछ मि तुमरि भलै खुणि ही बोन्‍नु छौं।

1 कुरिन्थि 11:30

इलै ही तुमरा बीच मा भौत सा लोग कमजोर अर बिमार छिन, अर कई त मोरि भि गैनी।

खास चेलों 14:9

अर ये मनखि न पौलुस का उपदेस की बातों तैं सुणी। अर पौलुस न वे मनखि जनै टक लगै के देखि, अर वेतैं पता चलि गै, कि ये मनखि तैं बिस्वास च, कि मि ठिक ह्‍वे सकदु छौं।

खास चेलों 11:23

अर बरनबास एक अच्छु बिस्वासी, पवित्र आत्मा से भरपूर अर एक भलु मनखि छौ। अर जब उ अन्ताकिया नगर मा पौंछी, अर लोगु पर होईं परमेस्वर की किरपा तैं देखि के बड़ु आनन्दित ह्‍वे, अर वेन ऊंतैं ईं बात की शिक्षा दिनी कि वु सब लोग पूरा मन से प्रभु मा बणयां रा, अर एक बड़ी भीड़ प्रभु पर बिस्वास करण लगि गै।

यूहन्ना 2:25

अर वेतैं कुई जरुरत नि छै, कि कुई भि वेतैं मनखियों का बारा मा बतौ। किलैकि उ खुद ही जणदु छौ, कि मनखियों का मनों मा क्या च।

लूका 8:48

तब वेन वींकू बोलि, “बेटी, तिन बिस्वास कैरी इलै तू खूब ह्‍वे गै, अब तू शान्ति से चलि जा।”

मरकुस 5:34

तब वेन वींकू बोलि, “बेटी, तिन बिस्वास कैरी इलै तू खूब ह्‍वे गै, अब तू शान्ति से चलि जा, अर अपणी ईं बिमारि से बचि रौ।”

मत्ती 9:5

अर इन बता क्या बोन्‍नु जादा सौंगु च? इन बुलण कि, ‘तेरा पाप माफ ह्‍वे गैनी,’ या इन बोन्‍न, ‘कि उठ अर हिटण लगि जा।’

मरकुस 2:6

अर कुछ शास्‍त्री लोग जु कि उख बैठयां छा, वु अपणा-अपणा मनों मा सुचण लगि गैनी,