मरकुस 16:6 - Garhwali

⁶ पर वेन ऊंकू बोलि, “सुणा, ताजुब नि कैरा, नासरत गौं का जै यीशु तैं क्रूस पर चड़ये गै छौ, जैतैं तुम खुज्याणा छाँ, उ मुरदो मा बटि ज्यून्दु ह्‍वे गै। अर देखा, या वा ही जगा च जख ऊंन वेतैं रखी छौ, मगर अब उ इख नि च।

गढवली नयो नियम

⁶ वे जवान आदिम ल ऊंकु बोलि, “भैचक मा नि पोड़ा तुम यीशु नासरी जै तैं सूली पर चढ़ै गै छो ढुंडणा छा उ ज्यूँदो हवे गै उ इख नि च या व जगा च जख वे तैं रखे गै छो।”

मरकुस 16:6 Referans Kwoze

लूका 24:46

अर वेन ऊंकू बोलि, “इन लिख्यूं च कि मसीह दुख उठालु अर तिसरा दिन मुरयां लोगु मा बटि ज्यून्दु ह्‍वे जालु।

खास चेलों 4:10

त मि तुमतै अर सब इस्राएली लोगु तैं बतै देन्दु, कि नासरत गौं का यीशु मसीह का नौ से यू मनखि तुमरा समणि तन्दुरुस्त खड़ु च। अर ये ही यीशु तैं तुमुन क्रूस पर चड़ै दिनी, पर परमेस्वर न वेतैं मुरदो मा बटि ज्यून्द कैरी।

मरकुस 1:24

अर वेन जोर से चिल्‍लै के बोलि, “हे नासरत गौं का यीशु, हमतै त्वेसे क्या मतलब? क्या तू हमतै नास करणु कू अईं छैई? मि जणदु छौं कि तू कु छैई, तू परमेस्वर को पवित्र जन छैई।”

मत्ती 12:40

अर जन योना एक बड़ा माछा का पुटगुन्द तीन दिन अर तीन रात तक रै, ठिक उन्‍नि मनखि को पुत्र भि धरती का तौळ तीन दिन अर तीन रात तक रालु।

मरकुस 10:34

अर यू लोग जु यहूदी जाति का नि छिन, यू वेको मजाक उड़ाला, वे पर थुकला वे पर कोड़ा मरला, इख तक की जान से मार द्‍याला, पर उ तिसरा दिन मुरदो मा बटि ज्यून्दु ह्‍वे जालु।”

मरकुस 1:27

अर यू देखि के सब लोग दंग रै गैनी। अर ऊ एक-दुसरा बटि बुलण लगि गैनी कि, “अरे यू सब क्या होणु च? यू त कुई नयू उपदेस च। अर यू अधिकार पयां मनखि का जन खबेसों तैं भि आज्ञा देन्दु, अर वु वेकी आज्ञा मणदिन।”

मरकुस 9:15

अर जब भीड़ का लोगु न यीशु तैं देखि त ऊ सब हकदक ह्‍वे गैनी, अर सलाम बोन्‍नु खुणि वेका पास भागी के गैनी।

मरकुस 14:33

तब यीशु अपणा दगड़ा मा पतरस, याकूब अर यूहन्‍ना तैं लेके गै, अर उ भौत उदास ह्‍वे गै अर हकबकौण लगि गै।

खास चेलों 2:24

पर यीशु तैं परमेस्वर न मौत का बन्धनों मा बटि छुड़ै के ज्यून्दु कैरी, किलैकि या बात ह्‍वे ही नि सकदी छै कि मौत वेतैं अपणा वश मा रखो।